ماشا الله

روعه ماشاء الله

ما شا الله عليكي ,, الله يقويكي ويعطيكي العافيه ويحفظك لاولادك ,,, الحمد لله انا بديت من الاسوع الي فات كل يوم غرفه ,,,,

والملابس الداخليه الملونه اذا قصدك الولادي انا اشتريها من سيتي بلازا وما شا الله تعيش

عاشو البنات النشيطات..

انا صارلى مده طوييييييييييله دابله جبدى ريحة الغبار مع اننا كل يوم ننظف بس موجود الغبار فوق الاكبات والمراوح والستاير والشبابيك...الخ...

المهم بليله سهرانه واقرا مواضيع التنظيف وتحمست حيييييييييييييل...

واول ماصحت خدامتى من النوم وعيالى راحو المدارس..قلت يالله..جبت السلم..ونزلت ستاير غرفتى..وحطيتهم بالغساله وحده ورا الثانيه..ونزلت ستارة غرفة عيالى..

خليت خدامتى تمسح طوفة غرفة عيالى من الى..وكل ماقالت مدام خلصت رجعت وشفتها ما عجبتنى قلت مره ثانيه..

انا بهالوقت بغرفتى..طلعت كل شي من الغرفه الا الكبت والسرير..مسحت الطوفه كلها وطلعت وجيه المكيفات من غرفتى وغرفة عيالى..نظفت درايش غرفتى وكنست الارض ولانها سراميك غسلتها بالماى والصابون..ومسحتها بفوطه ناشفه..

بهالوقت خدامتى خلصت الستاير وبدال ما اخليها تنشفهم خليتها تكويهم وهم رطبات..وركبتهم رطبات..وركبت وجه المكيف..ولزقت لزاق شفاف دار مدار حديد الدريشه من داخل الغرفه علشان لما يجى غبار مره ثانيه ما يدخل من الفتحات اللى حوالين الدريشه..

ومسحت اثاث الغرفه ورجعت كل شي مكانه..وغيرت كفر السرير..وحطيت البخور فيها وسكرت الباب..

ورحت لغرفة عيالى لقيت الخدامه مخلصه مسح الطوف..ركبت الستاره..وغيرت مفارش السراير..ولزقت لزاق دار مدار الدريشه..وكان المكيف مالهم له فتحات سديتهم باسفنج..

ومسحنا الغرفه والاثاث وكنسناها وبخرناها وخلاص..خليتها تكنس باقى الشقه وتنظها كالمعتاد لانى تعبت وجا وقت تجهيز الغدا وخليت الباقى لبكره..

الله يعطيكم العافيه

والله انا مثلكم قلت بسوي حملة تنظيف عميق وبديت من يوم الاربعاء

والخميس رحت المستشفى وطلعت عندي المشيمة نازلة وقالت لي لازم ارتاح يعني يادوب اسبوعين وارجع للشغل


ادعو لي