السلام عليكم ورحمة الله وبركاته
هذا برنامج اليومي مع اولادي الله يحفظهم
انا عندي اثنين الكبير بأول ابتدائي والصغير بالروضة
اول شيء اقوم اصلي الفجر وبعدها على طول ع المطبخ اجهز لهم الفطور
لأنه الحين يادوب الواحد يخلص من صلاة الفجر ع الساعة 6
اعمل لهم الفطور اللي طلبوه بالليل وكل يوم اسألهم وش تبغون فطور لأنهم الله يهديهم عليهم مزاجات غريبه
اذا صحوا ولقيوا الفطور مش على مزاجهم يسوون لي انتفاضة ع الصبح
فأسلم لي اخذ برأيهم
بعد كذا اروح اصحيهم بهدوء بس الله يعين على صياحهم دائما الكبير يقولي ماما باقي مانمت اتركيني توه النور ما طلع احنا بالليل :eek:
خخخخخخخ
اخذهم على دورة المياه وانا ساكته
ويغسلون
ويفرشون اسنانهم
بعدين
افطرهم واعطيهم اشناسي اللي يقول عليه الدكتور عبد الباسط
وهو لتقوية مناعة الجسم
وهذي صورته
والبسهم بسرعة وافتش بشنطهم واتأكد انه كل شيء كامل
واراجع لهم ع السريع السور اللي حافضينها لأنه الطفل يحفظ اكثر في الصباح يكون رايق ودماغة فاضي
وقبل يروحون
اعطيهم المصروف الكبير ما يحب يوفر يصرف اول بأول
والصغير ياعيني عليه مايعرف يتصرف فيها يادوب ياخذ ريال واحيانا يضيعة
والباقي يحطه في الحصاله
بس في طريقة قريتها هنا بالمنتدى انه المفروض الوحدة تعطي اولادها مصروف اسبوع كامل وهو يتصرف فيه
واذا ضيعة اول يومين ويجلس باقي الأيام من دون مصروف يعني يادوب ع العصير والساندوش
عشان شوي شوي يعرف يدبر اموره ويتعلم التوفير
بصراحة الفكرة اعجبتني ان شاء الله اطبقها
يتبــــــــع
نكمل
اعطيهم وجبتهم للمدرسة
ثم ابوسهم واضمهم لا تضحكون هذا شيء اساسي عندنا
زوجي يتضايق من هالشيء يقول يضيع الوقت وانتم على هالحال بس ماعلينا منه هع هع
بعدين استودعهم الله واحصنهم بالأذكار
واروح اكمل شغلي بالبيت
واذا رجعوا من المدرسة استقبلهم ويبدا الفلم الهندي
وكأنه لنا سنه ماشفنا بعض هاتك يابوس وضم وسوالف
واجهز لهم شيء خفيف ياكلونه لأنه الغدا الساعة 3 قبل العصر اذا جاء ابوهم
بعدها يذاكروا اللي اخذوه ويحلون الواجبات اذا كان عندهم
ويطلعون مواهبهم
هذي مواهب الكبير قولوا ماشاء الله
وهذي ابداعات الصغير
ويحفظون شوي من القرآن
بعدين يتغدون
وبعد صلاة العصر يروحون التحفيظ
احسن لهم من مقابلة التلفزيون وخرابيطه افكارهم الهدامه
لأنه انا مؤمنه انه هالعمر مهم للإنسان وكل شيء يتخزن في عقله بسرعة
ولازم استغل هالوقت الثمين
والله لو نستغل وقت اطفالنا بهالعمر ولا نضيعة بالخرابيط ونصقل مواهبهم
لكنا افضل مجتمع ولتفوقنا على الغرب
بس احنا تاركينهم طول الوقت لعب وتلفزيون وبس
واذا كبروا ما يكون عندهم هدف في الحياة
ضايعين مابين اصحابهم وشهواتهم الفراغ قاتلهم
المهم
بعد ما يرجعون من التحفيظ قبل صلاة المغرب بشوي
يلعبون وانا معهم خخخخ
ويطالعون التلفزيون واهم شيء اكون عارف وش يتابعون
يراجعون شوي من اللي خذوه بالتحفيظ
وعلى الساعة 7 اجهز لهم العشاء اللي يعجبهم
واحممهم والبسهم بيجاماتهم
وعلى غرفهم
اقولهم حكاية كل يوم بعدين يقولون اذكار النوم
واشغلهم سورة البقرة ماينامون غير عليها ودائما يطلبونها مني
وكلها عشر دقايق بالكثير ويروحون بسابع نومه
النوم بدري يخليهم اكثر تركيز خصوصا انهم ماينامون الظهر
يعني مايجي هالوقت الا هم داااااااااايخين حدهم
هذا روتيننا ايام الدراسة
اما ايام الإجازات يكون عندهم وقت اكثر للعب ولا ينامون غير الساعة 11 او 12 >>يقالهم يسهرون
خخخ
عاد اهلي مسميني النظامية ام الروتين :22:
اما الصلاة
الكبير الله يهديه ما يحب يروح المسجد كثير وانا مخليته على راحته ما ابي اضغط عليه عشان ما يكره الصلاة يعني يادوب مرة او مرتين باليوم
طبعا مع النصايح والترغيب بالصلاة
لأني سمعت مرة انه اذا كان الولد الصغير ما يحب يروح المسجد ما نضغط عليه عشان مايكره الصلاة
ونعلمه اهمية الصلاة ونحببه فيها وشوي شوي يبدا يتعلق فيها
اما الصغير فهو دائما مع ابوه بالمسجد الله يحفظه
وما ننسى الدعاء ربي اجعلني مقيم الصلاة ومن ذريتي ربنا وتقبل دعاء
وتوته توته خلصة الحتوته
اللهم احفظ ابائي وابناء المسلمين ياكريم
وارزقنا برهم يارب
وهذي لكم
:26::26::26: