السلام عليكم ورحمة الله وبركاته
بسم الله الرحمن الرحيم
يومياتي مع ولدي الحبيب
أنا عندي طفل واحد عمره دحين 3 سنوات وشهرين ..الله يجعله من الصالحين
أول شي حاليا ما لنا نظام معين روتيني في النوم والاستيقاظ ...بس غالبا إذا قام من النوم يرجع ينام على الساعة 1 – وحدة ونص
كل يوم يبدأ ب
الاستيقاظ من النوم
" أصبحنا وأصبح الملك لله "
الذهاب للحمام الله يكرمكم
ودا شكل الحمام لمن بدأت تعليمه على الحمام
وبعدين نختار لبس من الملابس
الفطور غالبا يكون شي خفيف
مثل خبز وجبن
او كورن فلكيس مع حليب
والحليب شي يومي إما بالكاكاو او الفانيلا او الفراولة أو شاي بالحليب
واهم شي يكون في صحونه المفضلة
وبعدين هو يجلسي يلعب في ألعابه وأنا إذا عندي شغل في البيت أخلصه
أو أمشي شوية في دراستي – مرحلة الرسالة -
" الروتين اليومي لنا "
القراءة والاطلاع أو حتى بس يتفرج على الصور لوحده ، ودي صور كتبه في مكتبة الصالة
" يتبــــــــــــــــــع "
بعضها عربي والاخر انجليزي
" والمقصود هو حب القراءة من الصغر "
ودي سبورة حقتي حاطتها في المطبخ كتبت عليها كم حرف عشان ترسخ عنده
وكل مرة أغير مرة عربي ومرة انجليزي
ودا كتاب حلو شامل أعلمه منه
الحروف العربية
الأرقام العربية
الحروف الانجليزية
الأرقام الانجليزية
طبعا بعضكم راح يقول ركزي على العربي فقط دحين
بس أنا مو مع مؤيدي هذا القول
لأنو في دراسة أجريت وكانت نتيجتها إن الطفل قادر على تعلم عدة لغات مع بعض في الصغر
وكمان لازم كل يوم أفتح في في البيت من الآي بود سورة من القرآن
لا تضحكوا على شكل السماعات هي في الأصل خاصة للكمبيوتر
كان عندي سماعات خاصة بالآي بود من جرير
لكن تعبتبني جدا وطفشتني
فتركتها وحطيت دي بدالها
وكمان لازم كل يوم يأخذ ملعقة من الفيتامينات للصغار
اقتراح من أمي الحبيبة
وهو يا قلبي يحبه جدا ويسميه عصير !!!!!!
" يتبـــــــــــــــــــــــــــــع "