الله يشفيني ويشفيكم ويشفي مرضا المسلمين

بنات نبي تفاعل يمكن الوحده منا فيها شي تستحي تقوله وتلاقي وحده ثانيه نفس المعاناة وتخلصت منها وبكذا نعرف نساعد بعض وتقدرين تستفيدين من اللي سبقوك بالعارض وبالعلاج.


راح اكمل لكم حتوتي ..


نفس المرأه اللي فسرت لي الحلم قالت لي انها شافت رويا تخصني وقالت رايت انه فيه 4 حريم دخلو غرفتك ووصفتهم وقالت فتحوا درج الدولاب حق الملابس اللي بالنص وخذوا منه شي في كيس ازرق وراحو جهة الحمام ....( طبعاً الحمام ذا ما استعمله ) نهائياً ولا احب ادخله من يوم تزوجت وقالت لي انتبهي فيه حريم اكيد يكيدوا لك وانتي ما تدرين ...
طبعاً في البدايه ما اهتميت ولا فكرت فيه كثير بس قلت الله يكافينا شرهم وفعلا في هذه الفتره
كان زوجي يفتح البيت لخواته وانا ما كنت موجوده كنت عند اهلي وكانوا يدخلون فيه بدون علمي

هنااا ..................... انتبهت



ليش حياتي تغيرت اصلا كان زواجي من بدايته فيه حسد كان فيه حريم حاسداتني تزوجت وانا لسا ما دخلت العشرين كنت مثل الورده اللي ماتعرف الكره والحقد ولا اعرف حركات الحريم الملعونه


بدأت رحلتي مع العلاج انا وزوجي بالنسبه لي طلع معي قرحه وتعالجت وطبت ( انا ماعلمت احد )
بالنسبه لزوجي عنده نطاف و كان معه التهاب اخذ له علاج واختفت النطاف كلها صار صفر ( هو خبر ناس تقرب له )



بدات رحلتنا للعلاج طبعاً لأني طبت مافكرت في نفسي فكرت فيه وانه هو اللي محتاج علاج.

بدات افكر لو اخذنا علاج مع بعض مو احسن ,,,,,,,,,,,,,

رحنا لمستشفى كبير بالرياض والكبير الله

فتحنا ملف واخذت تحاليل بس وبعدها كل ما احجز موعد ما يودوني لطبيبه نساء وولاده بل لطبيبة باطنيه..
او يقولو الموعد طاف من 5 دقايق
او يجونا ضيوف يحشرونا في بيتنا
او اجي قبل الموعد بساعه كامله ويدخلون اللي بعدي وانا لا

هنا دخلت ع الطبيبه وقالت لي برا مافيك شي انتهى الدوام ( حرام والله تعبت )

صار لي سنه وانا ع هالموااااال اقطع مسافه 500 كيلو وتطرديني مع الباب او خطاء في حجز الموعد عند الطبيبه

انا ماني مسؤله عن الخطاء( بس طفشت من المستشفى وغربلتهم )

وبالنسبه لزوجي كره المستشفى وراح لمستشفيات ع حسابه وصار فيه تلاعب عليه من قبل الدكاتره عشان يدفع اكثر

اخر دكتور قاله مافيه امل تنجب انت عقيم:eek: ( طيب كان ينجب قبل فتره )

بالنسبه لي لا حظت في جسمي انتفاخات بس مالها ألم

قلبنا ع الحريم وادوية الحريم
( من ضمن ادوية الحريم عزايم ورق احطها بمويه ولما استعملها بالكثير 5 ايام واتهاوش انا وزوجي لين اترك شرب الما بعدها اهجد)

كان ادوية الحريم اللي ناخذها تعتمد ع العسل المقري فيه وكل وحده وتشخيصها

اول وحده راح لها زوجي قالت معكم قرينه واخذ الدوا وبعد اسبوعين انكسر
عطته واحد ثاني وما كمله حشرونا هالضيوف ولا كمله

راح لغيرها عطته علاج مافاد ولا استمر عليه يعارض التوقيت مع دوامه

راح لغيرها عطته علاج بعسل وانكسر بعد اسبوعين

رجع واخذ منها ولا كمله تدرون ليش ( المره ذي ضاع ) بس تخيلو وين لقيناه ( لقيناه في شنطة السياره) طبعاً منكب العسل والزيت .

رجعت للحرمه وخبرتها ع اللي صار وشرحت لها موضوع دورتي انها تنقطع شهر وشهر تجي وان الدوره صايره تقل معي من 5 سنوات

قالت لي انتم متجمعه عليكم العيون والحسد وتعقدت معك بجسمك وتنفخت وقلت لها فعلا انا عندي انتفاخات وعندي اعراض .

عطتنا العلاج( عسل وزيت وعزايم ورق ) واستودعته الله وقرأت عليه ايه الكرسي والحمد لله ما انكسر ولا ضاع

وقالت لنا لازم تقرأون انتي وزوجك اقل شي شهر .بس علاجها فضيع


( تخيلو اجي من الدوام الساعه 1 وانام ولا اصحى إلا اليوم الثاني قبل الدوام بنص ساعه وفيني نوم )

وايما تعبانه ومصدعه


من هنا بدأت رحلتي مع العلاج بالرقيه الشرعيه
بجميع مايحدث فيها




أكمل وإلا لا والله تعبت :09:

:44::44::44::44::44::44::44::44::44:



ليش ماحد عطاني وجه ...

المهم اللي مثلي ياليت تقولي وش صار لها وإذا هي متشافيه كيف الطريقه للشفاء وايش سوت .


بدأت رحلتي مع المشايخ في البدايه كنت رافضه عشان ما حد يعرفني وتخرب خطة العلاج لأنه مثل ماقلتلكم في

السابق يتفركش كل شي طبعاً إذا احد عرف شي عنا .

النبي صلى الله علية وسلم قال ( اقضوا حوائجكم بالكتمان )

رحت لأول مرة أدخل عن الشيخ كاني في عالم غريييييييييييييييييييييييييب بما تعنيه الكلمه


ما كنت أعرف أن فيه ناس تعباااانه بها الشكل اسمع عن السحر والمسحور ولا أعرف كيف المعاناة

أسمع عن المعيون ولا أعرف كيف حال المعيون

رأيت المحسوده لأول مره في حياتي وكيف تتلوى من الحسد

رأيت الممسوسه كيف تنصرع ع الأرض وتهذي بما لا تعلم .

رأيت كيف أن الانسان ضعيف بمعنى الكلمه ..............يااااااااااااااااااااااه


سبحان الله مناظر مؤلمه:( ومحزنه ان يكون بيننا معشر النساء المسلمات الحاسده والساحره والناظره وخبيثة القلب وكأن الدنيا هي كل شي نست الأخره وأن الله قوي على كل شي

نسيت ان الدنيا لا تساوي عند الله جناح باعوضه

نسو السحره ان الله يقول (( وماهم بضارين به من احد إلا بإذن الله ))

كيف يكون الأنسان بهذه القسوه من أول ما وقفت عند باب الشيخ وانا أسمع الصراخ ولا أعلم لماذا ؟

عندما دخلت كنت خائفة لا أعلم لماذا ؟

هل هي أول تجربه لي عند الشيوخ

أم لأنني وحيده مامعي أحد وهنا أتذكر ان الله معي سيهديني


خطوت الخطوة الأولي عند الباب ونسيت نفسي من شدة ما رأيت جلست قرب الباب من خوفي ان يكون هناك

أحد الجان يدخل فيني وانا اتعوذ بالله من الشيطان

هناك رأيت العجب العجاب

أناس تصرخ ,,, ناس ترتمي على الأرض بكامل قواها واناس تكاد تطير من شدة الألم .

أستعنت بالله ليهدأ روعي


رباااااااااااااااااااااه اشفني وأشفيهن ..

هناك بكيت بكاء شديداً

أحسست بالصداع ,, ثقل في اطرافي وألم في العضيدات والأرجل تثاؤب وتجشؤ وكحه شدييييييييييده ,, مغص قي البطن وحركات في بطني واصوات


الم في أطراف أصابعي

هناك دعوت ربي (( اللهم أحفظ على عقلي )) وحيده ليس معي من يساعدني

أخاف أن اصرع وليس هناك من يساعدني

كلن مشغول باللي حوله

أستمرت تلك الألام وأحسست بكتمه وكأني ابي الهواء وما فيه هواء كأنني مخنوقه ونغزات في جنب بطني الأيسر

تتبعها نغزات في سائر بدني

تتبعها نغزات في حلقي

خفت كثيراً على نفسي ...

تتسارع نبضات قلبي وأحس بأنني لست الوحيده في هذا المكان من يعاني هنا تصبرت وسالت الله الصبر والسلامه


أستمرت القرأه مدة ساعة و نصف ساعه وصدقوني لم اعي ماقال من القرأه والأدعيه بسبب الصداع الشديد الذي اتاني

وكانه يتكلم بكلام اعرف انه القرأن ولكني لا أعرق ما قرأ من القران سوا ماتعلمناه من الصغر ..

المعوذات وايه الكرسي , اواخر سورة البقره

أيات السحر ايات العين ايات المس ايات العذا ب والحريق كلها ماعرفتها إلا بعد استعمال الرقا


تاثرت كثيراً وبعد انتهاء الوقت طلب من التي تاتي لأول مره ان تخبره بما تحس

اتيت إليه في خوف وحيا وأخبرته بدورتي فقط ( كنت مستحيه ) أو كنت ( ناسيه ) من هول مارأيت


لا أعلم

المهم خبرته عن الدوره وأعطاني لها دخون لمدة 21 يوم وصبخة الأرحام لمده 7 أيام متتاليه

والله العظيم لم استطع أستعمالها تدرون ليش

بداية العلاج كنت احس جسمي ثقيييييييييييييييييييييييييييييييييييييييييل بمعنى الكلمه


اتعب كثير ,, كسلانه ,,, تعب من دون شغل ,, ضيقه من دون سبب ,بكاء من دون سبب

دعوت الله بالعافيه لي ولكل مصابه

هل انا مسحوره .. هل انا معيونه .. هل هي نفس أم حسد

كنت تعبانه حيل

خاصه إذا أن الإنسان تائه ولا يعلم تشخيص حالتي بالضبط ..


بدأت تظهر لي رؤا كثيراً ما تتكرر على لايكاد يمر يوم من دون ما أحلم بها

أزعجتني تلك الأحلام حتى انني تعبت من رؤياها ولعل فيها شفاء لي

لكني لأ أعلم

في بداية استعمالي لعلاج الشيخ كنت أشد على نفسي وما عندي احد يساعدني

كان زوجي يساعدني احيانا ويسوي لي الصبخه ويحطها لي بس ما كنت ارتاح فيها واحس فيها ان الامر كله خرطي وخرابيط مشايخ بس الشيطان شاطر عشان اكره الصبخه

قلت يابنت كلها 7 ايام وبتهون ان شاء الله

أستعملتها 3 ايام بعدين تعبت ونمت وانا ماني حاسه بنفسي إلا اليوم الثاني

قطعت العلاج وقلت راح ابداء من جديد وبالفعل ولكن دون جدوى استعملت 4 ايام ثم نمت وتعبت ونمت ولا صحيت إلا اليوم الثاني ..


قصتي قصه مع النوم الثقيل .................... تغيبت عن الدوام كثيراً كثيراً .. تكون نفسي ثقيله وانا رايحخ للدوام .



أحس اني تعبت:09: انان الحي مشغله سورة البقره واكتب فأحس بالتعب

أكمل لكم بعدين ،،


بالله ساعدوني

السلام عليكم

اختي بنت الغالي بصراحه مره زعلت على قصتك بس هذه الدنيا مااقول الا حسبي الله ونعم الوكيل انا لي سبع سنين اعاني من المرض وغير الكلام اللي اسمعه وربي كرهت الدنيا ومع كذا وربي صابره على الابتلاء بس مشكلتي كل ماابدا العلاج اتعب كثييييير واتوقف مااكمل اللي فيني عين ورحت لكذا معالجه بس سبحان الله باقي ماتشافيت لاني مااكمل العلاج واللي قال صار مس وانا شاكه لانه فيه مرره صدااع فظييع معاي خليت امي تقرالي الرقيه وصرت اصرخ بس متاكده انه مو انا اللي اصرخ حتى ناظرت امي نظره تخوف وقالت لي النظره تخوف مو انتي اللي ناظرتيني وكل مااهم بالعلاج الدنيا تشغلني بس ان شاء الله عزمت وقررت ابدا دعواتكم لي بالشفاء ولجميع مرضى المسلمين..

الله يشفيك بنت العزيز الغالي ورجاااء كملي قصتك لان استفدت منها بعض الاشياء
ولاتنسين انك تتوكلين على ربك بيده الشفاء سبحانه وتحرصين على الابتعاد عن الذنوب والمعاصي وتكثرين من التقرب لربك