يهدد بالطلاق

سلام ياحلوات كيفكم


انا متزوجه لي 15 سنه يعني عشرة عمر ماحس بالاستقرار مع زوجي ابد عندي بنتين وولدين ومكتفيه وزوجي موعاجبه


مااكره الاطفال لا بس علشانه خطب ولاست مرات وقررت خلاص ماعاد اخلف واتفضى لنفسي لانه يقول للناس حرمتي ماتبي خلفه وهو كذاب اول خطبه له وبنتي عمرها سنه والخطبه الثانيه وانا حامل بولدي الصغير يعني الخلفه حطها حجه قلت دام ذا عذره خلاص بارتاح




المهم انه دايمم يهدد بالطلاق وطلق ورحت لاهلي اسبوع ورجعني وهدد مره ثانيه ورحت لاهلي اسبوعين ورجعني طبعا ابوي بكل صعوبه خلاني ارجع وخلاه يدفع 20 الف وياثث البيت كله جديد بس مانفع فيه






الحين يوميا يقول انا وين عقلي يوم تزوجتك انتو ماتشرفوني علما بان ابوي معروف بين جماعتي الكل يحترمه يعني. المفروض يفتخر بالنسب


ودايم يقول اقامتك مؤقته عندي
قريب راح افتك منك
وياخذ عقد الزواج ويطلع الصباح يقول انا رايح المحكمه اطلع ورقتك وعرفت انه ماعنده سالفه مايسويي شي


الحين اي غلط يقول فارقيني حلي عني واقول ابركها من ساعه يوم افتك منك ماني ميته على الحياه معاك طيب ليه مايعطينيي اياها صريحه يطلق ويفكني


ملاحظه انا الحمدلله جميله والكل يحسده علي وسنعه ع قولتهم يعني مو ناقصني شي. وذكيه وطباخه حتى هو يقول ماذوق زي طبخك لذيذ
ومقصر معاي بالبيت مايقضي ولايجيب النواقص الا بالعافيه ومايخلينني. امشي كلمتي ع عيالي دايم انا تربييتي غلط والحينن ولدي الكبير متمرد علي مايحترمني واذاا علمت ابووه يقول. كبري عقلك يمزح معاك ولا ماتتقبلي المزح الا من اخوانك وعيااال اخوانك وعيالك تهينيهم والله مدري من اللي ينهان انا ولا اهم




آسفه طولت عليكم بس كيف أأدبه عن تهديداته باعيش حياه مستقره ابغى احس اني متزوجه مو حياه مكهربه طبعا لو اعلم اهلي ماراح يخلوني عنده دقيقه بس انا ابي بناتي تحت جناحي ضعيفات وحنونات وبنتي الكبيره ع وجه بلوغ