بنت اختي تعذبت لدرجه يطلع دم من التسلخات ماخلت شي ماسوته
اخرتها ودتها لدكتور في مستوصف سلامتك بالنهضه وسوى لها تركيبه فيها كريم مومنيتا وكريم ثاني وصرفلها غسول مع انه نسائي وتقول فيه تحسن

انا اختي عانيت من ولدي شهرين وكل الي ذكروه الاخوات استخدمته بس الشئ الي فاج معي

اشتري من الصيدليه مس هو مثل مطهر الجروح القديم الترتريون بس لونه موف

وبقطنه حطي عالمنطقه كلها شوي لحد ماينشف دقيقه وبعدها حطي نشاء غطي المنطقه كلها ثلاث مرات باليوم وبتشوفين الفرق ان شاء الله

كريم ميبو ممتاااااز وكله مواد طبيعية مامنه ضرر ان شاء الله ودايم يستخدم بعد الولادة

أختي أوركيد تبغين نصيحتي
أنا ولدي قبل 3 أسابيع الله يعافينا جاله إلتهاب رئوي شديد وإسهال الله يعزك والله والله منطقة الحفاظة صايرة كأنها محروووقة تخيلي تعقدت كل ما أفتح الحفاظة أبغ أغير له ألاقيها مليانة دم
استخدمت علبة سودوكريم كااملة وكنت كل ساعتين أغير الحفاظ و أدهن و أكثر بس مااا فاده ولا واحد في الميه
راح الوالد الله يعطيه الصحة والعافية جابلي كريم فيه كورتيزون وأستخدمه مرتين في اليوم إلى جانب سودو كريم
برضه كمية الدم ما خفت والمنطقة صايرة متقطعة
آخر شي اشتريت من الصيدلية كريم اسمه ( نونا ديبو) (nona depo)
استخدمته كل ما أغير الحفاظه أدهن على المنطقة كلها والحمد لله بعد الله ثم هذا الكريم ولدي تشافى من التسلخات فأنصحكي انك تشتريه و تخليه دايم معاك
اتمنى إني أفتدك

النشا مافيه مثله ولدي 3 شهور معه اسهال يخف ويرجع
وتعرفين لازم تجي تسلخات حطي النشاء لحاله وكثري منه
جيبي عليه بلاستيك وكبي فيه نشاء لحد ماتمتلي وحطي كل ماغيرتي الحفاظ وبكثره
واستخدمي بامبرز ومره وحده بس استخدمي كريم سودو او اللي تبين بس بشرط حطي فوقه بعد نشا