هنادي ج :

اصبحنا واصبح الملك لله اخيييييييييييييييييييرا دخلت , خلاص هالمنتدى بدو يجنني صار لي من مبارح بالليل وانا مو قادرة ادخل الهمم لحد مااستعملت جهاز زوجي لقدرت ادخل ياغوالي يسعد لي صباحكم همهوماتي , شو هالحلاكله ؟؟ الحبايب هون ماشاءالله عقبال مانفرح برجعة بدوية وزهودة كمان ام رغد يسعد لي ربي صباحك ومساك اشتقنالك ياحلوة , حرام نحنا لا تقطعينا ولو بجملتين بس ننتظر ك دوما لانك متل النسمة الحلوة بتجي وبترطب قلوبنا هدوء سلامة قلبك ياغالية , قدر الله وماشاء فعل باذن الله ربي راح يقر عينك بكل ماتتمنيه بس الصبر اسال الله ان يرزقك سعادة الدارين وكفاية همهما شو صار بضيوفك ؟ راحوا ولا لسا ؟ كريستالة الف الف مبروك , يلا افتحي الباب اجيت اساعدك لا تصدقي اني بس عشان اساعد , لا في نية مخفية اني اتعلم منك الله يسعدك , يعني بحاول اسرق سر الصنعة بس للاسف مواهب مافي , عندي امل انك تحيي في مامات من زمان عن جد كريستالة اي ضيافة او توزيعة بتعمليها حاولي تصوريها واكسبي فينا اجر التعليم ياعسل انت . ام ريما وبعدين معاك !!!! ليش عم تتقلي علينا بتعرفينا مابنقدر بدونك , تعالي شوفي بصماتك في بيتي بتعرفي قيمة عملك . عزيزتي وانا الان عم كلم كريستالة اتذكرت وعدك النا انك تعلمينا كيف بتساوي الدمى يلي بتحطي فيها التوزيعات متذكرة ؟؟ ولا خلاص سوسو وريما خلوا ذاكرتك ربنا يعوض هههههههه ام عبد الملك ولا يهمك روحة الردود , المهم طلتك ولو برد فاضي اسمك وحده بينعش قلبي , يارب يخليلي ياك ولا يحرمني منك ماجاوبتيني عسؤالي , متى بترجعي لبيتك ؟ زهرة الجوري ضحكتيني الله يسعدك لا مااذن الظهر , برافو عليك ياحلوة بورك لامتي في بكورها بس اي بكور خخخخخخخخخخخخ ماشاءالله شغالة حراسة ليل نهار للملف ,خلاص اذا راح سلمك راية الحراسة , مبروك عليك . جوى الله يرضى عليك الله يرضى عليك الله يرضى عليك ههههههههه شايفة بالتلاتة مشان تعرفي اديش رضيانة عليك خخخخخخخخخ لانك ماعم تتركي الملف متل بعض ناس , ماراح قول اسماء لانهم بيعرفوا حالهم ............................... عزيزتي تروحي وترجعي بالسلامة ,مشان الملف برمضان مستحيل يتركوه لانه رمضان الماضي حكينا نفس الكلام بس مامشي الحال لانه المشرفات بيكونوا مشغولين ومافي مجال يخلوه , بس يلا همتك بيجوز بهمتك يتركوه مفتوح , انا اذا بدي ياه يضل مفتوح مشان نشجع بعض عالعبادة , عندي احساس انكم بتشتغلوا كتير بالطبخ والنفخ وبيروح الوقت بالمطابخ من كتر ماشفت عزايم بتطير العقل بقسم الطيخ عن نفسي مابعزم حدا , ولا حدا ,ومابرضى روح لعند حدا طبعا اهلي لازم مرة واحدة والا بيزعلوا والتانية بحاول اتهرب وممكن اعزمهم مرة اما ام زوجي فكل اسبوع مرة واحدة بتجيني , بس مابعمل الا الاكل العادي انا بحب تفطير الصائمين وبطلبها من ربي من اول رمضان بس مابحب التكلف لانه مو وقتها , الوقت ضيق جدا جدا واي عزيمة بتاثر على وقت التراويح لاني بنشغل بعدها بالتنظيف وبتاثر على قبام الليل لاني راح كون انهلكت بالشغل المهم لما بتطلبي شي من رب العالمين بصدق, ربك بيهديك ياه من حيث لا تعلمين , لا تتخيلي كم بعث الله لي ناس افطرهم , وبدون تكلف قبل الافطار بربع ساعة بيدق عمال على بابي عم يشتغلوا بالشقة يلي مواجهي وبيطلبوا فقط الماء ليفطروا , طبعا بيكون عندي فرصة ذهبية بس مابيضيع نهاري , هي نصف ساعة عمل فقط والفريزر ملان والحمد لله باشياء كتير جاهزة ومابتاخد وقت , وهالقصة تكررت وتكررت تكررت الحمد لله , اسال الله ان يجعل حوائج العباد الينا , لاني متاكدة من حديث رسول الله الذي يقول مامعناه انه اذا احب الله عبدا صير حوائج الناس اليه سامحيني ياجوى بس انت صايرة متل كانه معك مفتاح , انت بتحكي كلمة وانا بنفتح وماعاد اتسكر , بكتب جريدة . سندريلا حبيبة قلبي ياسوسو , لسا المنتدى ماعم يدخلك ؟ الله المستعان , طيب شوفي راح احكي لشوقي لانها خلاص معي عالسكايب , راح احكيلها انه تنسخلك العنوانين على المسنجر لانه هون بالمنتدى راح يغلبك لتفتح رسالتك , بس اعرفي انه عنوان قرة مختلف وكمان اذا كنت بترسليلي دعوة عالسكايب لازم اعرف شو اسمك او تكتبي جملة تدلني انه هاد انت , لانه من يوم مابدات الازمة عنا بالبلد , صار بيجيني يوميا عشرات الدعوات من رجال مااعرفهم وانت اعرفي لوحدك ليش هيك عم يصير , يعني مابقدر اقبلك عندي غير لاتاكد منك , مشان ماتجيني بلوة عجهازي , اوكيه ياعسل وضحت الفكرة ؟ حلم ضبابي اهلا وسهلا عزيزتي اكيد هون مكان السؤال , اذا عند الهمهومات مالقيتي الجواب , وين لكن بتلاقيه ؟؟ اختي روحي للصفحة الاولى من هالملف بتلاقي في رد سمن وعسل الاول مكتوب هنا روابط همم عالية بكل ملف منهم اول صفحة فيها برنامج تنظيم البيت بشهر واحد وانت اختاري اي جدول بيعجبك ياعسل . معلش حبيباتي اكيد نسيت اسماء بس مو قادرة ارجع للصفحات اشوف على كل حال مبارح نظفت االخزاين الاهم بالمطبخ , غيرت الترتيبات ليصير كل شي اقرب ليدي برمضان .نسخت فكرة الاجمل وحطيت فكرة الاسرع , يعني مو مشكلة الخزانة بلاستيك مع زجاج , اباريق مع صحون يلي بيهمني اني اضع كل شي استعمله بمكان واحد قريب لسرعة العمل برمضان باذن الله اتمنيت اني كون تصالحت مع غسالة الصحون برمضان مشان تعينني بس للاسف مالي طابقة شغلها , من هون لاغسل الصحون وارتبها بالغسالة بكون جليتها انا وانتهى الموضوع يلي بيضحك بالموضوع , انه بنتي يلي طلبت انه نشتريها واشتريناها كرمال عيونها وبقينا 3 سنوات مو قابلين نركبها , تركناها بالكرتون قلت لبنتي ماراح افتحها لتتقني الجلي تماما واطمن عليك انك بتعرفي ترتبي الصحون وتغسلي الرخامة وهيك اشياء وبعدها بنركبها ولما اتقنت وركبناها , لقيت بنتي نفسها مو طايقة الشغل فيها ضحكت وانبسطت كتير لانها صارت اذا بطلب منها تضع الجلي بالجلاية بلاقيها عم تجليهم بيدها , يعني عن جد التجربة للولد مهمة كتير واهم من اي كلام لانه ياما حكيت بس ماصدقتني غير لجربت بنفسها . مابعرف غير قول الله يعينكم علي وقت بتكون نفسي مفتوحة عالحكي كركركركركرركركر صار لي ساعة عم العي , سامحوني همهوماتي ماقدرت انزل صوري لانه المنتدى بيجنن , بيطير العقل سؤالي هو بتذكروا الى اي تاريخ قالت سمونة معانا وقت نفكر دخول المسابقة وهل يجب اخبارها قبل المشاركة ؟ دلوعة هاد السؤال الك ,شو عملتي يوم شاركتي ؟ ارسلتي لسمونة ولا كيف ؟ اليوم عندي شغل متلتل , دعواتكم حبيباتي

اصبحنا واصبح الملك لله اخيييييييييييييييييييرا دخلت , خلاص هالمنتدى بدو يجنني صار لي من مبارح...