**** يومياااااتي انا وعائلتي **** خ .م

Em zaid :

المهم نكمل منرجع بجهز كاسة نسكافيه والصغيرة مجهزة علبتها اللبن تاكلها وباخد بطانية صغيرة لزوم الدفا وعلى الكمبيوتر على حوا والنت بشكل عام بقرا مواضيع مختلفة شي رياضة شي تربية وبقعد احكي مع ماما والصغيرة جنبي بتحضر كارتون بعدين بقوم بفطرها اكتر شي بتحب البيض وايام زيت وزعتر وبخلص بتركها جنبي تحضر الكارتون وانا بشغل محاضرة على الكمبيوتر وبطلع على التريد ميل العب رياضة ايام ساعة ايام نص ساعة وكمان بستغل وقت الرياضة والشغل بالاستغفار استغفر الله العظيم واتوب اليه 100 مرة سبحان الله وبحمده سبحان الله العظيم 100 مرة لا حول ولا قوة الا بالله 100 مرة سبحان الله والحمد لله ولا الاه الا الله والله اكبر 100 مرة لا الاه الا الله وحده لا شريك له له الملك وله الحمد وهو على كل شي قدير 100 مرة هدول على مدار اليوم ايام بكملهم وايام ما بكملهم كلهم بحاول ما انسى الله يقدرنا بعدين باخد الصغيرة بحممها وبلبسها وباخد شور وبدهن جسمي بيبي اويل وكريم وبصلي الضحى ايام بصليها بعد الصبح قبل ما اطلع ابني على الباص وايام بعد الرياضة ايام كتيييير بتنام الصغيرة الضهر وانا بصلي الضهر وبقضيها بين شغل البيت والطبيخ والنتبتصحى بنتي وبحطلها سناك خفيف وشوي بكون صار رجعته من المدرسة بنروح نجيبه ونرجع على البيت تغسيل وغدا ( وحاليا عاملين معاهدة بالنسبة للاكل يوم بياكل طبيخي شو ما كان بدون اعتراض لانه كل الاكل نعمة من رب العالمين ممنوع يحكي ما بحبه <<<<< قمة الديكتاتورية ويوم بناكل متل ما بيختار لانه جد تعبني كتير بالاكل وكل واحد بده شي شكل من رتب الطاولة والمطبخ وبعدين صلاة العصر وبشوف ايش اخد بالمدرسة نادر جدا ما يبعته معهم واجب للبيت !!!!!!!!!!! هلا بالبيت بدرسه عربي و دين وبحفطه قران طبعا فيها صعوبة كتير لاني مو متخصصه واهم شي عندي يقرا عربي بطلاقة يعني بركز على القراءة اكتر من الكتابة وعندي كتب عربي جبتهم معي من الاردن وبدرسه مستوى الصف التالت طبعا بدك لمى تقعدي اتدرسي اعصابك تكون بمي باردة لانهم بنقوا كتييير الله يكتبلنا الاجر ان شاء الله وبهادي الايام بحاول استغل فترة العصر لانه الجو بعده حلو ادفى من كل سنة وشوي بدخل البرد على اصوله فبطلعهم بره البيت يلعبوا بالدراجات او كرة سلة او قدم وبشارك ابني باللعب او بركب الصغيرة بعربايتها وابني على البسكليت ومروح مشي لبارك ابعد شوي منها بكسب انا بتمشى رياضة ومنها بيتسلوا بتركهم يلعبوا نص ساعة ومنروح على البيت بغسلوا او بتحمموا وبلعبوا مع بعض شوي او بخضروا شي مع بعض وبياكلوا وبشربوا حليب وتنضيف سنان وعلى النوم لازم تنام الصغيرة وانا جنبها وهلا بحاول اعودها تنام لحالها لانه بتاخد وقت ايام نص ساعة وايام اكتر قبل كنت اقعد احكي قصة قبل النوم خاصة لابني الكبير هلا مو دايما الي مرااق مع انه ضرورية بحسها وبتهيا الولد للنوم بشغل القران لوقت ما تغفى وبقوم ومن كون صلينا المغرب والعشا وبروح الكبير بمسك كتاب يقرا على التحت لوقت ينعس وينام بقوم بعمل كاسة شاي او نسكافيه وبقعد على الكمبيوتر اشوف دراستي .... طبعا دراستي قصتها قصة سجلت فيها لمى كان عمر الكبير 4سنين درست سنة بالكلية وبعدين نقلت ووقفت دراسة وحملت وولدت وطبعا وقفت دراسة لانه ما في مجال اداوم قبل ما يصير عمر البيبي عندي 3 سنين لانه رافضين فكرة يدخل البيبي حضانة قبل هيك فصرت اخد كل فترة والتانية كورس اونلاين وهلا ماخده اخر كورس اونلاين الي هو مادة انجليزي وباقي المواد لازم اداوم <<<< شرحتلكم قصة حياتي :) وبقعد ساعة او قد ما بتحمل وبروح انااااام غالبا 11 قبل شوي او بعد شوي راجعة اكمل يومنا بالويكند

المهم نكمل منرجع بجهز كاسة نسكافيه والصغيرة مجهزة علبتها اللبن تاكلها وباخد بطانية صغيرة لزوم...

+1