يومياتي مع اطفال الانابيب

مساكم الله بالخير
حبيت اشارككم يومياتي في تجربتي لاطفال الانابيب لقناعتي بحاجه كل مقبله على هذه العمليه لمثل هذه المواضيع واتمنى منكم الدعاء لي
بدايه انا فكرت بالانابيب لان عندي تاخر حمل حيث اني متزوجه منذ 12 سنه وحملت مرتين طبيعي وبعدها ماحملت ابدا بدون اي اسباب واضحه
بعد محاولات لاقناع زوجي بالانابيب اخيرا اقتنع خصوصا ان ه شاهد احد اصدقائه الله يبارك له رزق بتوام بنت وولد بعد فتره طويله من الزواج والحمدلله وافق وكان علي البحث عن الدكتور والمستشفى المناسب وبعد التفكير العميق قررنا نعملها في سمير عباس جده وحجزت موعد بالهاتف لاني اسكن في ابها
في نفس يوم الموعد وانا رايحه للموعد سبحان الله زوجي كان يكلم صاحبه ابو التوام وساله عن دكتوره فارشدنا الى الدكتور عثمان سندي في مركز صحة المراه واتجهنا له مباشره بناء على مدح الرجال له
اتصلت مباشره عالمركز وحجزت موعد بنفس اليوم ورحت له الساعه 5 عصر
كان دكتور محترم وفاهم مع انه قليل الكلام والشرح
طبعا الكشفيه عنده ب400 المركز صغير ومنظم وتشعرين بالراحه فيه
سوا لزوجي تحاليل السائل المنوي وقال انه يعاني من تشوه بسيط وانا ماسوالي شي غير انه اكتفى بسوالي عن تاريخي المرضي وعمل تحليل للغده والحمدلله كان كل شي تمام عندي بس ااكد كثير على موضوع الوزن وطلب انزل وزني مع ان وزني متوسط
وسالني تبين تبداي بالانابيب قلت ايه طبعا لان عمري موصغير(39) طبعا يوم مراجعتي له كان ثاني يوم دوره فقال اوكي نبدا من اليوم بالتنشيط وصرف فيتامينات لزوجي
وبدالي بصرف ابر مينيقون 75 وكانت جرعات مركزه جدا
وطبعا كنت اتابع التبويض بمدينتي بعيد عن الدكتور وارسل له تقارير بها
كانت النتايج ابدا غير مشجعه في سابع يوم بالدوره كانت 4 بويضات حجم 5 ملم وبعدها زاد الجرعه لي ويوم 12 الدوره كانت بويضه وحده بس بحجم 18 💔💔
طبعا بعدها كنسل العمليه لان حرام ادخل عمليه ببويضه وحده وكان كلامه لي جدا مهدي ومطمن وهذي ميزه فيه انو يراعي مشاعر مرضاه وطبعا تواصلي معه على جواله الخاص وكمان هذي ميزه انه دايم يرد عليك باي وقت
وليلتها عطاني ابره تفجير وبعد 36ساعه يكون الجماع طبعا وعطاني دوفاستون وقال ان شاء الله يسير حمل ولو نزلت عليك الدوره كلميني اول يوم
والحمدلله على كل حال نزلت علي الدوره بعد ماخلصت الدوفاستون ب5 ايام
وكلمته وصرف لي من ثالث يوم بالدوره ابر ميرونال 150 2 بودره و1 مويه لمده 5 ايام وبعدها اسوي اشعه
وفي اليوم السابع سويت الاشعه والنتيجه كانت 4 بويضات احجامهم(11/12)(13/14)
وطبعا بعدها قال استمري عالابر ومعها ابره تحت الجلد استروتايد الين يوم 12 واسوي اشعه كمان
ويوم 12 من الدوره سويت الاشعه وكانت 4بويضات( 16/10)(16/14) انا ما ادري وش سالفه حجم البويضات المتغير في كل مره☹️🤔
وطبعا قال استمري عالابر لازم توصل البويضه 18
وقبلها طبعا ماصرف لي الدكتور اي دوا غير حمض الفوليك
وانا من نفسي اخذت رويال جيلي وفيتامين اي
المهم.....
اليوم ال14 من الدوره سافرت لجده عشان اكمل الكورس وسويت سونار وكانت بويضاتي (25/15/22) 3 فقط مع كل هذا الحجم من الابر🤦🏼‍♀️🤦🏼‍♀️الحمدلله على كل حال
تحطمت كثيييير خصوصا حجم البويضه الكبير حسيت انها غير صالحه للتلقيح بسبب كبرها
وكلمته قال خذي ابره استروتايد الان عشان ماتنزل البويضه والساعه 1بالليل خذي ابره التفجير
واخذتهم كلهم واليوم الثاني اللي هو اليوم كلمته عشان اساله عن موعد العمليه وما الاجراءات قبلها فطلبني للعياده عشان اعمل تحاليل ماقبل العمليه
سويت التحاليل عنده وكانت ب350 ولزوجي تحليل دم ب250 وسوالي سونار وحصل 3 بويضات فقط(22/16/15)😪😪😪
وخيرني مباشره بين التلقيح الصناعي وبين الانابيب لان فيما يبدو حاس بعدم نجاح الانابيب بهذه البويضات💔💔فقلت انا جربت التلقيح الصناعي مرتين ومافادني قال بس تكلفته اقل قلت انا ابي الاضمن قال الانابيب نسبتها اعلى طبعا بس مافي شي مضمون كله بيد ربنا ونعم بالله
وقال احنا اللي خايفين منه ان البويضات تكون فارغه ومانقدر نلحقها😥😥😥
قلت توكل على الله وسوي انابيب لان في قراره نفسي اقول دام وصلت لهالمكان لازم اكمل لان مستحيل باقي افكر اعيدها بعد التعب النفسي والجسدي اللي عانيته وبعد زياده الوزن اللي كسبتها من المنشطات🤒
واخذ لي موعد في مستشفى عرفان على بكره الساعه 9:30 تكلفه العمليه 13000 اما العلاجات لمده شهرين فهي حدود ال6000 ودعواتكم تكفووون ادعولي ان ربي يتمم هذي العمليه بالنجاح ولايضيع لي تعب
بكره باذن الله اوافيكم بتفاصيل السحب