ماشالله الله يزيدكم من النظافه والريحه الطيبه كمان وكمااااااااان يارب

بصراحه تحمسوووووووووون الواحد

ماشالله كلكم زي ماعندكم شغالات سنعاااااااااات بسم الله عليكم.. انا باذن الله ماني ناويه

اجيبها ابددد وزجي كمان رااااااااااااااااااااااااافضها

يقولي فاضيه ماعندك الا النت والا النوم خخخخخخخخ


لي عوده ان شالله بعد المغررب.. اذا قدرت

بس عندي سؤال ياليت تتكلمون عن المنظفات المهمه للحمامات والسيراميك والافران واللذي

منووووو كل شئ يعني

شوق
مرحبا يالغاليه
من بعد روحة الشغاله
ماعاد عندي وقت.
.اشكرك على المعلومات
الوافيه عن الغساله
حتى سعرها حلو مره
انا كنت خايفه من سعر
ال جي تقارب ال3000
الله يجزاك خير ..
***
نفحة طيب
يالله نشتريها انا وانتي
ربنا يعين
ويوفقنا ويسنعنا :)

هلا بنفوحة اثر ربعي السنعات واجد خخخخخخخخخخخ
انامشكلتي تجيني حالات ما ودي احرك شي ودي بس اتسدح ..

بس ترا الي كان مخرب علي نفسيتي اذا شفت شي وسخ بالبيت احس بالاحباط احسب اني انا بس الي كذا بس تصدقين شفت بيوت ناس عندهم شغالات ومع ذلك موب قادرين يلحقون على بيوتهم ..
بصراحة خفيت على نفسي شوي بس صار عندي قناعة ان لازم ابذل جهدي على قد ما اقدر ..
التنظيف العميق ياخذ وقت وجهد بصراحة.. والي عندها صغار زيي مستحيل تلحق الا على الاشياء اليومية.. وعساي الحق..
لذلك قررت استعين بشغالة بالساعة تنظف داخل الدواليب والجدران ومسح الفرشات الخ
اخلي غرفة عيالي عليهم بما انهم كبروا شوي وممكن يساعدون


وفيه شي مهم لترتيب البيت وهو ان تسوين جرد كل فترة وتطلعين الاشياء الي ما تبين مثلا الملابس اذا ما تنفع للبس اخليها للمسح ومنها ارميها بعد فترة واوفر بدل الفوط

اذا تلبس اخليها للصدقة طبعا تكون مغسولة ومرتبة
وبعد طريقة التخزين لها دور بالترتيب
عندي حمام ما نستخدمه مخليته للغسالات التوماتيك ركبت فيه شبك رف لونه ابيض من ساكو وشريت الي يجي زي الرفوف له كفرات وخليتهم لاغراض الغسيل والفوط والملابس حقت التمسيح وحطيت سلال الملابس الوسخة في هالحمام عشان لو جا احد ادخل حوستي واقفله ويكون كل شي مرتب ..
حتى طاولة الكوي ادخلها اذا ما استخدمها لان شقتي صغيرة وما عندي لها مكان
استغليت الدرج الي يروح للسطح وحطيت بالاستراحة حقته كان فهمتوا علي دولاب كبير وخليته تخزين للمواعين الزايدة وعلب التمر البلاستيك والمواعين الي ما استخدم دايم.. ومقاضي البيت لان مطبخي صغير وما ياخذ شي..
بصراحة حماسي هاليومين طافي بسبب اني شاوفت اطلع من هالشقة لذلك احس مالي خلق ارتب ولا اشيل واحط احتري الطلعة
ادعو لي ان الله يسهل علينا وييسر لنا نطلع لبيت ملك

ياربية
انا ابغى اجيب شغالة بالساعات بس الله يهدي زوجي رافض الفكرة :mad:
اتعالوووووو
خلوني اقولكم عن سناعتي اليوم

اولا نظفت الصالة كويس وكمان غرفةالمعيشة
وغرفة النوم بس كنس عادي بدون ضميررر خخخخخ:22:
المهم اخذت دوش
وقلت حلو ابروح اجلس عن انت الى وقت الغدى
المهم سمعت طروخ خ خ :05:
وجيت ركض وش اشوف الثريا انكسرت اهع اهع والله حلوة وغالية بس وش اقول الله يصلح اولددددي
وكنك يابو زيد ماغزيت
جلست انظف ونظف الصالة مرة ثانية طبعا بعد كم كلمة قلتها لولدي:angry2:
وغسلت كـــــــــــــــيس المكنسة الكهربائية بس انتظرة تنشف الشوية عشان اعطـرها
وحطيت الغدا وبعدها غسلتهم
والحمدالله انا الحين عند النت:icon28:

والله اني فاااااكه الخشه على الاخير ما تخيلت فيه احد مثلي اثاري الربع وااااجد :)


تصدقون تحطمت يوم شفتكم الحين انا لوحدي ماني قادره اخلص شغل من العجز كيف لو جبت بيبيات يا حبيبي شكلي اولد من هنا ارجع بيت اهلي من هنا :)

سنعود مرات ومرات يمكن تشمني ريحة النظافة والسناعة :)