ينفع تحليل الزوجة بدون الزوج؟؟

السلام عليكم ورحمة الله وبركاته..
حابة أسأل قبل ما أتعب نفسي,,
هل تنفع التحاليل من طرف الزوجة فقط,,يعني احلل كاااامل عشان أتأكد من سبب تأخر الحمل وبعدين يحلل زوجي؟
انا قلقة بسبب هذا الموضوع خصوصا اني مرة رحت للدكتورة وعملت فحص للتبويض وطلع كويس والحمد لله وقالت
لي ضروري زوجك يحلل ويجيب التحاليل عشان تشوفها,,طيب انا ايش اعمل هو مش راضي يحلل وانا عمري بكمل
الواحد وثلاثين قريب وهو مش هامه,,ومرات يقول بحلل بس مايعمل شي وامي ازعجتني تقول لي اتعالجي وانا اقول
لها مافيني شي عشان اتعالج حتى اني اخبي عليها لما تنزل الدورة وتقول لي انتي مش صغيرة عشان مايكون عندك عيال وان اختي اللي تزوجت بعدي بكم شهر وهي صغيرة عمرها عشرين كل ماتجيها الدورة تبكي,,طيب انا ايش بايدي ايش اعمل! خصوصا اني دارية ان القلق مش كويس لهذي المواضيع,,معلش ثقلت عليكم بس حبيت افضفض وأتأكد
من التحاليل المبدئية للحمل غير التبويض وهل ممكن أأجل تحاليله هو لغاية ما أتأكد من نفسي؟ علما اني افكر اني
احلل من وراه,,وهل في وحدة منكم جربت تعطي زوجها أشياء تحسن الحيوانات المنوية بدون مايدري ؟