ما شاء الله تبارك الرحمن ..

الف الف مبروك علينا التجمع الجديد والله يجعله تجمع خير وبركة والله ينولنا جميع الي في بالنا ..

وتسلم ايديك رشا على طرحك للجزء الجديد والله لا يحرمك من الأجر ..

وتسلمين لوليتا على احلى ضيافة والله يسعدك ياقلبي ..

ويا بنات لازم نشد الهمة الصيفية قربت ونبغا نتشجع اكثر عشان نوصل للنتائج الي نبغاها ..

والله يوفق الجميع ..

ما شاء الله ليالي الف مبروووووووووووك يالغلا والله يتمم لك حملك على خير وانتبهي لنفسك قللي حركه ونامي على ظهرك طبعا انتي منك تايهة عن هالأمور الله يحميك بس الواحد مع التعب ينسى وما يفكر وياقلبي عذرك معك والله يسعدك ويوفقك ..

ام الناصر لا ياقلبي والله الاحباط هوه العدو الأول انتي عارفه سوي مثلي انا تقريبا كدت احبط بس قلت وليه اهم شي شعري صاير صحي ولمعة وبسهولة يستشور ومنابت كثير ايش ابغا الطول ماني مستعجله عليه عرفتي فقلت بيني وبين نفسي يافتافت خلاص لا تدققي ابدا يعني ازيت واغسل واسوي خلطاتي بس معد افكر بشعري يعني يكون تعاملي مع شعري مثل تعاملي مع اي شيء ثاني ولا اعطيه تفكير اكثر من حقه وبكذا ارتحت والله صار تزييت الشعر مثل وجباتي بانتظام وبدون تفكير عرفتي فشدي حيلك والله يعوضك ويرزقك باللي تتمنيه ..

فراشة الدورة لازم تدفي وتشربي مغلي اعشاب مثل القرفة والزنجبيل ولو عندكم قشر البن اضيفيه واتدفي زين والله يعنيك حبيبتي ..

لولا غايبة الله يجعل المانع خير يارب ..

دلوعة حيل ياقلبي عندي استفسارات كثير تخص الماستر اذا وقتك يسمح ممكن استفسر منك عنها ع الخاص عشان مانخرج كثير عن موضوع التجمع ..

ام رقيقة آآآآآآآآآآآآآآآه لمن الموية تقطع يالله البيت كله تنشل حركته خصوصا بوجود اطفال رضع الله يكون بعونك .. بشريني عنك وكيفك وكيف صحتك ؟

باقي الصبايا اخباركم واخبار شعوركم ..

السلام عليكم صبايا.. ابشركم الاختبار تمام الحمد لله
لكن المصيبه جيت اليوم بثلاث assignmant من غير الواجبات ولسه باقي اختبار والترم بيخلص ومدي متى بنسلم كل هالاشياء .. فاذا غبت عنكم اعذروني حكون مشغوله .. ولاتنسوا تدعولي كل ماتذكرتوني
ولولا تسلم عليكم كثير .. وهي حالته حاله انسرق ايميلها وهي تعبانه شويتين اليومين الي فاتو .. واليوم راجعه لكم

حبيبتي لولي وحشتيني موت ..الله يكون بعونك ويساعدك .. والحنا زوجي مبسوط من لونها مره وصار يشجعني استمر عشان الفرح
وذاك اليوم خليتها عادي وقابلته على القهوه بحنتي .. خليه يتحمل موعلشانه
حبيباتي قريت الردود بسرعه قبل والحين مااقدرارد ارجعلكم قريب واقلكم كيف عجنت حنتي

الف مبروك حبيبتي ليالي والله يتمم لك على خير انت وام رقيقه ويرزق كل محرومه
فراشه الله عليك وحشتيني وماشاء الله عليك حتى وانت معذوره متحمسه وتحمسي الواحد يهتم حتى لو عنده مشاغل الدنيا
الله يبارك فيك رشا ويسعدك اتذكر لولا قبل فتره استخدمت كامينوموتو لكن بطلت الحين
حبيتي فتافت اسالي ولا يهمك ان شاء الله اقدر افيدك
ام الناصر ياعيوني لاتاخذي ببالك واسمعي كلام البنات

وسامحوني اذا مارديت عليكم في التجمع 4

واهلا بالصبايا الجدد وان شاء الله تستفيدو وتفيدو

صبايا ...ماقلت لكم كيف حنتي الجديده

حطيت بابونج وممراميه واكليل الجبل مع الكركديه مع شويه مويه على النار ربع ساعه

واخذت المويه وصفيتها وحطيتها على الجرجير وخلطته تمام
وبعدين صفيت المويه على ((حنا +حليب بودره +عسل ))
وسلامتكم .. ريحتها مقبوله لكن الجرجير احسه طالع شوي .. حطيتها في الثلاجه لاني مكسله يمكن احطها بكره الصباح او اليوم اخر اليل ..
وماسك راح استخدم افوكادو مع موز ((مستوي ))
والزيت باستمر على ((خروع لوز جوز))

وسلامتكم .. هذا الي راح اعتمده لشعري .. والحنا مواكيد يمكن اغير فيها اذا مانسبتني المكونات