بدّورة الحلوة :

عزيزتي أنا من رايي تفكرين أولا اش اسباب الطلاق؟؟ انا مااشوف فكرة انك تكلمينه مشكلة أصلا...لكن لاتعرضين عليه فكرة الرجعة من أول مكالمة ومسألة كونه يكلمك من طرف خشمه طبيعي جدا لأنه أولا : مطلق..يعني بينه وبينك ثار او مشكلة طبيعي جدا مايكلمك بنفس زينة وثانيا يمكن يخاف انك تفهمين انه ميت عليك...وهذي تفكير الرجال سبحان الله لذلك انا رأيي تكسبينه أولا كشخص محب قبل لاتكسبينه كزوج مسالة الترجيع ومالترجيع هذي كلام سابق لأوانه المهم علاقتك معاه كيف بتكون؟؟؟انتم كطليقين وبينكم طفل هلحين كيف علاقتكم؟؟ أنتي بحاجة انك تبنين جسر بينك وبينه من جديدوهذا ماراح يتم الا عبر مكالمات كثيرة تفهمين منها ليش أصلا صار الطلاق واش احتياجاته واش التنازلات المطلوبة منك ووووو عشان تبرمجين نفسك بعدين كيف ترجعين... بعدين هل زوجك تزوج ولا لسه ؟؟؟هذي كمان لها دور كبير في علاقتكم ...لو تزوج او في باله يتزوج فأتصور الموضوع بيختلف لكن مادام بعيد عنك هلحين اتراها فرصة انك تاخذين العلم من راسه ويقدر يفضفض لك وش اللي ضايقه منك ....بخلاف ماإذا كنتو مع بعض ماتقدرون تشوفون عيوب بعضكم البعض.. استغلي هالفرصة وشوفي بالتفصيل وش اللي خلاه يطلقك ؟؟وكيف ممكن تبنين علاقتكم من جديد ابتعدي تماما عن نبرة الاستجداء او الطلب...ولاتطلبين منه في هالمرحلة ابدا يرجعك كلمية قولي والله كنت ابي أسولف...كنت ابي اعرف بالتفصيل اش اسباب طلاقنا عشان أحاول أطور في شخصيتي مستقبلا ان شالله ....ولاتنسى ان بيننا ولد ويستاهل ان علاقتنا تكون قوية عشانه بهالأسلوب هو راح يستبعد فكرة كرامتي وكرامتي والكلام الفاضي وراح يفكر بعقلانية واصلا يمكن مايجي على باله فكرة انه يرجعك... خلي نظرته لك تتغير ..هو ماراح يرجع لك مادام حاطط في باله انك نفس المراة اللي راح وطلقها... وان شالله ربي ماراح يخذلك ...طوري نفسك ياخيتي وبيني له انك تطورتي وانك تغيرت فيك اشياء كثيرة...ماتدرين يمكن بكرة ينبهر فيك من جديد ويروح يرجعك...حتى من دون ماتقولين له...

عزيزتي أنا من رايي تفكرين أولا اش اسباب الطلاق؟؟ انا مااشوف فكرة انك تكلمينه مشكلة...