انا كان عندي شغاله وفعلا تعب نفسي ومعصبه على عيالي بس تشتكي كل شوي لو يدخلون المطبخ يشربون ماي تجي تشتكي وتكذب وتتبلى عليهم اكره المطبخ والطبخ لانها تدخل معي وتهرج وتسال كثيييييييييييير واخذها احيان معي عند ناس على اساس تساعدهم وترجع تسبهم وتتكلم عليهم وتقول لقيت البيت كله وسخ والعيال وسخين ووووووال خره واكتشفت انها تسبني انا كمان عندهم وماراحت الين تعبت من مشاكلهاحسبي الله ونعم الوكيل فيها الحين انظف بيتي واغسل غسيلي وانظف عيالي مبسوطين ماعاد في مشاكل لدرجة اني كنت اتمشكل انا وزوجي عليها والحمدلله نظفت بيتي منها وحلفت ماعاد تدخل بيتي شغاله الا للضروره واذا اطريت اخذ بالساعه الله لا يحوجني لها

الله يكون بعونك ويشد من همتك حبيت اشارك بالموضوع كي ارفعه والكل يستفيد والله قراءت الردود كلها

حبيت افيدك

اولن من ردودك واضح انه ماعندك غساله اوتمتك هذي والله تريح جدا وتساعد وتشيل عنك كثير من الوقت حق ألشغل للبيت ولاتسمعين كلام الناس اللي يقولون لك تخرب خوذي ال جي حقت عشره كيلو وبتشوفين الراحه

ثاني شي النشاف الحراري يريح بس طلعين الملابس وتسفطينهم كانهم مكويات ويمدحون اكثر شي الامريكي

ثالث شي غسالة المواعين بقوه تريح خوذي لكبر مقاس واقعدي اجمعي المواعين فيها لين تمتلي وشغليها وبتشوفين الراحه باذن الله نضافه ولمعان وتعقيم

الشي الرابع بنسبه لتنضيف السيراميك فيه مكنسه بخاريه ويجي معاها تسع قطع جدا رهيبه تخليه لك يلمع وتعقيم راح تنسين الممسحه باذن الله وتنضف الموكيت والستائر وكل شي مر ر ر ر ره فعاله وتعقم بعد لانه ع البخار ولها كذا وضيفه وبعد الكنب تعقمه لك خاصه مع جو هالسعوديه والغبار

وعيالك يفهمون بذات الولد والبنت ام اربع سنين شوري عليك عوديهم ع ترتيب سرايرهم وعلى ترتيب ملابسهم وكل شي يخصهم



اما انا متزوجه وعندي طفلتين سنه وشهرين وثلاث سنين

ام ثلاث سنين اشغلها معي تشيل العابها وتحطهم بسله والمناديل والزبايل اللي حايستهم الصغيره اخليها تشيلهم وتنضف ورا اختها وشريكم احس اني مجرمه بس كذا تخف طاقتها وتقعد تناظر التلفزيون تصير مشتغله ولالها خلق لعب عاد انا ارتاح من ازعاجها اشوي


طولت بس حبيت افيدك واتمنى اذا جازلك ردي انه تتدعيلي اسكن بيتي الملك ع خير


اما الشغاله فان لا والف لا اخا ا ا ا ا ف ع بناتي منهن ولا ارتاح اكرهن الله لايحدني عليهن

انا لست موظفه ولا شي

بس فيه احتمال اكمل معهد خاطري

اخذ لغه الله يسرها

احس طولت العذر والسموحه

نسيت اسالك اذا ممكن انتي من منطقه ممكن افيدك وين تلاقين احسن الاجهزه انتي معلمت حاسب والان عصر التنكلوجيا

نسيت اقولك اذا عندك شبابيك مو مضبطه ويدخل منها غبار حاولي تحطين شطرطون ع الاطراف بيخف كثير من الغبار وفيه شطرطونات اشكالها حلوه

ومداخل الابواب الخارجيه فيه حركات تسدين الفتحات اللي تحت الباب وبرضو يخفف من الاتربه

لااله الا الله
الله يبارك فيك اختي ويغنينا عن الشغالات

الموضوع رااااااااااااااااااائع
من اوله لاخره


لي عودة ان شالله بتجرتي وانا طالبة في الجامعة