أحترم ثلاثه أشياء
أحترم نفسك
أحترم الاخرين
أحترم تصرفاتك وكن مسئولاعنها

واخيرا فيه وحده هنا تقول ها الكلام انا توقعت ما اشترو الكمبيوتر واشتركو في النت وسجلو في المنتدى الا يوصون بعض على كره خوات الزوج وتنتف ريشه وتعتبر امه عدوتها اللدوده وتفضح بكل اسرار زوجها

وتاركين وراهم تعاونو على البر والتقوى ولا تعاونو على الاثم والعدوان

ومستلمين بعض نصايح وكل نصايحهم هي الاثم والعدوان هل كونها اخت للزوج تخرج عن المله والاسلام هل كونها فقط اخت للزوج لازم تحارب ؟

هل كونها اخت للزوج لازم تكون شريره وغايره وحسوده وتدخل في مالا يعنيها؟

هل كونها اخت للزوج مالها حق تتكلم ولاتنسمع ولاينظر لها؟

الغريب ان كل هذا يطلع من مسلمات موحدات يشهدون بان الله لا اله الا هو وان محمد عبده ورسوله والغريب ان كل وحده فيهم تقابل ربي خمس مرات في اليوم وتدعي لنفسها بالستر وتسخير الزوج وصلاح الذريه طيب مافكرت هل افعاله ارضت الله ولا غضب منها؟ هل افعالها تسعدها في يوم الحساب قال الله سبحانه وتعالى يا ايها الذين امنو قو انفسكم و اهليكم نار وقودها الناس والحجاره الحساب يخوف النار تخوف اعبد الله كأنك تراه فأن لم تكن تراه فأنه يراك الاسلام يهذب الانسان وهذي ماهي افعال المسلمات كل الناس تعاملهم الوحده احسن معامله والانسانه السيئه تتجنبها ولا كن ماتسعى بالفرقه وبالقطيعه بين زوجها وخواته واولادها واهل ابوهم لايؤمن احدكم حتى يحب لاخيه المسلم مايحبه لنفسه ولا فيه وحده ترضا زوجة اخوها تحاربها وتعاديها وتفرق بينها وبين اهلها عزوتها اخوها وذريته حرام خافو الله في انفسكم
شوفو الشخص المتفحم من نار الدنيا ارحمو انفسكم لايصير الزوج سبب دخولكم في النار



شوفو منظر النار خافو الله في انفسكم اللهم لا تجعل الدنيا اكبر همنا ولا مبلغ علمنا

كل وحدة تتكلم عن حالها
ياناس الله خلقنا وابتلانا ليش هالحماس الزايد انك لا تهدي من احببت ولكن الله يهدي من يشاء
ذكرو وانصحوا بدون تجريح او استنقاص وتذكروا قولة تعالى (وادعو الى سبيل ربك بالحكمة والموعظة الحسنة )
يعني الحكم ذا ما يناسب سماحتكم خلاص دعو الخلق للخالق
والناس شخصيات وعقليات
انا عن نفسي اذا شفت ما لا يسر طنش واترك الجدران ترد عني
وقت الواجب ما اقصر ان شاء الله

الحمد لله على كل حال المشكله الكل ينصح مثل ماقلتي

اذكر بخطوبتي كيف النصايح اللي تسم البدن

والحمد لله ماسمعت غير نصيحة أمي اللي قالت لنا عاملوا أهل أزواجكن مثل ما تحبون زوجات أخوانكم يعاملونا

أمي الله يحفظها كانت ماخذه هذه القاعدة مع كل الناس .. عامل الناس مثل ماتحب يعاملونك وماشاء الله الكل يحبها ويقدرها وحتى زوجات أخواني يخجلون منها حتى لو عملوا مشاكل :22:

لكن المشكلة في بعض الناس مثل وحده من أخوات زوجي مرررررررررره تدخل نفسها فكل شي والله سببت لي كثير احراجات ومشاكل لكن الله يهديها بس

اعتقد على حسب طبيعة أهل الزوج إن كانوا تبع مشاكل :30: .. الله يعين

وإن كانوا طيبين حبوبين الله يهنيك معاهم :)

اللي ماعندها رأي ولا شخصيه ولا تفكير بتسمع كل كلمه وتنفذها .هذي لا تلوم الا نفسها
الوحده يكون لها عقل وفكر واسلوب وش يناسبها تسوي
يعني بالله تتزوجين وهدفك كيف تسفهين اخت زوجك وكيف تنتفين ريشها وكيف تطيرين ام زوجك من وجهك؟؟!!!!!!
لا يا بنات الحياه الزوجيه اكبر من كذا ... انتي ليش تزوجتي ؟؟ مو عشان الاستقرار الاسري .. طيب كيف بيتم وانتي تناشبين اهله
وتدورين الخطط وتنشرين اخبارهم عند اهلك لااااااااااااا
الحمد لله من قبل لأتزوجح وانا اعلم نفسي كيف اتصرف واستفيد من تجارب غيري وجتني قريبه وقالت شكل ام زوجك قويه قلت لا بالعكس وطنشت وعاملت ام زوجي مثل ما اعامل امي والحين هي تحبني حيييييل يارب لك الحمد رغم الاخطاء اللي تصير تجاهي منها لكن امشي الموضوع وما احط بقلبي شي ما ودي انام وبقلبي حقد على احد
وخوات زوجي احترمهن وان اخطيت اعتذر عادي ما تكبر عليهن ولا اراددهن رغم الكلمات اللي تنرفز لكن اخذها بحسن نيه وعادي هذولا هم يحبوني
حتى حمايني من الرجال يحترموني واول ما يسألو ن زوجي عني ويمدحوني ولله الحمد هذا مو مني هذا من فضل الله علي ثم من تربية امي لي ..
لا تاخذون المواقف بحساسيه ابد ولا تعيشون بالدنيا بحقد وغل يا بنات نظفو قلوبكم وابسطوا حالكم براحه الضمير ومو عيب الاعتذار وقت الخطا ابد
خواتي والله نصحنكن من قلب وعساني ارضيت الله بمعاملتي لهم ......
وش تسوى الدنيا ؟؟؟ والخلافات ماليه حياتنا... صيري زي الفلتر اللي ينظف الجو من الشوائب كذا خلي حياتك وبيتك