السلام عليكم ورحمة الله وبركاته
هذا يا طويلات العمر كنت مره أقلب المنتدى
وأشوف موضوع عن أحد المناطق أنهم يشترون القمل بخمسين ريال عشان اطالة شعورهم
وأكتبلك ذاك الرد اللي للحين متذكرته (والله من الوصخ و يتعذروا )
وبعدها يا بنات بأسبوعين وينصب ذاك القمل على بناتي وما فادت معه لا شامبوهات
ولا نظافه و لا تسبيح يومياً :44:, وأنا بس أستغفر وأقول شكل ربي غضب علي عشان كلمتي:icon36:
وتأكدت أن ماله دخل بالنظافة .. وأنه مشكله تصيب أغلب الناس
المهم, وبعد فتره يهديني الله الى العلاج الفعال اللي ما يكلف شي
لا شامبوهات من الصيدليه غير الاحراجات والتعب النفسي لك ولأطفالك من كثر الغسيل وتمشيط الشعر
اللي ما جاب نتيجه يروح فتره ويرجع:3_2_21v:.. طبعا ما ودي أطول عليكم
تجيبين عطر عود أصلي أو أي عطر في ريحة عود
بعد ما تغسلين شعر بنتك وتنظفيه تحطين مسحة بيدك من العود
ونقطتين زيت للشعر
طبعا أنا أستخدم هذا
و تقدري تحطي أي زيت للشعر عندك
وتمسحي الشعر , طبعا أستخدمتها ثلاث مرات والحمدلله قلت وداعا للقمل نهائيا
الحين لي أكثر من تسع شهور مرتاحة وسعيده
وأنا أسمع قصص البنات مع القمل وأقول يارب لك الحمدلله الذي هديتني لهذه الطريقه
بالنسبه للشيب لأن بعضهم يقولون أن العطر يطلع شيب بالشعر
أنا الى الآن ما لاحظت شي
و أنا أخلط مع العطر الزيت عشان ما يأثر ع الشعر
و الحمدلله ما لاحظت شي ع شعر بناتي بالعكس العود هو نفسه تحسيه فيه زيت
ف يخلي الشعر كأنه مزيت
طبعا بعد ما تجربون طريقتي وترتاحون من القمل سووها مره بالاسبوع او مره بالشهر للوقايه
زبده الكلام ان الشعر لازم تكون ريحته عطر لأن القمل يكره العطر
اهم شئ لاتنسوني من هذي الدعوه
وأنا ما كتبت هالموضوع الا لوجه الله وحتى تعيشوا السعاده اللي أنا عشتها
ودمتم سالمين
جزاك الله خير ...