مثل كل البنات اللي بها القسم عند مشكلة الوزن الزائد مريت بكثير ظروف ومواقف شي مؤلم وشي بزعل وشي حلو . ما جربت كثير حميات فقط التخفيف والسعرات لاني لا احتمل الحرمان ولكنني قررت ان اضع حدا لهذه السمنة وانطلق في رحلتي نحو الرشاقة . اليوم عم بتشارك مع فريق حلو من بنات روعة للوصول للرشاقة وحبيت اني اشارككم يومياتي يمكن تسالوا ليش ما بحطها في موضوع الفريق لان في بعض البنات بالفريق عم يتبعوا ريجيم اللبن والتمر وغيره من ريجيمات وممكن يكون في شي بدايتهم ممنوع ياكلوه وما بريد الصور تزعجهم . حميتي هي التخفيف ورح اعمل تمارين كروز 5 مرات بالاسبوع وامشي كل ما بقدر .
بتمنى من البنات يشجعوني ويتشجعوا كمان .يا ريت المشرفات يوافقوا على الموضوع لانه مهم فيه تشجيع لي ولكل من تقراه .
وعلى امل موافقة المشرفات رح اضع يومياتي بدءا من اليوم:
رح اتبع رجيم تخفيف واعمل رياضة وانزل كل يوم بيومه شو عملت .
بتوجه بالشكر من كل قلبي لسحر الورد اللي الهمتني فعلا ربي يوجهلها الخير وين ما كانت.
الوزن عند البداية 86 واريد ان اصل الى 57 كيلو
الهدف الاول 85
اليوم 6-10 -2010
الفطور : نصف رغيف ( حصتين من الخبز)+ بيضة مقلية في نقطة سمنة + تبولة
لم اتناول التبولة واكلت بدالها نصف موزة
السناك: 3 قطع برازق نوع من الحلويات الشامية
الغداء: 4 اقراص فلافل + نصف رغيف+ 2 ملعقة كبيرة لبن زبادي+ خضرة وملعقة طعام لبن بطحينة +2 ملعقة طعام حمصية ( حمص بطحينة)
سناك: رمانة وسط + قطعة معمول ولما حسيت انه الوضع رح يتازم وافرط بالاكل شربت كوب حليب خال من الدسم مع ثلث ظرف نسلة نسكافيه مع مبيض .
ونصف حبة شوكولا صغيرة من حبات الضيافة
بتقولوا شو هالريجيم معلش شوية افضل من كل القطعة والله يقدرني اخفف اكثر في الايام الجاية .
العشاء:
حصتين خبز+ مثلث جبنة+2 ملعقة طعام حمصية ( حمص بطحينة)+تفاحة + 15 غرام شيبس
بالنسبة للتمارين :تمارين كروز للبطن 8 دقائق +ستوت بيلاتس 40 دقيقة
يمكن الاكل شوي كثير اليوم بس لسا بادية بالالتزام بالدايت ومع الايام رح تصغر المعدة .
ادعولي بالتوفيق والله ينحفنا جميعا
شوي شوي ومع الايام راح تخففي اكل
الله يوفقك