يومياتنا

السلام عليكم ورحمة الله وبركاتة

حابة اننا نتعرف على بعض اكتر ونقرب من بعض
لذلك بفكر من امبارح انى اعمل موضوع عن يومياتنا تكتب فيه كل واحدة ما يجول بخاطرها ما مر بها اليوم وامس يعنى فضفضة... كلام حريم ...زى ما تحبو تسموه
لعلنا نفرج عن بعض همومنا ونستفيد من بعض وكمان نعرف عادات بعض
اتمنى ان الموضوع يلاقى نجاح
ابدأ بنفسى واحكيلكم على يومى من الصبح لحد دلوقتى الساعة 12 الاعشرة بتوقيت مصر
صراحة انا صحية متعبة وماليش نفس اعمل حاجة
كان عند بعض الكسل
و زوجى زعلان كمان لان بقالى فترة كدا و الغسيل متكوم و ماكنش لاقى مكوة وكويتله قميص للشغل على عجل
بصراحة مش عارفة حل لمشكلة الكسل فشغل البيتدى ايه
بعد الفطار وزوجى نزل شغله رغم انى كنت ناوية اعمل شوية حاجات فالبيت بس
العيال مبهدلين غرفة الجلوس مخلينى فاقدة الامل ان حال اللبيت يتعدل
اريد حلا.... :( :( :icon33:

حيرانه اطبخ ايه
قضيت حوالى 3 ساعات فعالم حواء اتفرجت على قسم الاشغال اليدوية من اخره يعنى من الصفحات القديمة
يا رييت تشجعونى ابقى نشيطة شوية وربنا يعمل اللى فيه الخير :D

منتظرة يومياتك ويا رب ما تكسفونى