الله يفرج همك ويوسع صدرك ويخلف عليك بذرية صالحة طيبة .

اختي التجيء الى الله و لا تنسي ادعية الهم والحزن والكرب

حاولي النسيان ادري انو صعب بس عشان تقدري تكملي حياتك

وحققي رغباتك زوجي وكان الله في عونك

الله يصبرك اختي ويعينك ويعوضك انشالله
الظاهر انتي تمرين يمكن باكتئاب ما بعد الولاده وهذا يصير اكثر شي للبكر بعد ماتولد وزاده ان بنتك ماتت فانتي يمكن في حاله نفسيه سيئه بسبب الولاده وموت بنتك بس هونيها وتهون اختي حطي في بالك انك اذا استسلمتي للحاله راح تتمين فيها على طول وتتعبين وتعبين زوجك معاك كوني قويه وما راح يقوي قلبك الا ايمانك بقضاء الله وقدره والخيره فيما اختاره الله هو اختار انه يعطيك بنتك وبعدين ياخذها يااختي نحن شو بيدينا مانقدر نعترض على ارادة الله سبحانه ومن كلامك حسيت انك مؤمنه بقضاء الله وقدره وراضيه باللي الله كتبه لك بس يبيلك فترة تجددين فيها روحك ونفسيتك عليك اختي بالاذكار وقيام الليل وبعدين بقولك نصيحه روحي السوق اشتري لك كم قميص نوم وكم كريم من اللي قلبك يحبهم واشتري اللي تحسين انه زوجك يحبه ويبي يشوفه عليك يعني اشتري اشياء ماعندك جديده وحركات جديده وغيري مفرش سريرك واشتري كم نوع عطر من اللي ريحته تخبل وتفر راس الرجال فر وبعدين غيري في شكلك شوي اما بقصه او بصبغه او الاثنين معا وراح تحسين ان نفسيتك احسن صدقيني تراها من تجربه وبعدين لما زوجك يشوف هالتغيير وتسوين له ليله حلوه مع شموع وعصير وعشا خفيف قولي له حبيبي انت اليوم الاستاذ وانا التلميذه عندك انت علمتني اشياء وايد وانا بحاول اليوم اكون لك مثل ماتريد او انك خلي الامور تمشي مثل ماتريد يااختي ترا الموضوع مب بذيك الصعوبه يعني الحركات والوضعيات سهله مب معقده لهاي الدرجه انتي تعرفين ان كل شي حلال مدام يتجه لمكان واحد وهو الفرج سوي كل شي مدام حلال وخلي نفسك على طبيعتها وصدقيني هو لما يشوفك تحاولين راح يعلمك ويرشدك ويقولك شو تسوين بس انتي ارخي اعصابك وتفاعلي معاه وحسسيه انك تبين تسعدينه باي شكل
وممكن انك تبدين ليلتك بالتمنع بدلال وغنج يعني كر وفر ترا الرجاجيل يموتون بهالسوالف يعني قولي له تبيني صيدني اذا تقدر او انكم تلعبون لعبه واللي يفوز هو اللي يبادر وقوي قلبك اختي وادعي ربك يسهل لك وييسر لك وادعيه انه يعوضك على صبرك ذريه صالحه
اتمنى ماكون غثيتك او مللتك وانشالله تفرحينا بالاخبار السنعه موفقه انشالله

حبيبتي
راسليني على الخاص
وان شاء نحللك مشكلتك
ما في صعب ان شاء الله
والله يعوض عليكي

راسليني اختي على الخاص والله يسهل عليش كل عسير ويعوضش عنها ا اللي فيه الخير والصلاح لكي هذه حكمته وهذا قضاءه ربي يصبرش

الله يعطيش القوة لتناسي والنسيان ويرد زوجش اليش ردا والله يهديكم على بعض حاولي تغيرين هالجو بينكم والله المعين والمسهل