اكثري الاستغفار

استخيري قبل

و الله يسهل عليك

انتي كاتبه عنوان الموضوع ____ينفع اكلم طليقي ؟واقول له رجعني ابيك؟
يعني ندمانه انه طلقك؟؟؟؟
اذا ندمانه انه طلقك وكان الخطا منك ادعي ربك في اخر الليل انه اذا في خير فيه يرجع لك والحي في الدعاء (وقال ربكم ادعوني استجب لكم) وبعدين نصيحه لاتكلميه وارسيلي له رساله تكلمي فيها عن مشكله الطلاق وانك نفسك ترجع الامور لمجاريها وعن وضع الطفل الي حاتصير نفسيته زفت لانه امه في بيت وابوه في بيت واتركي الخيار له ونصيحه لاترسيلي الا بعد ماتستخيري ربك واذ ارتحتي توكلي على الله
والله الرسايل تسوي العجب ويمكن هو ينتظر بادره منك عشان هو يتجراء ويطلب منك الرجعه ولاتفقدي الامل وحاولي (واصلح خير)
لان صعبه الوحده تتطلق ومعها طفل بعدين خيارات الحياه تصير صعبه لها ويمكن اذا تقدم لك واحد يكون اسو من زوجك السابق

ويــــــــــــــــــــــــــــارب ياكريم انه يوفق بينك وبين زوجك السابق ويزيل الشقاق الي بينكم
وانا انتظرك تبشريني انه التم شمل عائلتك من جديد بشيريني

والله موضوعك محيررررررر يااختي الله يصلح بينكم انتو بينكم ولد الله يهديكم الرجال صار عندهم الطلاق لعبه حسبي الله ونعم الوكيل

شوفي اختي أنا حابه انصحك من خلال تجربتي انا مثلك مطلقه وعندي ولد ولما تطلقت كان ولدي عمره سنه والحين ماشاء الله عمره خمس سنوات و***** الله العمر كله

انصحك ماتكلميه ابداً لانه رجل اجنبي عنك لانه خلاص طلقك وانتهت العده حتى اذا مرض ابنك او احتاجه خلي واحد من اخوانك يكلمه لانها تعتبر عيب انك تكلميه بعدين بيقول هذي ماهي مضبوطه وووووو.....الخ

لكن توكلي على الله اذا الله كاتب انه يرجعك راح يرجعك لو بعد حين وبعدين انتي حانه له لان هذي طبيعتنى يالحريم نحن بسرعه على الفراق عكس الرجال
وبعدين انتي ودك ترجعين علشان ولدك صغير ولانك تحبيه وماتقدري تاخذي رجال ثاني هذا التفكير يمر على كل وحده متطلقه في بدايت الطلاق لكن بعد سنه او اكثر راح تتغير مشاعرك وراح تفكرين زين وراح تشوفي عيوب طليقك زين وولدك راح يكبر بأذن الله ويصير عادي عندك الوضع
زيي انا تخيلت اني ماقدر اعيش بعد الطلاق خاصه اني متعلقه بولدي واني احب زوجي وكنت حزينه فوق ماتتصورين مهمومه وكنت ادرس بس بعد مضي سنتين على طلاقي خاصه بعد ماتزوج طليقي احس اني الحمد لله نفسيتي زينه ومتطمنه على ولدي انه كبير

والحين لو طليقي يبي يرجعني ماراح ارجع مهما كان لان خلاص اتضحت عيوبه ليه
وسبحان الله الله مايكتب شي للانسان الا فيه خيره له بس الانسان عجول وانتي راح تشوفين ان طلاقك فيه خيره بعدين بأذن الله
بس لاتهينين نفسك وتوكلي على الله وولدك له رب ماينساه


والله يوفقك ويوفقني ويوفق كل المطلقات بالازواج الصالحين ويعوضنا خير