كرستالة مكه : مبروك الف مبروك
مهنده : عيالك عندهم طاقه كبيره جدا ،، محتاجين يفرغوها بشكل ايجابي ،، لو ما ساعدتيهم راح يفرغوها باي شكل من الاشكال والاولاد عادة ضرابه في ضرابه ومشاكل ،، اساليني كنت عايشه وسط اولاد معظم الخوف اللي عندي الحين هم السبب فيه ..
الحل : خليهم يساعدوك في تنظيف البيت يعني ابدي بالصاله خليهم يشيلو ويحطو معاكم ،، وينظفوا بالمكنسه الكهربائيه وانتي امسحي الصاله ونظفي الاشياء اللي تنكسر ،، بس خليهم ينظفوا فوق المكتبه وتحت الكنب ،لأنهم يحبون التسلق والاختباء والحركات القرعه ،،

وكذا تكوني ضربتي عصفورين بحجر ،، نظفتي لو ع السريع وفرغتي طاقتهم ،،،
باليوم الثاني وديهم حديقه مفتوحه وخذي غداك معك ،،، خليهم يلعبون لين يتعبون وبعدين غديهم ورجعيهم البيت تعبانين ،، سبحيهم (حمميهم) ونيميهم ،،

خفي الحلويات عنهم لأنها تنشطهم وما تفيدهم ،،، وزيدي شرب الحليب يهديهم ويفيدهم ،،،

لا تنسي كل ما نظفوا ورتبوا كافئيهم ،، برحله او هدايا بسيطه ،، اشغليهم على قد ما تقدري ،، ودخليهم مراكز صيفيه عشان تتفرغين للبيت ولنفسك عدل ...
وبالنسبه لزوجك ،، كل ما اشتقتي له ابعثي له مسج غزل او بوسه ،، او رتبي اغراضه واهتمي بغرفته او اكتبي رسايل ،،، او فرزني اكله يحبها ،، كل يوم سوي شي جديد ، بيمر الوقت ان شاء الله وبيرجع مشتاق ،، بس كوني جاهزه ...

هنوده ::
بصراحه وانتي تتكلمي عن ضيوفك كل مره ،، أزعل عليكي ..
شوفي يا هنادي ،، الكرم صفه حلوه بالانسان ،، والعطاء والمجاملات وغيرها من الصفات حلوه انج تتصفين فيها ..
لكن لوالديك واهلك من امك وابوك لهم حق عليك مو بس اهل زوجك ،، نسيتي صلة الرحم ،، حتى لو كنتي ترسلين صحن حلو للتجمع ،، لله الحمد الاكل كثير ومحد يموت من الجوع وتجمعهم صلة رحم وليس تجمع للأكل ..
أول ما تزوجت كنت اقبل 10% من عزائم اهل زوجي في الويك انك ،، لأن الويك اند مخصص لأمي بالدرجه الاولى واهلي واخواني واعمامي وخواليني واصدقائي ،، ما كنت اجامل حد ابد ،،، كنت اذا انعزمت او قالو اهلنا جايين ،، قلت انا اسفه ما اقدر استقبل اي احد في الويكند لأن اهلي بعيد وانا اروح لهم ..
طبعا البعض يبتسم ويجاملني ويقول صح اهلك اولى ،، وحد يعتبرها قلة أدب وووووو وغيره
بس في النهايه تقبلو الموضوع اني استقبل كل الاسبوع واروح عزايم كل الاسبوع الا الويكند ...
الأولى الوالدين ،، والاخوه والاخوات والاعمام والعمات والاصدقاء ،، صح أهل الزوج مهمين بقدر أهميه الزوج ،، بس (اسمحيني) قلة الذوق مرفوضه ...
بصراحه لوكنت مكانك بقصه الغدا اللي تعبتي فيه وحضرتيه ل 8 اشخاص وقالو ما راح يتغدو وبعد ما خلصتو غدا جو وقالو نبا نتغدا ،، هذي تنرفز ،،، لوكنت مكانك ، كنت طلبت من زوجي يجيب غدا من برع ،، صدقيني ما راح يعيدوها لأنهم ما ودهم يتعبون ولدهم ،، خلاص بيصيروا تعلمو درس ان كلمتهم تكون وحده يا نجي على الغدا والا ما نجي .. غير ان زوجج بيتعلم درس ان يكلمهم لأن الكلمه منه بتكون أخف عليهم منج انتي ...
أنا ما احرضج على سوء الاخلاق لا بالعكس ،، استقبليهم احسن استقبال ، بس مش على حساب أهلك وراحتك ،، لأن انتي مطالبه بصلة الرحم ،، وأن تعطي جسدك حقه ...
الله يوفقك لما يحب ويرضى ...

مساءكم سعاده ورضا وهمه وحماس ..

اليوم رحت البلد (للي مابيعرف البلد هذي منطقه تاريخيه وسط جده وفيها محلات واسواق كثيره
وفنادق ومطاعم )
من بعد العصر الين المغرب اشتريت اغراض انزلها لكم ان شاء الله بس احملها ..
شفتو المنتوجات اللي يبيعوها التاجرات بتلاقوها هناك ..

والحين متجمعين اخواتي وجالسين نسوي عشاء ..

ابحمل الصور انتظروني ......

السلام عليكم ورحمة الله وبركاته
اغلى صديقات كيفكم ان شاء الله بخير
رجعت لبيتي بعد غياب خمس اسابيع
وحشتوني خالص
وجيت اسلم عليكم
لقيت الاحتفاليه العشرين
وياعسى الافراح دوم
اشكر مشرفتنا الغاليه سمونه والله يجزاها الف الف خير
واشكر مدام خجوله على ارسالها الدعوه وعلى مجهوداتها الرائعه
ورمزالاخلاص وكل من ساهم في بناء هذا القسم
والعضوات الغاليات الي هم ثمرات التجمع
الله يكتب لكم الاجر ويعطيكم حتى ترضون
وسلام خاص لكل صديقه من الصديقات الغاليات الله لايحرمني منكم
حاليا انا مشغوله بتنظيف البيت الي انصدمت صدمه كبيره يوم شفته
الكل يعرف جوالرياض والعج والعواصف
للاسف لقيت طبقات من الرمال موبس غبار
وجالسه انظف كل شي من جوه وبرا
والمشكله ان المويه انقطت على حظي الحلو
لي عوده ان شاء الله اذا سمحت لي الظروف
استودعتكم الله

ماشاء الله تبارك الله عليكم ..

دوبها بنتي نامت .. أكمل باقي شغلي وأدخل إن شاء الله ..
جوى الحب الأول : نستنى الصوور .. إن شاء الله انا ناويه أروح البلد في هاذي اليومين ..

زهوده ..
الحمدلله على سلامتك يالغاليه وحشتينا ..
الله يعينك يارب ..منتظرينك وحشتنا سوالفك ياعسل ..