ينقصني وطن ...!

السلام عليكم ورحمة الله وبركاته


انا بنت عمري 27 سنه
ابوي مغترب هنا من لماكان عمره 7 سنين
عندي عم ساكن معنا الى وقت قريب وله دور كبير في حياتنا
ومسيطر على اغلب امورنا بسبب شغل ابوي الي يتطلب منه
السفر باستمرار وكمان لان امي تثق به ثقه عمياء لانه مفهمها
انه حكيم ورايه سديد اكثر من ابوي ..وانا كمان كنت اظن كذا
لاني تقريبا ربيت على يده..مع ان سيطرته واتخاذه للقرارات بالنيابه عني
كان يزعجني ..بس كنت اسكت احتراما له وعشان امي ماتزعل
ابتدت مشكلتي بسن 16 باول ثانوي تقدم لي اول عريس
وابوي ماكان موجود فكلم عمي وعمي رفض بسبب اني مخطوبه لولد عمي
وهالشي كذب ...لاكنت مخطوبه ولا شي ...
هذا اول عريس
جو بعده كثيرين اما يكلمون عمي او يكلمون امي وامي تحولهم على عمي
لان ابوي مو فاضي ...وعمي يصرف بحجج واعذار كذب فكذب
كان هالشي يضايقني كثير بس مابيدي شي
ابوي كل وقته بشغله مو فاضي يسمع مننا كلمه !!
وامي تثق بعمي ولا تناقشه حتى ..لانه صاحب النظره الثاقبه
وليته على عمي وبس !!
حتى جدي بالبلاد من تقدم له يصرفه بحجه انه يبي اتزوج من قرايبي
وانا والله مستحيل اقبل من قرايبي وهالشي قناعه عندي ثابته
وسبق وكلمت جدي اني ابغى اتزوج وفهمته ان هالشي حقي
واني مستحيل اخذ من عيال عمي
مو عيب فيهم والله.
ربيت ع الانفتاح وانودلت بمدينه
صعب اعيش بقريه ومزارع !!!

ومرت السنين ....لاتغير عمي ولا امي ولا جدي !!
كنت ادفن نفسي بالتعليم واني اكون لي مستقبل
لعل الله يهدي اهلي ....وماياست من كلامهم ونقاشهم
لا بالهدوء ولا بالشده
كله زي بعضه
لين صرت بعمر 27 سنه
اقدر اقول اني اهلي قضوا على مستقبلي
معاد حد بيقبل بوحده بسني
لحد يضحك علي ويقووول تووووك ومن هالكلام
احنا بقريتنا يتزوجن بعمر15 سنه الى 20 سنه
غير كذا محد يلتفت لها
انا انسانه منطقيه وواقعيه مااحب ابني قصور بالخيال ..
مع اني حلوه ماامدح نغسي لكن معي نصيبي من الجمال
ومن عايله لها سمعتها وجامعيه لكن !!

كل الي فات فضفضه لنتيجه وصلتها بيدي وانا استاهل بسكوتي

مشكلتي الي عجزت القى لها حل واعذروني لجرأتي
فيني حاجه للزواج ××××
كيف اعف نفسي
×××××
ادري بيجيني نقد على هالصراحه بس انا ماكتبت مشكلتي الا بعد
ماوصلت لمرحله اخاف فيها على نفسي
كرهت الناس وكرهت اهلي
صرت احقد على عمي وجدي وللاسف حتى امي الومها بداخلي
احسهم سرقوا عمري بدون وجه حق
وياعذار واهيه
ان جا الغني ردوه بسبب انه صايع عشان معه فلوس
وان جا فقير قالوا اكيد طماع بثروة ابوك
مثل ماقلت لكم انا حلوه ومن عايله لها سمعه طيبه والحمد لله
تقدموا لي كثيرين من طبقات مختلفه وبشهادات ومن عوايل
كفوووا ماينردون بس مدري وش عندهم!!
علما بان اهلي يزوجون برا العايله
عندي اخ واحد مقيم برا يجينا كل 3 سنين
اشتكيت وضعي له وطلبت منه يساعدني لان الي يصير لي مو منطقي
قال لي يصير خير وبشوووف ...وكان يصرفني
لان سبق وتقدم لي واحد من قرايبي وهو خويه ورفضته
كان موقفه كنه يقول لي تستاهلين !!
ورجع سافر بدون مايسوي شي
ورجع مره ثانيه وفاتحته لاني وصلت حدي وهالشي غريزه فينا
بس كالعاده يصرفني !!


اكيد بتسالوني ليه مااكلم ابوي !!
ابوي لاهي بشغله وبنفسه وشخصيته قويه وردود افعاله اقوى
وكمان عمي من النوع الي مستحيل تاخذين منه حق او باطل
و
ان قلت لابوي راح يسالهم وهم اكيد بينكرون 100%
وامي معاهم تحسب انها تحميني من طماع الناس بي
هذا باسهل الاحوال ...ان كمان ماوصلت لمشكله اكبر بين امي
وابوي وعمي لان ابوي انفعالي
بالله دلوني
والله اني بحاله نفسيه مايعلم بها الا الله
عمي نقل من المدينه الي احنا فيها لكن عقب ماضيعني
الخلاصه
مستقبلي بالزواج ضاع لان كل معارفنا يزوجون بعمر15 ل20 بالكثير
ومااعرف للخطابات ولا للمواقع حقت الزواجات
مااعرف احد تعامل معهم وماابغى اجرب
كيف ادبر عمري ؟؟
والله اني زعلانه من نفسي عشاني الوم امي
وهالشي يبين بسلوكي مع امي مهما حاولت اخبي
بايش تنصحوني ؟؟؟؟؟؟