رجعت اكمل قصتي طبعا عدت السنه على خير وتخرجت من الكليه والحمد لله
نقلت مع زوجي منطقته وجا لي بديله سنه قلت مايبي لها كلا لازم اقدم شغاله قدمت شغاله وجت وجلست معي تسعه شهور وبعدين :06::06:قلت يا انا ياهيه في البيت ما أدري ايش اللي جاني منها يمكن توحمت فيها وطبعا سفرتها
ومشيت نفسي على الحضانات الاهليه لمدة خمس سنوات في هذا الخمس السنوات حملت وجبت بنت وكنت باقي اداوم كل سنه عقد لكن بالإصرار الحمد لله استغنيت ولا افكر اجيبها طول هذيك السنوات
السنه هذي انقلبت حياتي والحمد لله على كل حال في بداية السنه قررت اني اقدم تعين في منطقة اهله واهلي واستخرت والحمد لله جالي تعيين ولكن















كنت في هذي السنه حامل بالثالث وفي الشهر السادس ليست هنا المشكله المشكله ان زوجي يقول اجلسي عند اهلي الين يجيك نقل قلت يا انا ياهلك مستحيل مستحيل اذا انا خميس وجمعه وفي الاجازات وبنطق من الجلسه معاهم كيف اجلس سنتين وما ادري انقل اولا
تدرون ليش زوجي قال كذا لان المشكله ولدي بيدرس وطبعا مدرستي بعيده والولد اذا بيقوم الصباح من بوديه المدرسه ونا بداوم من الفجر ومن بيفتح له في الظهر وصعبه اعطيه مفتاح للبيت
والمشكله الثانيه بنتي الله يصلحها وين احطها والمنطقه الي انا فيها مافيها حضانات واهلي مشوار بين بيتي وبينهم وامي كبيره ولاعندها شغاله فشله اوديها عندها
المشكله الثالثه اللي في بطني إذا ولدت ايش اسوي فيه طبعا قررت









اني اجيب شغاله ولحد الان باقي ماجت لكن بتجي بكره الله يعطينا خيرها ويكفينا شرها
الخلاصه ادري صجيتكم بكثر البربره لكن ماعندي الا انتو ا افضفض معاهم
في خلال الست سنوات هذي كنت ممشيه نفسي على نظام الشغل اول باول قبل ما انم اخلي البيت ورده لاني باصحى وبداوم وبارجع تعبانه مافيني لشغل وعياللي كانوا كبار كل واحد يرمي حاجه لازم يشيلها وما يطلع من الغرفه اللي هو فيها الا وهيه نظيفه ولا بعاقبه بشغل ثاني وملابسهم الوصخه هم الي يشيلونها وودونها الغساله ويساعدوني يصفطون الغسيل ( طبعا بالتشجيع والمدح)
وطبعا يازين البيت وياحلاته بدون الشغاله الله يهني كل وحده ماعندها شغاله بحياتها وحريتها
احس اني بارجع للهم من جديد لكن والله مضطره باقي حاجه نسيت اقولها لكم ولدت وجبت ولد وبكذا تازمت المشكله
والحل هو :06::06:



الشغاله

لي بااااااااااااااك

رحلة شغالتي بعد 3 ساعات من الآن عشان كذا ما رقدت من الفرحة ...... انا موظفة وام لثلاثة اطفال أسأل الله ان يعينني على القادم رغم اني مقدمة على وحدة اثيوبية مدري متى تجي نفسي اني استغني عنهم طول العمر ارتااااااااااااااح اذا ماهم في بيتي ..بس امي تعبانة وما تقدر لعيالي وانا اعاني اجاركم الله من الشقيقة اللي ما تفارقني اسبوعيا وتطرحني من يوم الى 3 ايام ما اقدر اتحرك ... اسأل الله الشفاء

اختي الاسيرة اولا مبروك عليك الوظيفة والله يبارك لكم فيها ثانيا الظروف تجبر الانسان احيانا وانتي فعلا ظروفك صعبة بس باذن الله تكطون الشغالة حبيبة وطيبة وتخاف الله وانتي كمان راعيها في المعاملة واهم شي لا تغلطي غلطتي خليلها غرفة وحمام مستقلة من البداية بتسير اكثر الوقت في غرفتها لان شقتك صغيرة وبتخلص شغلها بسرعة وخليها بعد العصر تكوي في غرفتها يعني تنشغل في الكوي وكذا تاخذي راحتك شوي وموفقة باذن الله

اختي رنود عنك فرصة باذن الله تجربي نفسك في هالفترة قبل تيجي الاثيوبية وان شاء الله ربي يسر امرك وبالنسبة لاولادك ممكن توديهم الروضة والحضانة والله ييسر امرك
حبيباتي ترى من اكبر الاسباب اللي ساعدتني اني استغني عن الشغالة ان بيت عمتي ام زوجي قريب مننا وهي تحب اطفالي يعني ماتتضايق منهم بس اول ماكنت اقدر احطهم عندها لانها بدون شغالة وبيتها كبير ماشاء الله وبناتها الصبح كلهم مداومين بس اللحين الحمد لله عندها شغالة وشكلها باذن الله كويسة صارت عمتي تنتبه للبنات والشغالة تقوم بالبيت وسلامتكم
لي عودة باذن الله احكيلكم بعض من يومياتي