وبه نستعين
مدخل
ولدي يانبضة في خافقي ولدي يافلذة من كبدي
ولدي يا كوكباً أرقبه كي أرى فيه ضياء الفرقد
((اليوم سأعرض لكن يوم من حياتي مع أطفالي وأتمنى لكن الفائدة ))
تررررررررررن الساعة السادسة والنصف
طبعا أصحى مرعوبة خخخخخخ من جرس الساعة والجوالات
في البداية أوضح لكم أن عندي ولدين الله يحفظهم الكبير صف أول ابتدائي واللي هو معه المعمعة طول اليوم الله يحفظه والصغير 5 سنوات
أتوجه لسرير طفلي وأنا اغصب نفسي على الإبتسامة وأول شي اسويه أجلس أبوسه وأعطيه قبلات حارة خخخخخخخخ
خبركم عشان نفسيته تكون زينة وأنشد له ( صباح الخير ياولدي من الأعماق أهديها )>> رايقة
المهم اشيله من السرير وهو يقول لالالالالالا فيني نوم بس اطنشه وأقعد انشد له واخليه يقول دعاء الإستيقاظ من النوم..
أوديه دورة المياه أكرمكم الله وتبدأ حملة التنظيف
بالفرشاة والمعجون والصابونة لوجهه وأخيرا يغسل يده بالصابون السائل يتوضى وبعد مايصلي الفجر
أكون مجهزة له سبع حبات حبة البركة مع عسل وبس لأنه مستحيييييييييل يفطر في البيت
طبعا ملابس المدرسة مجهزتها من الليل << عاد لاتفوتكم الساعة الإسبورت خخخخخ لازم يلبسها
بعدها يقول الأذكار واستودعه الله ...
نسيت هذا فطوره زي ما تشوفون ..
حليب بالشوكلاته وقارورة مويه صامولي بالجبن والخيار مع شوية بطاطس مقلي
وهذه صورة للجو الصباح
ولدي الثاني أقومه يفطر ونرجع ننام
أصحى أجهز الغدا ..
بعد مايرجع من الدوام من عند الباب آخذ السوالف كلها ووش صار له في المدرسة هههههه وهو مايقصر أحيانا يثرثر بطريقة فظيعة بالقوة اسكته هههههههه
يبدلون ملابسهم
بعدها نتغدى
وبعد الغداء يكون شرط أنهم يأكلون فاكهة أي نوع أحيانا يأكلون وأحيانا لا
وبعدين إما افتح لهم التلفزيون
أو افتح لهم الكمبيوتر والنت أتصفح معاهم المواقع المفيدة مثل
بنين وبنات
وموقع سند
ومواقع الألعاب أو أشغل لهم قصص ومقاطع مفيدة أكون منزلتها من أول على الجهاز
ومواد علمية وأجلس اشرح لهم لأن فيهم ميول للأشياء العلمية
نأخذ لنا غفوة قبل العصر وبعد العصر تبدأ رحلة المذاكرة وحل الواجبات ...
طبعا ولدي الصغير يكون معانا ويأخذ كتب قديمة ويتعلم فيها
اصب الحليب في الكاسات وأصب عليها أي نوع يختارونه إما فروالة سائلة أو شوكلاته سائلة وأعطيهم مصاصات << يحبونها الصغار
وهالطريقة أحسن شي توصلت له عشان يشربون الحليب
يقولون الأذكار ويطلعون طبعا الصلوات كلها في المسجد
أحيانا نكسر الروتين إذا كان أبوهم مو مشغول ونروح للحديقة يلعبون العيال بالسياكل
بعد المغرب نبدأ في حفظ القرآن وبعض الأحاديث
ولدي الصغير يعاند كنت استخدم معاه كذا اسلوب بس مانفع
فصرت أقوله( أنت هالحين الشيطان يقولك لا تحفظ عشان يجرك من طريق الجنة الشيطان عدوك
شوفه هالحين مبسوط وقاعد يضحك لكن لما تحفظ يصير يصيح ويبكي ماأبغى ويقول فاز علي فاز علي )
الولد استجاب لهالطريقة والحمد لله
وقت الحفظ والتسميع أخليهم يشربون شي ساخن ضروري مع هالأجواء زنجبيل مثلا وغالبا يانسون
اروح اجهز العشاء وهم يطلعون للصلاة يجون يكون العشاء جاهز بس أخليهم يساعدوني وهم اللي يحطونه على طاولة الطعام ويجيبون العصير والشطة وووو........
هذا جانب من عشانا كمثال
توست بالتونة+ بيض مسلوق+ سلطة شرائح+ جبن وعسل+ وعصير طاااااااااااااااااااااازج