يهددني يدخل زوجته الثانيه في بيتي

.... كل ما أذكر كلامك ياشديد ***تمطر الدمعه وتنبت من جديد

...................
صباح الخير والأنوار على كل الصبايا والأمهات وما أستغني عن آراءكم والتوجيهات
... حبايبي مثل ماواضح بالعنوان زوجي الحبيب بادي يتدلع واجد ويهددني كل مرره بالثانيه
كل ماتهاوشنا جاب السيره ماأدري وش القصه وصراحه لو كانت مزح تكرار الكلام يضايق
ماأنكر انه يغار مررره من حرصي وانتمائي الشديد لأهلي وأتدلع مررات لكن ما يستعمل هالسلاح
ويضايقني متابعته لقناة العربيه اللي فيها سيدات الحسن وعارضات أزياء وميك أب واذا حس اني أقبلت
قلب القناة لا والله كأني ماأسمع الصوت ومرره كنت عند أهلي ودخلنا غرفة التلفزيون وانتبهت
انه غير رقم القناة قبل يفتح الشاشه قلت ارجع ارجع ليش غيرت كان مفتوح على رقم 55 واذا
والله الرجال فاتح قناة الله بالخير قلت وليش طيب تسوي هالحركه كان فتحت عادي أنت كذا شككتني
قال أخاف تزعجيني لاتناظر ضحكت بهدوء وقمت ومافتحت الموضوع أبدا لكني مقهوره .. بعدها بيومين كنت
عازمه أهل زوجي بشاليه وكان هديه من أهلي الشاليه والعشا وتعبت بالتجهيز والحلا وكان مبسوط اني
موجبه أهله وكشخت ع الآخر لبست بلوزه طويله وبنطلون وساتر وماطلع مني شي لكن هو مايحب البنطلون
وللمعلوميه كل اللي فيه نسوان ولابسين قصير وحركات المهم دخل علي وكنت أجهز الحلا وكان ناوي يشكرني
وفيه أم زوجي وخواته لما شاف لبسي سكت وصار وجهه ألوان حتى كل الموجودين انتبهوا كان وده يهاوش بس
طلع لما انتبه انهم حسوا فيه ... وزعل ع الحلا ولما جهزت العشا والبوفيه وناديته عصب علي وقال أصلا نكدتي
علي كل شي وجلس يصارخ وش هاللبس ماتستحين ماأبغى عشاك وأخذ الرز والببسي وطلع للشباب برا ع المسطحات
وخلا كل البوفيه وأرسلت لهم السلطات ودق خلاص لاترسلين شي عاد أنا انبسطت على غيرته مع اني عند نسوان وما
راح يلمحني الرجال أبداولبسي عادي جدا وضحكت من قلبي الحين هو ماشاء الله يقلب بالبنات العاريات ويناظر ع كيفه
وأنا يسوي كذا وللعلم حرصه مرره عند أهله الى درجه مايسمح لي أتعدى المجلس حتى لو البيت فاضي يخاف يمر اخوانه
وامه هي اللي تضيفني وتقهويني حتى صرت أجيب قهوتي وعشاي من بيتي وعلى أعصابه لين نرجع البيت ؟؟
وهو مايقصر اذا طلعنا للسوق يناظر ويعلق بعد والشغاله عادي يدخل المطبخ ويطلع مافيه مشكله عنده
... والجديد بالموضوع أخو زوجي خطب ماشاء الله الله يوفقه يارب .. وأم زوجي من فرحتها ياقلبي
كل ماجلست مع زوجي ماغير مدح بالبنيه وش حلاتها وزينها وبيضها وخفتها وصغرها وأدبها
,وأنا والله عاديه ماعندي ذاك الزود لكني أنيقه وشياكه و واثقه من نفسي لبقه بالأسلوب
المهم زوجي شكله غار وحن لأيام الخطوبه والحركات وصار مايطيقني ومتوتر ويتنقد علي واهتمي فيني وداريني
وان هب الهوا دفيني هههههه وعلى أي زله يعصب ويهاوش يارب تكون سحابة صيف تمر وتعدي
وانتم وش رايكم .....
***********************
قبل شوي تهاوشنا صايرين مثل البس والفار هاليومين ولنا كم يوم متزاعلين
المهم فيه تراكمات وكل واحد يحط على الثاني المهم الموقف اللي صارطلبت أمس
من أخوي اللاب حقه لأن جهازي خربان وفتحته وفيه صور لخواتي المهم آخر الليل
جا زوجي وفتح الجهاز وسألني عن كلمة المرور قلت عطني أفتحه لك قال ياربي
وش فيه أسرار قلت فيه صور وماعندي مانع تشتغل عالنت دامني عندك وترجعه
قال أقول كم الرمز قلت عطني أفتحه وصارت هوشه المهم سكت أنا جرب هو وجاه تذكير
بكلمة المرور وكانت آخر رقم بيت أهلي وعرف الرقم وسجل الدخول قمت سحبت الجهاز وصارخت
عليه ماأسمح لك ولا أرضى قال يعني وش بسوي بدخل النت قلت ولو ماتسوي كذا قال أصلا أخوك
علمني الرمز يوم يجيب الجهاز قلت لاتكذب أنت عرفت من التذكير قام وهو يصرخ أنتي تزهقين الواحد وتمللينه حياته ذكرته
بموقف تافه زعل عليه وعصب وكيف هو ماعليش يغار وأنا لا كان الوالد عازم زوجي وأهله بالاستراحه
وطلب اخوي وهو رجال ويعتمد عليه جوالي يدق ويرجعه لأن جواله قفل وشافه زوجي وانهبل عليه هذا جوال
زوجتي مافيه غير هالجوال تدق منه وجا عندي ليش أنتي ماتخافين يخلي الجهاز وأنتي عارفه فيه صوره
لك لو يطيح بيد أحد اخواني قلت ياشيخ روقنا ترى المسأله ماتحتاج بيدق ويرجعه وقلت سم وأبشر وانطميت
قال هذا أيام أول الزواج الحين ماتهميني وبتشوفين بكرى القريب بجيب عروس تنسيني قلقك وبحطه في
بيتك تدرين قومي ظفي أغراضك وروحي أهلك قمت من عنده وبديت ألم أغراضي قال خير قلت انفذ طلبك
قال أنا ماقلت كذا وأنتي تألفين بتروحين من نفسك دقي على ابوك وخليه يجيني هنا ومع السلامه تعوذت
من الشيطان وفرشت سجادتي ودعيت الله من قلبي والحمد لله هديت وشفته قام وتوضا وصلى وجا يقول تعالي
نتفاهم وصديته ودخل غرفته ونام ...
( اللي عندها كلام يهدم مستغنيه) أكتفي بصاحبات الحكمه والتصرف الحكيم وشكرا