يومياتي في النادي الرياضي

مساء الخير للي عندهم مساء

وصباح الخير للي عندهم صباح



اول شي قولو ماشاء الله وصلو ع النبي محمد


بكتب لكم مذكراتي مع النادي اللي اكتشفته بالصدفه واثاري الناس طايحه فيه من زماااااااااااااان وانا ياغافلين لكم الله



طبعا النادي تبع الدوله (فديت بلادي ) واسعاره تهبببببببببل وفيه كل شي ومخصص للنساء فقط ممنوع الدخول لغير الاعضاء ولازم تفتيش عند البوابه مثل المطارات ولما تدخلين تاخذين خزانه تحطين فيها اغراضس الشخصيه وبعدين تروحين للمكان المخصص للرياضه اللي تبين فيه جيم وفيه سباحه واربع استديوهات كبيره مجهزه بكل الادوات الخاصه بها لممارسه الرياضه طبعا عندنا جدول كل وحده تختار الاستديو اللي تبي وتدخل الحصه وكل حصه مدتها ساعه كامله وخلال هالساعه مسموح بس بشرب الماء فقط


المدربات اجنبيات ع مستوى عالي من المهارات ونفسيتهم حلوه


المشاركات من جميع الجنسيات طبعا الاجنبيات مستوى اللياقه عندهم عالي جدا وحنا يالعربيات مستوانا متواضع بس الحمد لله ان حنا بدينا بالتدريب علشان المستقبل


اليوم الاول :


طبعا صرت مثل طفل صف اول حضانه حاسه نفسي غريبه ماعرف شي كلش

اول مادخلت طلعت اللي بالشنطه مادري وش يبون وش مايبون طبعا هم ماقصروا علموني وبعدين ودوني

داخل وخذوا بطاقتي وعطوني مفتاح اللوكر ولقيت وحده مثلي توها عليميه طبعا تونسنا مع بعض ورحت ادور اللوكر وماعرفت وينه ربع ساعه وانا ادوره واسئل الموجودات لين لقيته بعد مشقه حطيت اغراضي ورحت اول استديو لقيته .... طبعا الحصه ماكانت للمبتدئين بس انا وزميلتي اللي لقيتها لعبنا وحنا ماندري وش الناس تسوي خذو عصي وخذينا مثلهم نوقزوا ونوقزنا مثلهم المهم خلصنا الحصه ورحنا حصه ثانيه


كانت حلووه وخاصه بتمارين البطن


وبعدها رجعت البيت وانا مرتاحه اني شاركت في هالنادي


طبعا اغلب اللي لقيتهم نازله اوزانهم وماشاء الله عليهن نفسياتهن حلوه واجسامهن مشدوده


طبعا غبت عن النادي ثلاث ايام الله لايوريكم جسمي كله يعورني ماغير يتنادح من الرياضه حتى المشي صار بصعوبه .... ومع ذلك بستمر باذن الله حتى احصل ع نتيجه وافتكت من هالكرش والشحوم اللي لوعت كبدي :09:


و الله يساعدني وينزل وزني وزن كل وحده تبي من غير شر يارب


ادعولي وادعو لانفسكم ياخواتي