ينفع نعتق بألوان زاهيه؟

السلام عليكم ورحمة الله وبركاته
طبعااااا تقدرين تعتقين باي لون تحبين
انا مثلا معتقه صالتي بلون ازرق وبايدي جربي تسوينه بنفس الموضوع مره سهل ومسلي بعد
بس لازم بدرجات يعني اذا كنتي تبين التعتيق بلون واحد خليه الارضيه مصلا لون فاااتح والتعتيق بلون اغمق بعدة درجات عشان يكون واضح وباين
والله يسهل امورج وتنزلين ببيتج ويجعله ربي منزل مبارك عليج
ولا تنسين تقولين دعاء المنزل الجديد
((اعوذ بكلمات الله التامات من شر ما خلق))

هلا ومرحبا

حياك ربي أختي

يصير نعتق بألوان زاهية ، بالعكس الألوان الفاتحة أحلى من الغامقة

مثلاَ ( الليموني ، التفاحي ، السماوي .......)

والله يسهل أمورك إن شاء الله

ومنزل مبارك مقدماَ ، الله يجعله من المنازل العامرة بطاعته

:)

يصير نعتق عزيزتي ليش ما يصير

الالوان الزاهيه اذا مقتنعه فيهم وحابتهم ليش لا

بس الالوان الفاتحه برايي احلى وانعم واهدى

واذا حابه الاوان الزاهيه .... سويها بوسط الجدار او على جنب يعني لا تختارين كل الجدار وتسوينه عليه وكملي الباقي فاتح

<=== واسألي مجربه

وتحياتي لج :26:

جزاكم الله خير جميعا عيوناتي

roh-alrehan
مرسي عيوني وبصراحة لفتي انتباهي لتعتيق بالازرق
ماادري عيوني اذا عندك صورة للصالون بيتكم اقدر اشوفها؟!
اذا هو متوفر لا تكلفين على عمرك لوماحصل

همسة

الله يعطيك العافيه ويرفع معنوياتك يارب
بس ماادري قد مر عليك تعتيق جدار واحد بس في المكان
صالتي كبيره ومفتوحه وتوسع لاكثر من جلستين فأنا فكرت اني اعتق واحد من الجدران علشان يعطي الجلسه انطباع ثاني
مدري الفكره هذي من راسي بس ماقد شفت احد مسويها

ام عزيزان
جزاك الله خير اختي
بس ماقلتي لي طريقه التعتيق الي اقترحتيها تصلح مع غير كنب الكلاسيك؟:27:

اختي ياليت ترجعي للمواضيع القديمة ستجدين صور تناسبك
اعذريني الآن لا اتذكر روابطها
لكن متأكدة من وجود موضوع به صور عن التعتيق باللون الأزرق
وهي فرصة لك ايضا لمشاهدة ومتابعة المواضيع ذات الصلة بموضوعك لتزدادي معرفة بما يناسبك

ولقد رأيت في احد المحلات جدار معتق باللون الأزرق الفاتح الذي يميل للموف + ازرق على تركواز فاتح +رمادي ثلجي فاتح جدا +قليل من الفضي +ابيض (اللون الأساسي )
تحسيها الوان كثيرة لكن كانت متدرجة وراقية
طريقة التعتيق كانت خطوط متقطعة طولية ومتداخلة قليلا