طريقة دنيئة عشان يهز ثقتك بنفسك ويقهرك لكن ماعليكي من كلامه
الارزاق بيد الله مو بيده وقوليله اخذ واحد معه عيال لكن يسعدني ويعرف قيمتي افضل من واحد لي لحالي لكن مايعرف قدري وعاجز عن اسعادي

بنات الله يهديكن تزيدونها و تعطونها كلام عاطفي بدون تفكير ... إنتوا بتنفعونها بكره إذا تطلقت و شافت عيالها محرومين من الأب ...

ترا الحرمه أهون عليها الذل و العذاب ولا تشوف عيالها ناقصهم شي ... فما بالكم باهم شي .. أبوهم

شوفي يا أختي .. من ناحية تتزوجين بعد ما تطلقين .. هذي أرزاق صحيح نادر تتزوج مطلقه ام عيال بس فيه ناس كثير يتوفقون بالثاني ... و هذا كله من رب العالمين..

بس مش هنا المشكله .. المشكله في طلاقج نفسه .. لو تقولين لي ابتطلق لانه يشرب أو لانه زاني ... أقولج تطلقي و أحتسبي عند رب العالمين ..
أما إذا أشيا ينصبر عليها مهما كانت فظيعه أصبري و أعرفي إن هذا جهاد الحرمه ... من كلامه ملاحظه إنه نفسه شينه و رجولته ناقصه .. بس ما ادري أحس إنه شاريك لان أي رجال حقير بيطلق بساعتها و بينفذ كلامه لانه فعلا يقدر يلاقي 60 بكر .. ترا البنات تارسات البيوت و يدورن ظل راجل و لا ظل حيطه ... فيعني يمكن هو لسانه خايس و عناده و تكبره يخليه يرفض يرضيج ... بس بنفس الوقت شاريج .. و حتى لو مو شاريج و فعلا بيقعد عشان عياله ترا هذي نعمه و صفه وايد زينه فيه ... والله أعرف واحد حقيييييييييييير من دنائته يوم مرته تطلقت عنه غصب بعد ما ذبحها و مص دمها 15 سنه فوق ما إنها ما خذت حقوقها ... قام يبيع أملاكه بس عشان ما يتورثونه عياله ... تخيليي بس

أنا أقول أصبري و أهدي و فكري بالموضوع بعقلانيه مو عاطفيه ... هل إنتي فعلا بتستحملين تطلقين عشان ترتاحين إنتي بس عيالج يتأثرون سلبيا بهالشي ؟؟ ولا مستعده تستحملين عشان عيالج و تدعين ربج يصلحه و يرده لج الرد الجميل ...

تدرين خلج من كلامي و كلام البنات و توجهي لرب العالمين مره و مرتين و مليون بالثلث الاخير من الليل و انا أوعدج و أحلف لج بأغلظ الأيمان إن رب العالمين بيستجيب لج ولو بعد حين ... :26: