العفو قصتك كتير حلوة و انا اصحى من الصبح و افتح على المنتجى عشان اشوف شو جديد القصة
كملي لان قصتك مشجعة و كتير حلوة
رفع لعيونك و عيون اسيل
يا ريت كل البنات برفعو الموضوع لان بيضيع و انا ما بلاقيه بعدين
الصفحة الأخيرة
نقلو اسيل للمستشفى و عملولها تحاليل و كلشي و طلع الدكتور و قال ل امها و ابوها
انه معها انهيار عصبي و لازمها راحة كامله و من غير ما تتعب نفسها
المهم جلست كذة ساعة بلمستشفى و خرجوها للبيت
و جلس ابو احمد مع م احمد و سألها شو المشكله شو سبب الي صار
و جلست ام احمد ترويله القصة و المشاكل
طبعا ابو احمد زعل و عصب و مسك التلفون و اتصل على عبدالله
عبدالله: الو
ابو احمد: الو السلام و عليكم
عبدالله: و عليكم السلام اهلا يا عمي كيف حالك؟
ابو احمد: والله الحمدلله بشكر الله. كنت حابب اسألك شو صاير بينك و بين اسيل؟
عبدالله: كل خير يا عمي ما صار شئ
ابو احمد: عبدالله يا بني شو هل مشكله الي صايرة؟؟
عبدالله: اه انت تقصد موضوع الصالون التجميل و طلعة اذا ف هذا حقي ما بيدي مرتي تطلع من البيت بيدون اذني
ابو احمد: يا بني مرتك انت بعتتها عندي زيارة ف اذا هي مسؤوليتي انا, و كمان ههاد عرس اختها و بدها تفرح فيها
شو يعني اضل حاطة ايدها ع خدها و زعلانه عشان تكون راضي؟؟
عبدالله: لا يا عمي بس احنا متعودين هيك عادي بينا بيصير هل اشياء
ابو احمد: انا ما بيدي افهم بنتي انهرت بكي و اغمى عليها و صابها انهيار عصبي كلو بسببك
عبدالله: شوووووووووووووو كيف امتى؟؟؟
ابو احمد: شوف يا بني شغلة بس بحكيلك ياها بنتي غاليه علي اذا انت مفكر انك ماخذها و بدك تزعلها على الطالعة و النازلة ف بتكون كتير غلطان و اذا بدو يصيبها انهيار عصبي كل مرة و الله اعلم شو بكرة بيصير فيها ف خليها عندي معزازة و مكرمة احنا اولا فيها...عجبك هيك اهلا و سهلا ما عجبك الله معك!
عبدالله: له يا عمي انا اسف حقك علي والله ما قصدي ما فكرت انو يصير هيك خلص ما رح ازعلها
ابو احمد: اتمنى هيك و ان شاء الله خير... يلا مع السلامه
عبدالله: مع السلامة
و مرت الليله على خير و في الصباح اليوم التالي اجت اميرة و زوجها رائد و كانو كتير مبسوطين اجت تتودع من اهل خلاص بيسافرو لدبي و كانت تقول اميرة ل امها نشوفكم كمان اكمن يوم
اسيل في عقلها تقول: يووووووه يدوبها لسا ما سافرت بدها ترجع.... يا سيتي و انا مالي المهم تكون مبسوطة هي و العريس
المهم تودعو و طلعووو.........
في العصر كانو جالسين مع بعض و اجا ابو احمد يقول ل بنتو اسيل انو قد نقل شغلو على دبي و جهز شقة و كلشي
و رح ينتقلو بعيشو في دبي
طبعا هون اسيل فزت و قال: بالله شوووووووووووو هو انا غريبة و اخر من يعلم و انا بقول ليش اميرة بتقول كما كم يوم بشوفكم......ولا بتحكو ولا اشي
ابو احمد: له يا بابا انتي روحنا والله ما بنستغني عنيك بس صار فجأة و خفت انو ما يظيط بس اميرة كانت عارفة و هاي انتي اول وحدة بتعرفي و انا حاجز تذاكر و انتي معنا يا يابا بس لازم تطلبي من جوزك و تأكدي انو يكون تمام
اسيل: حاضر يابا بس يتصل
و رن الهاتف و شافت رقم عبدالله.....
اسيل: جبنا سيرة القط قام نط هههههههه
اسيل: الوو
عبدالله: الو مسلام
اسيل: و عليكم السلام كيف حالك؟
عبدالله: تمام الحمدلله كيف سرتي انتي؟؟
اسيل: الحمدلله بشكر الله بس هلأ كنا بسيرتك
عبدالله: خير ان شاء الله
اسيل: لا خير ابوي نقل شغلو ل دبي و جاهز كلشي مع الشقة و بيدو انو نروح هناك و لما نحدد موعد رجعتي بحجزلي
عبدالله: يعني بدك تسافري مع اهلك
اسيل: بعد اذنك
عبدالله: لا ما في روحي عند اهلي...
اسيل: لا الله يخليك اانا ما جلست عندهم لما تزوجتك بيدي اجلس عندهم هلأ و كمان انت بتعرف مشكلتي و نا تعبانة و ما بتحمل
و جلست اسيل تترجى فيه و تترجى فيه انو يوافق و ابداااااااا سمعها ابوها و دخل و قال اسيل بيدي احكي معو
اسيل: عراسي يابا.... عبدالله ابوي بيدو يحكيك
ابو احمد: الو سلام و عليكم
عبدالله: و عليكم السلام و يا عمي كيف حالك ان شاء الله منيح؟
ابو احمد: الله يسلمك الحمدلله بيدي سلامتك بس انا قلت ل اسيل تكلمك بلموضوع ترى كلشي جاهز و بس ضايل انحضر الشناتي و بس
عبدالله: بسسا عمي....
و قاطعو ابو احمد و قال: يا عبدالله مرتك تعبانة هيك هيك و لازمها راحة و اغير جوووو و كمان صارلها سنة بتترجاك شو هاد والله عيب عليك استحي هاي مش شطارة....
سكت عبدالله و وافق على طول لان لقي واحد يوقفو عند حده
طبعا بلغ اسيل بموافقة زوجها و قامت هي امها بتحضير الشناتي و تنظيف البيت
و في صباح اليوم التالي قامت اسيل و راحت تزور حماتها و تسلم عليها و تبلغها انها بتسافر مع اهلها
و طبعا وجدت سلفتها الي من اول ما تزوجت و هي حاطة مخها من مخ هل اسيل
بس اسيل كبرت عقلها و طنشت الموضوع
انتهت الزيارة و رجعت على البيت اخذت دش و استعدت للسفر.... كان ابو احمد متفق مع سائق يوديهم للمطار\بس قبل مروو بيت بسمة و سلمو عليها و على اوولادها العفاريت و اتودعو على امل القاء بعد شهر لان بسمة و زوجها اتفقو انهم يعيشو هناك و يشتغلو مع ابو احمد
وصلو المطار و ينتظرو موعد الطيارة و طبعا اميرة و زوجها بستنوهم ب مطار دبي.....
هاذي اخر مشاركة لي اليوم
بكرة بنكمل اوكي يا بنات
شكرا كتير لكل اخت ردت على موضوعي و رفعتو
شكرا ل وقتكم الي اعتيطوني ياه
بلنسبة ل سؤال وين احداث القصة تبع العرس نعم ب فلسطين و هاذي عادات اهل رام الله
اما حياة اسيل مع عبدالله ب امريكا.....
مــــــــــــع تحيـــــــــــاتي للجميــــــــــع