يهددني بطلاق عشان معمول تمر

مرحبا معليش اكتب لكم وانا منهارة السالفه ان زوجي تفكيره تفكير طفل يحب الخصوصيه مره ولا يرضى اني اعطي اهله شي او اخدمهم بشي وقال لي مره اذا سويتي من الي حذرتك منه فمالك مكان عندي قال لي كذا قبل ٨ شهور واحترمت رغبته لاني ما احب المشاكل خالتي اخت امي جايه من منطقه ثانيه وجايبه معها هدايا وحلويات لاقاربها ومعارفها هي مره كريمه ماشاء الله فعطتني هديه لي ولعمتي امي زوجي جلابيات ومعمول تمر كثير في علبه وحده كبيره جدا وقالت لي اذا رحتي لبيتك خذي لك انت وزوجك من المعمول وعطي عمتك ام زوجك كنه المهم رحت لبيتي وشاف زوجي المعمول واكل منه وخرج وانا اخذت من المعمول والجلابيه ورحت لعمتي هي ساكنه جنبي يوم صار بعد العشاء دخل زوجي وفتح علبة المعمول قال ليش ناقصه قلت عطيت منها اهلك مادريت الا انفجر علي وبغى يطقني وقال انت ما تفهمين ونسيتي تهديدي قلت عارفه بس لان هذا من خالتي وهي الي قالت عطيه ام زوجك وبعدين اذا خلص ابجيب لك عشر علب قال حتى ولو قالت انا وياك خلاص انت انتهيتي بنسبه لي بكرى ابكلم اخوك وننتهي انا ما قدرت ارد ولا كلمه احس اني مو مستوعبه معقوله يتخلى عني بسبب ها الشي التافه ومعقوله يفشل نفسه عند اهلي اذا قالهم سبب الطلاق لأنها عطت امي من المعمول