~ يوميات احتفالية الهمم العالية الـــ ع ـــشرين ~

**ام رغد** • 15 سنة

مهنــــــــــدي..

يسلموووو موضوعك رووعه كروعتك ..غاليتي...
يارب يشفي والدتك...ويطمنك عليها ياكريم..طهور ان شاء الله

oOzahedhOo • 15 سنة

اهليييين ياحلوات
توني فضيت قلت ادش اسلم عليكم وارد في طريقي

اول شي اليوميات بما ان مشكلة المويه مازالت والسباكين لين الحين ماعرفوا يحلونها فالغسيل مئجلته
بس المواعين اغسلها اول باول لان موية المطبخ ربي مبارك فيها صح انها حبه حبه بس احسن من ولاشي
رحت غرفة اولادي وفتحت الدواليب وكبيت كل الملابس فالارض وطبقناها من جديد مع بعض ورتبنا الدواليب ونظفنا الغرفه وغرفتي مرتبه جاهزه بس كنستها ما ادخلها الاوقت النوم واولادي ممنوع يعتبون بابها عشان كيذا تبقى دايم مرتبه
والصاله فرشت الزوليه ورجعت التحف لاني كنت شايلتها قبل السفر
والمجلس نظيف وجاهز سويت له حملة تنظيف وكل مابخر امر عليه
وش كماااان المطبخ نظفت الدواليب من جوه رغم اني الاسبوع الي قبل اسافر نظفتها بس لازم اوخر الغبار عشان اذا جارمضان ما انشغل فيها
وغرفة الحريم حاليا حاطه فيها اغراض وملابس وغرفة بنتي القديمه بنوديها الجمعيه ولاخرجت الاغراض راح اعمل لها دش محترم
والمقلط نظفت المكتبه والكنب والكنس مرتين يوميا لانا نجلس فيه
وحطيت لي جدول للاشياء الي باقي راح اعملها ان شاء الله عشان كل يوم اختار الشغلات الي بسويها من الورقه ويكون كل شي تمام

الان دور الردود

صموته بارك الله فيك يالغاليه وسلامة مروحتكم مسكينه جاتها شيخوخه هههههه
واليوم سمعت جاكم امطار كيف الجو الحين

كرستاله الله يعينك ان شاء الله ولوني منك اجيب اختي صاحبة الشبكه واخليها تشمر عن يدها وتنظف معايه
ويله خلصي قبل يجي رمضان ماعاد باقي وقت

المميزه ياليت ياعسل زوجي يحب القهوه بس اذا شربها تجي الساعه 3وهومانام ويجلس يتقلب وانا اخاف لايذبحني لانه كل ماانقهر اكثر كل ماطارالنوم عشان كذه اسويها في نهاية الاسبوع بس لاني ماحب اتقهوى لوحدي
تخيلي جالسه وحدي وجنبي ترمس واتقهوى احس ابدا مالها طعم
ولوانتي جنبي كان جربنا كل طرق القهوه عربيه وفرنسيه وايطاليه وتركيه وكل شي وش رايك

سوزان ماشاء الله طلعتي اصغر مني بسنه بس انتي عندك اربعه انا عندي ثلاثه بنت ثالث وولد ثاني والصغيره راح ادخلها الروضه ان شاء الله انتي شكلك تزوجتي صغيره صح
ويله دام سننا متقارب بنصير صحاب والشاميات ماتنلامين فيهم لسانهم متل العسل

دلوعه بارك الله فيك يومياتك حلوه والمقلط متى بتفضينه من القرابيع للابد انصحك تشوفين لك زاويه مناسبه وتفصلين فيها خزانه للسقف مقسمه وتخلينها للتخزين لان البيت الي مافيه مخزن يطفش والله يعينك على غرفة النوم
والمحشي وورق العنب انا اقولك وش تسوين اليوم الي تسوينها فيه لاتطبخين لامكرونه ولاشوربه وبكذه راح يضطر ياكل من الموجود ومع الايام راح يحبها اش رايك فالفكره الشريره ههههه

ام رغد الله يسلم يداتك على الانشوده الحلوه طول الوقت جوجو مابطلت رقص هههههه

لوسي بصراحه لوتقضين قبل رمضان يكون افضل عشان مايروح الوقت فالسوق فالايام الفضيله الله يعينك
وبنتك يمكن عندها مغص اوفي شي مضايقها ولو كان دلع سوي مثل ماقالت ام الرسام احنا متبعين نفس الطريقه بس حاطين كرسي في نفس المكان الي احنا فيه اسمه كرسي العقاب الي يسوي غلط يجلس عليه ومن بعدها تادبو بدون لاضرب ولاهواش

ماعندي لقب معليش يالغلا مذكر ان شفت اسمك فالصفحات الي راحت لاني مالي فتره من يوم رجعت
والله يعافيك ويقويك ويكتب لك اجر استقبالك الضيوف ولافضيتي شقري علينا

سوسو انا اقول الرياض منور اتاري سوسوعندنا ياهلا وغلا ولااوصيك استغلي الفرصه وروحي السوق قضي لرمضان لان اسواق الرياض كبيره وحلوه وفيه تخفيضات بعد واذا تبين اسماء اسواق
فيه غرناطه والرياض قاليري وصحارى وحياة مول وسلام مول

ياسمين الله يجمعكم على خير وماشاء الله ماطلتي من سندريلا شي خلاص لوطلبت تقابلني ماراح افصخ النقاب اخاف تجيب لك طلبك ههههههه

اسمو الله يعطيك العافيه ويقويك ومن ناحية الدعاء ولا يهمك واولادك راح ينبسطون من الخبر الحلو بس خلي لين تخلصين الثالث لانهم راح يغثونك متى بتولدين
بس للاسف البيبي ماراح يعيش فترة طفوله لانه راح يقلد اخوانه الكبارويعمل نفس تصرفاتهم ههههه

مهندا اليوم انتي حكايه ثانيه اش فيك على الرجال ياهو رافع ضغطك يا انك حامل وبتتوحمين عليه
بس وصفتك ابدا ماحد راح يسويها شوفي غيرها
وسالفة الثدى هههه جلست اضحك واقول اش فيها البنت شكلها ناويه تسوي تغيرات جذريه بس شوي شوي على حالك
لايكون تبينه يسافر شهر عشان تغيرين اللوك تبعك هاه اعترفي
وسلامتك امك من كل شر ياليت تطمنينا عليها

ام الفتيه ياهلا وغلا فيك وينك يبنت ماوحشناك يعني كيفك وكيف اولادك وام فارس كيفها سلمي لي عليها اوي اوي

oOzahedhOo • 15 سنة

هنادي هناااااااااااااااااااااادي نداء خاص

صح الاكل المفرزن قيمته الغذائيه تصير صفر لان فيه وحده تقول اي شي يتفرزن يفقد كل القيم الغذائيه
اذا كذه ماراح افرزن شي اخاف يكون اكلي موصحي واضر زوجي واولادي

بنات الي عندها خلفيه تقوووول

محتاره1 • 15 سنة

يسعد صباحكم احبتي
ماشالله يعطيكم العافيه المشاركين بالمسابقه بالتوفيق لكم جميعا
زهوده...اخبارك ياعسل ؟والله يعطيك العافيه على دعواتك ..والله النفسيه
تقفل غصب الحمدلله على كل حال
ام الرسام..الله يبارك فيك ويعطيك الصحه والعافيه..
مهند..جزاك الله خير على المواضيع الحلوه
وبنات الهمم لكم ودي

L000Se • 15 سنة

ام الرسام..

قولي آمين ربي يسعدك دنيا واخره اليوم بنتي هدت مررررررررررره

اول مره مااخذت دقيقتين وسكتت ثاني مره قطعت قلبي من الصياح بس طنشتها لين سكتت من نفسها وبعدين صار ابوها يهددها اذا شافها بتصيح يقولي لوسي وديها بالركن عاد تسكت

وبنتي الكبيره استخدمت معاها الصح والخطا وماشاء الله تسمع الكلام ومستانسه مره لاني قلت لها اذا صار كله صح اخلي بابا ياخذك البقاله تشترين اللي تبينه