يوترني ويحسسني بتأنيب الضمير

السلام عليكم ورحمة الله وبركاته
جتني قريشات من قطعة ارض بعتها
ومن جتني وانا حاطه في بالي بشتريلي طقمين ذهب
بحكم انه ماعندي ولا قطعة ذهب بسبب اني بعته بسبب الحاجه
وفكرت اشتري الكل البناتي الثنين هديه قيمه وكل وحده من خيارها
البنت الكبيره قالت ابي ايباد والثانيه قالت خاطري بمبلغ آلف ريال وانا بخبيه اشتري منه واصرف على نفسي منه واذا رحت مول اشتري اللي ابي قلت طيب
جت الفلوس جزء بسيط شريت طقمين ذهب
وعطيت بنتي الف ريال والثانيه اشترت ايباد من جرير
بعدها جا زوجي والله لا يوريكم كأنه دافع فلوس الايباد و الذهب من جيبه
قام يهاوش ياحرمة منتي صاحيه ليش تشترينلها ايباد مالك دخل فيها كان سكتيها في200﷼ وخلصنا لكن آيباد مره وحده صدقو اخوننا المصاريا يوم قالو هذا المثل ((يدي الحلق للي ملوش وذان ))
قصده يعني انه انا مو وجه فلوس
والثانيه بعد خذي منها الالف وعطيها 200﷼ شوفي الايباد يرجعونه او لا غبيه انتي مو صاحيه فلوسك غبيهم ذهب ليش تشترين كان عندك ذهب وكله بعتيه والحين ماتلبسين الا اكسسوارات وش قصر معك الكسسوار بزواج اختك لابسه اكسسوار ماتعدا300﷼ الحين صرتي ماتلبسين الا ذهب نصيحه اذا الفاتوره معك رجعيه خبله مهبوله وشوله كل ذا غبي فلوسك ،، المهم اخواتي وترني وكسر فرحتي وتسلط اعوذ بالله هبل فيني كرهني كلش حتى توزيعات عيد ماعمري سويت لانه مامعي فلوس اسوي توزيعات بسيطه للاطفال لكن المره هذي قررت اسوي للكبار ويشوفني ارتب واشاور بناتي اخذ كذا ولا اخذ كذا وينجن ماعليك من احد لا تشرين توزيعات واعوذ بالله تقل دافع شي من جيبه هبل فيني الله لايوريكم رغم ان التوزيعات الكل يجيب من كبار وصغار الا انا لانه ماكان بستطاعتي والحين يوم صار بستطاعتي تسلط زوجي اعوذ بالله
اجل الذهب يقول رجعيه هبل فيني ضيق صدري كيف اتفاهم معاه تكفون شوي وببكي كل ماشريت شي خبيته تقل حراميه أعوذ بالله