جزاك الله خير على الموضوع المميز وين يومك يام توينني علشان نستفيد منك

السلام عليكم

انا عندي بنت ٤ و ٧ سنوات وولد ٥ شهور فدييييتهم

نظامي مع اللي اقل من سن المدرسه حسب ماتبغين ام تويني
نصحى انا و بنتي وولدي الساعه ١٢ الظهر اغير لهم وبعدها بنتي اعملها ساندويش جبن و ولدي سيريلاك
واسوي الغداء وهم عند التلفزيون وغالبا بنتي تلعب بالايباد
ونتغدى الساعه ٣ واخذ مودي وارضعه وينام العصر
والساعه ٤ اعطي بنتي موزه او برتقاله واذاكر لبنتي اللي بالمدرسه
اما الساعه ٥ الكيك والحلى والشابوره وولدي طبعا اعطيه شاي اعشاب او منقوع تمر
و الساعه ٧ ارضع ولدي وينام ولما ينام ابدأ اسوي العشا لبناتي
و الساعه ٨ يتعشون بناتي فديتهم
وبنتي راعية المدرسه تنام
ويبقى ولدي وبنتي الصغيرين يلعبون وعندزالتلفزيون
ولدي اعطيه بهالوقت تقريبا على الساعه ٩ عصير تفاح او زبادي روب ويغفي غفوه
والساعه ١٠ او ١١ قبل النوم لازم اعطي بنتي وجبه مثل كورن فليكس او بيضه وبعدها حليب وتنام
وولدي حليب وينام
وان شاءالله ربي يعطينا الصحة والعافيه ويبروون فينا يارب

 

موضوع قميييل
انا بنوتي عمرها خمس شهور وعشره ايام العمر كله يارب
كانت متبعتني بالنوم ماتنام متواصل وبعد ثلاث شهور الحمدلله تحسن نومها
نظامي مو منتظم بس ابذكر هالاسبوع بنوتي هالايام معلنتها سهره صباحي تنام على 2 او ثلاث الليل على حسب تعبها قبل لاتنام اعطيها حليب وانام معاها
تصحى الصباح على تسعه اغيرلها و اعطيها رضاعه تكون دسمه حتى تشبع وتنام زين حليب بحبه بسكوت او سيرلاك
وعلى ساعه وحده الظهر يقومني صوتها فديتها ارضعها والبسها واحيانا اروشها اذا الجو حلو
العصر ابوها ينام وانا احوس بالمطبخ او اغسل ملابسها او اسويلها طبخه و احطلها مفرش الالعاب وتلعب و احيانا العب معاها اسويلها وجبه ياخضار او تفاحه مهروسه او زبادي
المغرب فالغالب نطلع نتمشى اوقات تنام بالسيارة اوقات نكون بالبيت تاخذ غفوة بسيطه
العشاء زوجي يصلي وويطلع لصحابه او يكون عنده شغل عاد اتفرغ لنفسي ياخلطات او مكالمات مع اهلي او اكون على النت او مع الكتكوته على الساعه تسعه او عشرة تاخذ غفوة اصحيها اسويلها سيرلاك او اسخن الخضار الباقي بالثلاجه احاول اسويلها برنامج غذائي حتى تزين صحتها وتسمن ياقلبي عليها نحيفه
وهذا برنامجي وصلى الله على محمد

موضوووووووووع متميز انا ام جديدة بنوتي عمرها اربعة شهور الله يحفظها ولسه نومها متقلب لانها ترضع طبيعي فقط عشان كذا تقوم كل مرة احيانا تنام 2او 3 بالليل وتصحى الفجر ترضع وبعدين تقوم 8 او 9 الصبح وارضعها وتجلس ساعتين تقريبا صاحية بعدين ترجع تنام الى الساعة2 الظهر واقوم اروشها وصرت اعطيها هاليومين ارز بيبسيريال وقبل المغرب ترجع تنام وتقوم 7 او 8 وتجلس للساعة 10 تقريبا وتنام ساعة بعدين تسهر الين 3 الفجر وكذا اليوم كامل تصحى ساعتين او ثلاث بعدين تنام ساعة تقريبا وطبعا ارضعها بين هالاوقات وان شاء الله تعدل نومها وارتب اموري معها لاني احس نفسي مو قادرة ارتب نفسي وقتي كله مشغول معها ,,
وصلوا على المصطفى,,

الله يسعدكم يارب ..
يومياتكم حلوه .. عسى ربي يحلي كل ايامكم يارب ..
ومشكورين على الردود والتفاعل الحلو