تشكرين أختي الواثقه وفكررت علب المنظفات مرره حلوووه

والله يرزقك بالولد الصالح إن شاء الله

مراااااااااااااااااااحب يا سنعات ..كيف اليوم الخميس؟؟ إن شاء الله مو مثلي ..بس الحمد لله على كل حال الحمد لله ...
تخيييللللللوااا ..اليوم معزومة ..طيب ..من قمت و أنا على رجل أبيني أشرف أنا و عيالي ..و أنا السناعة عندي وقت العزايم "وأقصد فيها طلعات الاستراحات" إني أكون نظيفة 100%..متروشة و مسوية شعري بالبيت طبعا ..ولابسة لبس أنيق و متعطرة، و عيالي إذا حبوهم الناس ريحتهم نظيفة ، ومعي سلة حلى و زمزمية قهوة ..وبس كذا أكون راضية عن نفسي و انبسط في ذيك الطلعة ،طبعا ما أنسى إحتساب الأجر : إدخال السرورعلى قلب المسلم من أحب الأعمال إلى الله ، و إبتسامتك في وجه أخيك صدقة و صلة رحم، و أحاول أسولف سواليف سنعة ، تفيد الحريم ما أحب الحش و الغيبة ، على أني ما أسلم بس أحاول.. الله يتوب علي ، المهم اليوم الخميس عندي طلعة ومن قمت و أنا أدهر سويت كل شئ و بقى ألبس ولدي ..ولاه حارتعبان و أعطيه شراب مسكن و" يرجع" علي...آآآخ و على بدلته ، قلت الحمد لله اقعد بالبيت عشان ولدي ..وبس ...
هذا يومي بس بروح أغسل مواعين و حوسة الحلى و فطوري أنا ورجلي الله يصلحه صايمين الله يتقبل مني و من المسلمين ، بالنسبة للتنظيف :
ما في وقت غسلت شوية ملابس و ترتيب سريع سريع ..الله يعين ع الدنيااااااااااااااا ..
ويحسن خاتمتنا ...
بكرة يكون حاااااااااااافل ..لأن السبت دوام و لابد من تهيئة البيت لزوجي ..عشان يرتاح بالدوام و يمخمخ ..الله يصلح لنا أزواجنا وذرياتنا ...آمييييييييييييييين ..
الحمد لله... عدد خلقه ورضا نفسه وزنة عرشة و مداد كلماته ...:)
وأنتو شخبار الخميس معاكم :)

سلااااااااااااااااااااااااااام بنات قرات ردودكم
رووووووووووووعه ما شاء الله
فيه شحنة نشاااااااااااااااااااااااط حلوه لاحظتها بينكم

روعة الصمت
يا هلاااااااااااااااااااااااااااااااااا وغلااااااااااااااااااااااااااااا والله
وتالا الحمد لله بخييييييييييييير تزنن الله يحفظها
وانتي بصراحه الله يعينك حامل ومالك خلق لشي
بس هانت قربت تجيك الخدامه اله يقويك

ابيسه
آآآآآآآآآآآآآسفه اذا ما رديت عليك والله ما انتبهت وماني قاصده
بس بصراحه ما شاء الله عليك من جد اللي سويتيه يهد الجبال
الله يقويك فتحتي نفسي عالشغل


انا الحين تعباااااااااااااااااااانه يومي كان حافل <<<< بس مو من شغل البيت ههههههههههه
اشوفكم بكره ان شاء الله

اهلا بااخواتي السنعات...

ماشاء الله همه ونشاط...الله يديمه على الجميع...

مشكوره اختي دلوعة عبودي على الموضوع..

فعلا اخواتي الشغل مايخلص...ولكن لابد منه ....لان ..بيتك مملكتك..ولابد من الحفاظ عليه..

واذا تراكم الشغل...انتي ...اللي تتضايقين...وتتعبين لان يبي يتضاعف الجهد...

انا ..مثلكم ..مرات يجين كسل ....ومرات اتعب....ولكن نحاول قدر المستطاع ...نحافظ على بيوتنا

نظيفه.....وانا ...سويت جدول..حتى ...ارتاح ..من كثر الكرف...مع العلم ان بيتي كثير شغله...

جزئت بيتي لعدة اجزاء ...

السبت غرفة النوم ...مع الحمام الرئيسي....واحيانا ...اظيف غرفة المكتب....

تنظيف شامل ..وبقيه الايام امر عليها..مرور بسيط ..

الاحد ...المطبخ ...تنظيف شامل ...غسل الفرن ..ثم اضع عليه قصدير ..تنظيف الثلاجه

وتمسيح الدواليب ..وغسل الارضيه ...بقيه الاسبوع ..بعد الطبخ ..امسح الكونتر

وامسح الارضيه ..بديتول..يعني يبقى نظيف ...تنظيف الصحون بعد الاكل..مباشره..

الاثنين تنظيف الصاله ...مع حمام الضيوف

الثلاثاء مجلس الرجال ...مع المقلط ...

الاربعاء غسيل ...وكوى ...وترتيب دولاب الملابس...

احاول اني مااشتغل باليوم اكثر من ساعتين...

الخميس ..صدقون اذا طبقتوا الجدول ...يبي يكون يوم الخميس مافيه شغل ...

الا اذا كان عندك ارتباط عائلي ....فلا تنسين ..تسوين طبق حلى ...او اى طبق

واحتسبي انه من اطعام الطعام....

اخواتي لاتنسون طلب العون من الله ...مع كثرة الاستغفار والذكر ....

وقراءة ..ورد من القران 000

الله يوفق الجميع....

ابشركم
امس غسلت الغسيل وكويت كل الكوي وحطوا خطين تحت كلمة كله يعني القديم اللي له اسبوعين متراكم + الجديد الي غسلته
والله ما شفتوا فرحة زوجي ما صدق
الواثقة من نفسها بصراحة جدولك حلو ومريح فعلا لو تقسم الشغل يهون
(احلى ما في الجدول يوم الخميس والجمعة ),,, ههههههههه
الله يوفقك ويرزقك بالذرية الصالحة عاجلا غير اجل ويكونوا بالتوم
(ويحوسوا لك البيت حوسة ) هههه
اختي ري الوادي ما قصرتي جزاك الله خير