ردوا علي تعرفون حاضنات في الشمال .. :06:

السلام عليكم ..
اول شي الف شكر لصاحبة الموضوع الحلو

انا بكتب تجربتي...

انا موظفه وليه 11 سنه متزوجه وماعندي شغاله ولله الحمد ماشاء الله تبارك الله لاقوة الا بالله

وكله من فضل ربي ..

صحيح ماعندي عيال لكن بيتي كبييييير ماشاء الله ودوامي صعب اوصل الساعة 3 مافيه عرق ينبض

ولازم طبخ يوميا ..وتنظيف وغسيل وكوي كل يوم زوجي له بدله شكل في العمل ...

اي نعم العيال بيزيدون الشغل لكن المشكله ماهي في الشغل اليومي الطبخ والمواعين والحمامات

المشكله في الشغل الاسبوعي اللي تنفظين البيت والكنبات وغرفة النوم والكنيس والتمسيح ...هو اللي هدني ..

والمشكله كمان الضيوووووووووووف من جد هدددددددده

يعني حتى معاد تفكرين تتفننين في السفره يادوب تنظفين البيت وان طلع مني صنف حلا زين ...ولا ابغا استقبل احد

بدايه سنين زواجي كنت الحمد لله ممشيه


لكن الحين تعبببببببببببببت ومليييييييييييييييييييت من الشغل خلاص المشكله كم مره حاولت اجيب اللي يشتغلون بالساعة بس ماتوفقت معاهم

بس صدقوني بتتحمسون فتره بعدين تطفى ناركم ...لانكم راح تحسون انكم بديتوا تهملون نفسكم ...ويادوب بعد الشغل تبغين ترتاحين شويه او تشوفين نت او تلفزيون

يعني منتي فايقة لا للخلطات ولا مكياج ولا حتى روحات وجيات ...

تدرون ليه لانه احنا الموظفات طاقتنا كلها تروح في الصباح ...تستنفذ كل قوانا حتى لو رجعتي نمتي وصحيتي ماحيكون نشاطك زي الصباح انتي شوفي لما تغيبين يوم كيف تنجزين فيه البيت ......


الخلاصه ابغا اقلكم افضل حل الوسطيه يعني لاتجيبين شغاله تقعد عندك ولا تقعدين من غير شغاله ..

افضل شي جيبي شغاله بالساعة مثلا مرتين في الاسبوع تشيل عنك الشغل الجامد ...

لانه صعبه كمان موظفات ونستلم راتب ...وبرضه حياتنا شقا اجل ايش فايدة الفلوس اذا ماريحتنا ...

الحمد لله علي اي حال الله يديم علينا الصحه والعافيه ولا يحوجنا لاحد يخدمنا...

الله يعينك

اختي بسمة فرح موضوعك شدني بطريقه ما تتصورين حبيبتي الي فهمته منك ان بيتك كبير وعندك اكثر من طفل و مواجيب للناس اختي حبيبتي انا اول وحده اشجعك علي تحملك كل هل المسئوليه
اختي انا موظفه وام ل3 اولاد واحد منهم معاق (اعاقه عقليه وبصريه وحركيه )وتنتابه نوبات تشنج بسبب مشاكل المخ الي فيه واعيش في شقه 3 غرف وصاله وحمامين وغرفه للخدم و المطبخ وبلكونتين وعندي شغالتين وحده منهم قليلة عقل الأخت تحب عاشقه وما تفكر ترجع لزوجها تبي تنازل تشتغل بره بالبيوت بس للأمانه ممتازه مع ولدي المعاق وتبكي عليه لدخل المستشفي ياكثر مايدخل المستشفي بالأيام (تساعدني بالطفل المعاق وعليها غسيل الملابس والكوي ) والثانيه ثقيله وثقه للطباخ ( بس الغداء ) والثنتين يتساعدون بشغل البيت من مساح وتنظيف الخ -----والعشاء اتفنن فيه انا بحكم اني موظفه ما يمدني اطبخ الغداء بس مرت علي اوقات وانا حامل وعندي خدامه وحده واوقف علي الجوله اطبخ الغداء عادي بس الشغاله تراقب الأولاد
وما افكر اني اتخلي عن وحده منهم ليش اتعب عمري بكراف البيت و ينهد حيلي وما القي وقت لنفسي واولادي بسبت عدم وجود خدامه تساعدني ليش ما ادلع عمري اذا الأمكانيات تساعد ( يعني الحياة اقضيها شغل وكراف وما استمتع )بس امسح وانظف ومالي وجود ولا اهتمامات
انا عن نفسي امقدمه علي خدامه حاليا والثانيه بس تسافر وراها ثانيه اكييييييييييييييييييييييييد بس لأن عندي معاق يحتاج مساعده يعني لازم ثنتين والا وحده تكفي لول وجود طفلي المعاق
بس مثل ما قلت لك الخدم فيه كامره للمراقبه و يدرون عنها وانا بين فتره والثانيه وراهم وراهم بالتنظيف والترتيب وخاصتاً اني ما احب بيتي مو مرتب ونظيف يضيق خلقي كل شيئ بمكانه الصحيح وهم مع وجود الثنتين القي سطح طاولة المطبخ عليه دهن وغبار مرات وتحت السراير يدعسون كل شيئ فأنبه المسئوله عن المطبخ علي النظافه واكد عليها تمسح عدل والثانيه طايحه تكسر اكسسوارات البيت وكله ما ادري وتضحك بس والله انهم صاروا منا وفينا ومثل الأهل وكل الي حوالي خدمهم نفس الشيئ مثل الأهل وانا ما اقولج ان ما في خدم مجرمين فيه بس قله الي من هالنوعيه ومريت من هالنوعيه علي يعني الي لقيناها امبدله ملابسها الأسنسير العماره ومنحاشه وبعد فتره صادوها بصالون ومعاها جوازين فلبينيه واختي لقت مع فليبينيتها سحر ونفس الشيئ صار معاي من سيلانيه يعني انتي وحظك بالخدم
وانا بالأول ما كنت اعرف شلون اتعامل مع الخدم وكل استحي منهم واراعي خاطرهم حيل بشكل مو طبيعي مخليتهم علي راحتهم حتي الموبايل عندها ( اول سيلانيه يتني ) وكل زعلانه مع زوجها وانا اقولها لشفتها تبكي تطلقي منه وافتكي من عوار الراس وتقعد تقرق فوق راسي بس هم كانت حنونه علي بنتي بس تسوي الي براسها ومع الخبره والممارسه مع الخدم عرف لهم واشلون اتعامل معاهم
وسلامتك بسسسسسسسسسسسسسسسسسس ما استغني عن راحتي واعد الخدمه كأنها ضره في عضوات يتكلمون عن الخدامه كأنها ضرتها وتتحكم بالبيت سيري انتي المسيطره علي زمام امور حياتك واولادك مو الخدامه هي مجرد مساعده لج

موضوعك رائع و الله يعطيك الصحه و العافيه

انا ام طالبه بدون شغاله >>>فلم الجزء الثاني

اريح بس النفسيه الحمد لله تجي ايام ما تبغي احد و لا تسوي شي

نفسي اعرف كيف كانو امهاتنا يعني من فين يجيبوا هذا الحماس

يلي يخليهم يستمروا و بتطور

يعني احنا نتعب و تجي اياام ننهار

بس كيف اهلنا عمري ما شفت امي انهارت من الشغل مع انو من يوم ما جيت على

الدنيا امي كانت تدرس و بعدين اشتغلت