يومياتكم وانتوا في بلدكم في الاجازة

سلام بنات صارلي فترة مانزلت موضوع عن نزلة الاجازة الي يسمع فترة يقول دهور هما كم يوم بس :22:
المهم خلونا نكتب يومياتنا في الاجازة اللي تقضوها مع اهلكم واهل ازواجكم
بمعنى اكيد يومكم من اوله لاخرة زحمة وزيارات وروحة وجية ومناسبات غير الايام العادية في الغربة
كلوا غير في غير يعني حكونا كيف تقضوا وقتكم ايش البرنامج اليومي من الصباح حتى الليل متى تقوموا متى تناموا فين تروحوا وتجوا
حأبدأ بنفسي بما إنوا أهلي ماكانوا موجودين في السعودية الاجازات الي مرت فكل قعدتي وخرجاتي مع أهل زوجي :arb: أول مانوصل أكون تعبااااااااانة وأقول في الطيارة بنام على طول لكن على مين بس تشوفي الناس حكاوي ووناسة ويعدي الوقت والاقي الساعة 6 او 7 الفجر بعدها نناااااااااام ويبدا يومنا العصر او المغرب عاملين عزومة عشاء كبيرة في استراحة ويتجمعوا اهلوا منهم في جدة ومنهم من مدينة تانية
الايام الباقية بين عزايم وبين تمشيات
كأني طولت ياله خبرونا عن يومياتكم واللي عندها زواج او مناسبة كبيرة تقولنا على استعداداتها والفستان وملحقاته يعني من الاخر سواليف حريم:42: