بسمه فرح.......فعلا الانسان يتعلم من تجاربه......وانتي اخطاتي باتكالكي الكبير على الشغاله يعني ممكن يكون فيه شغاله للتنظيف فقط
طبعا انا ام لطفلين وماعندي شغاله لكني غير موظفه

جزاك الله اختي بسمة فرح على نقل تجربتك المفيده

ابغى ارجع اعيش حياتي واهتماماتي وراحتي مثل يوم اني بنت ولا يعني بعد الزواج يحكم على الوحدة بالاشغال الشاقة مع النفاذ!!!!
آآآآآآآآآآآآآآه وش سويتي فيني بكلامك هذا والله انك صادقه:06:

الف شكر ياأخت بسمة فرح على هالموضوع الرائع اللي يبين اهتمامك ببيتك وعائلتك الله يحفظهم ويصلحهم ،،
عني انا لست موظفه وأم لطفلين الله يحفظهم سنتين وثمنيه شهور والصغير تسع شهور ، انايجيني ايام اتحمس للشغل وتلقيني حاطه في بالي مثلآ ارتب غرفة النوم ومن شدة الحماس القى نفسي في المطبخ ابغى آخذ البخاخ والمنشفه وأفتح الدولاب وابدى ارتب فيه وانا ما بعد كملت تنظيف الغرفه ويجي زوجي أحينآ ولا أنا اللي خلصت غرفة النوم ولا المطبخ ،لكن للمعلوميه مايصير معي هذا الشي دايم لكن أحيانآ، مع اني ادري ان هذا الشي خطأ المفروض اني اخلص كل شغله بالحالها ،، وقسم الرجال تجيني اوقات ما شاء الله علي مافيه احسن مني من يوم يطلعون الضيوف وانا على طول ارتب واغسل الحمام بس مشكلتي الملل ما أدري ليش اتمنى اني القى احد يشجعني عشان اصير مرتبه على طول ، او اتنافس انا وحده ثانيه يعني كل وحده في بيتها ، معليش كأني صغيره ، لكن والله من جد هذا اللي احسه يخليني ربة منزل شاطره .. ادري اني طولتها وما راح تستفيدون شي لكن احس اني اتكلم مع ناس احبهم وارتاح معهم بنات عالم حوا الله لا يحرمنا منهم اللي افادونا بكل شي تقريبآ الله يجعلها في موازين حسناتهم ...

أم دودو المزيونة شكرا على الرد بس حابه اقلك اني الان الحمد لله فعلا بدات احس بحلاوة الحياة بدون شغالة رغم الظروف الصعبة اللي مريت فيها بس اتعلمت اشياء كثيرة اما بالنسبة لشغالتي فوالله اني احسنت معاملتها للدرجة اللي خلتها تشوف حالها علي وسبق كتبت موضوع عن شغالتي انها بتسافر وتبغى بنت خالتها تيجي بدلها اللين ترجع هي لانها خايفة اجيب غيرها واتخلى عنها بس ان شاء الله ماحتاجها لاهي ولا بنت خالتها في كل عيد كنت اهديها لبس جديد ويكون حلو ومرتب وغالي وقطعة ذهب صغيرة مرة خاتم ومرة انسيال ومرة سلسال لما سافرت كان معاها ذهب يوازي قيمة راتب ثلاث شهور عمتي كانت تعطيها زيادة على راتبها اللي اعطيها 200 شهريا بالنسبة لنومها في غرفة عيالي جبتيها على الجرح قبل مانقل بيتي الجديد اللي انا فيه كان شرطي بناء ملحق خارجي بالمطبخ يكون غرفة وحمام للشغالة وغرفة غسيل وكي ومستودع صغير وجلس زوجي يماطل في الموضوع الى يومك هذا رغم وجود الاساس للغرفة يعني ممكن تكمل في شهر بس ويش تقولين جربت اخليها في غرفة الحريم بس هي تنام السعة 9 ولما يكون عندي ضيوف وين اوديها وبعدين ندمت اني ماصممت على نومها في غرفة الضيوف
اغراضها الخاصة من ادوات نظفاة وغيره شهريا اوفرها لها ماكان ينقصها شي بالنسبة لتعلق اولادي بها مومعناه اني ما اجلس معهم بس كانت دايم اول ماتشوفني معهم تناديهم على طول باي حجة وهم ركض وراها مادري يمكن لانها مدللتهم وهذي يمكن اكثر شي خلاني اصبر عليها انها تعامل اولادي زين بس ايضا حاسبت نفسي على هالنقطة والان اولادي الحمد لله فرق شاااااسع على طول معي حتى السوق اخذهم معي
اخواتي احب اقلكم ان الاستغناء عن الشغالة ممكن لاسباب عديدة بس يمكن البعض ما يقدر لظروفه الخاصة وانا اولهم اول ما ربي يكتب لي حمل باستخير الله واقدم لاني في الحمل ماقدر اشيل نفسي كيف عاد بشغل البيت والوظيفة والعيال لكن طالما اصغر عيالي عمره سنتين فبالصبر اقدر باذن الله استغني عنها.
ودي اكمل لكم تجاربي واحكيلكم نظامي الاسبوعي بس مشغووولة اليوم لسه ماكملت توزيع المنهج:32: "وراك بدري!!!"