باختصار نبذه عني:
انا قبل الزواج البنت المدلله والرفلى عند اهلي لان امي ربي يحفظهالنا
طيبه ونظيفه وتحب تخلص اشغالها بنفسها
وبعد الزواج حاولت اظهر لزوجي بانني طيبه مثل امي علاشان مايقول اخذنا بنت الطيبه وتوهقنا طلعت العكس
وفوق هذا الشقه جديده بس انا ووياه بها هذا اللي سهل المهمه==>>هههههه
لكن زوجي قال يافلانه لاتعبين نفسك اجلسي انا تزوجت لكي استانس مو لكي تشتغلي انتي
لو اريد الشغل لاكان جبت هندي او بنغالي وسكنته معي==>>مسوي نفسه رومنسي
هههههههههه
وسبحان الله حملت بسرعه وزاد الطين بله اهله واهلي وهو لاتسوين..لاتشتغلين..لاتتعبين نفسك..لاتخسرين طفلك
لكن كتب ربي واجهضت على بداية الرابع؟؟؟
نقلنا بحكم ضروف زوجي للمنطقه اخرى وسكنو اخوانه معنا للظروف اشغالهم ودراستهم
بنفس منطقتنا
شديت حلي بالشغل
وحملت مره ثانيه ونفس الاهتمام وتركت اشغال بيت الى صار لي ببداية الخامس
واجهضت
وكانت البيت يالل الهول==>>وظروفنا ماتسمح بخادمه
وبعدها طلعت ريحتي من الرفاله
جاني زوجي بساعه صراحه وقال وياليته ماقال
((انا رجل وابي اشعر انني مثل الرجال بيت نظيف واتقني شغلك وهذه حطو تحتها 100خط
--اتقني شغلك--
حتى الطبخ))هذا بعد اجهاضي الاخيرب5شهور
حاولت جاهده وسبحان الله اعطاني العزيمه والاراده وتعدلت شوي
وبديت ياحليلي نظيف
وكان اثاث البيت مايساعد لانو كله بيج فااااااااااااتح
قلت له بس غير الاثاث لو الفرش على القليله
حنا متزوجي صار لنا بحدود السنتين صار مليان مكبات عصيرات ةقهوه وحليب
وانواع البهاذيل من اللي يزورونا ومن انفسنا
وبعد 6شهر غير الفرش والمطبخ وكملنا نواقص البيت
وقال هااااااااه ماناقصك شيء حتى تتعذري بقل نظافتك وشغالك
وسبحان الله تعبت وطلعت حامل
وهو مصرّ على ان اكون نظيفه واطبخ مع الحذر على حملي
ولانني كنت خايفه اجهض وللمره الثالثه ماصرت اقوم
واتهاون بالشغل
وبعد شهر بدا وحاااااااااااااامي الشديد
ومعاتات مع حملي وعملية الربط الى الولاده((والله تعب تعب والحاله النفسيه زوفت))
ولان اهلي مسافرين خارج المملكه اضطريت انفس ببيتي
تخيلو لاخادمه ولاشيء
قسم بالله حتى الطبخ انا اطبخ
تعبت بالمره وصار نفاسي 48يوم وبعد اسبوع جت
ولحدّ الحين وانا ارحامي تعبانه وصار فيني اكتئاب
ولاشكيت حالتي الا لله ثم لكم الحين
لاني احب زوجي ماابي اهلي يكرهونه
بعد ماطلعت الاربعين رحت للاهلي واهله وكان شكلي كانني عجوز100سنه
لما سالوني قلت ولدني تعبان والهم اكلني==>>كان صحيح تعبان بس مو واجد
وكذبت على قرايبنا كلهم قلت عندي خادمه ماعدا امه واخواته
قلت لهم الحقيقه
وتعالي شوفو البيت كانه مزبله وحوسه بمعنى الكلمه
فسويت جدول للاشغالي
لكن ماتشجعت وسويت شيء الا بسييييييييييييط
ولما قرات موضوعكم وموضوع ام فايز تحمست ((الله يجزاكم خير))
وخلصت الآن ثلاثة ارباع شغلي
وباقي اشوي ولان ولدي صار تعبان شوي اجلت شغلي شوي
راح اقول لكم باذن الله وش سويت ووش جدولي
ووش سويتو بي وايش اللي انجزت

شقتي مكونه من قسمين للنساء وللرجال
قسم النساء: صاله وهي اللي يفتح عليها الباب الخارجي
ومطبخ-- واكرمكم الله حمام --وغرفتي --ومجلس للنساء-- ومخزن
وقسم الرجال:مقلط --ومجلس للرجال --بلكونه --وحمام اكرمكم الله

قبل ان اقرأ الموضوع كنت قد نظفت دولاب المطبخ
ومنظفه غرفتي بان(( عزلتها من اولها لاخرها ووضعت جميع ملابسي بشنطه السفر واكسسواراتي بشنطه ثانيه
يعني مابالغرفه الا ملابس زوجي فقط وملابس ولدي لانني خصصت له رفوف مع الكومندينا ))
اما اكسسواراتي فجمعتها بصناديقها واعطيتها اخوات زوجي
==>>لانهم حلوات وكشخه ولافيهم عيب وانا صارن عندي منذ 2سنه
واريد التجديد لالنني ماغيرت بحالي ولاشيء من حملي==>>تخيلو
بعد قرأتي لموضوعكم تحمست وتتشجعت
شغلت شريط قران للشيخ/ياسر الدوسري
واخذت قسم الرجال ونظفته نظافه من جدّ وجديد==>>لاني استغليت سفرت اخوان زوجي
بديت من الاخير
غسلت الحمام وانتو بكرامه وكنست البلكونه لانني فرشتها((اتعبتني بالغسل ولاننا بشتاء مانا بطايقه))
وغسلت المغسله ونظفت الرفوف وغسلت كل اللي فيه من شمبوات وعطورات وصابون لليدين
وغيرت اعواد الاسنان والمناديل رول
غسلت اصطوانه الغاز مع(( اللي))((هوزه))
اخذت دولاب الرجال ومسح وتلميع ومسحت الدلال وغيرت العزبه
ومسحت ولمعت التحف والمناظر
وغسلت القز ولبسته قصدير غيرت اكياس الزباله اكرمكم الله
اخذت الكنب ووضعته بصالت الحريم
وكنست مكانه ومسحت الجدران والدرايش((الشبابيك))
اخذت جميع العطورات اللي فيها نصفها كسرتها ووضعتها برشاش مع كلونيا
ورشيت الفرش ثم رجعت الكنب ورشيته بالعطر اللي معي
واغلقت الباب
وبالمقلط اخذت المكتبه ونزلت كل الكتب والاشرطه ومسح وتنظيف وتلميع
ورتبته ومسحت التلفزيون
واخذت دولاب اخوان زوجي وبعد نظفته ومسحته ولمعته
وعلى الكمبيوتر ودروجه وملحقاته===>>يانه مليان غبار بل صاير طعس
ورتبت غطيانه ووضعتها بالدولاب
ورتبت السجدات
واخرجت المجلس((مجلس عربي ابو 30سم ارتفاعه))
ثم كنست وعطرت واغلقت الباب
اخذت مجلس الحريم وطلع الكنب برا ولمعت الجدار وكنست ولمعت المكتبه والتلفزيون
عطرت واغلقت الباب
رحت للمطبخ غسلت الثلاجه من اوله لين اخره حتى من فوق وبعد 3ساعات اشغلته
ولان الجو برد مااثر على اغراضه
غسلت مابقى عندي من مواعين وغسلت الارضيه
ولاني معزله الدولاب مااحتجت اعزله مره ثانيه
ونظفت الطاوله ومفرشها والكراسي
بس بقى لي الفرن وحوسته والجدران والشباك==>>اجلتهم
وبعدها مسكت الحمام وانتو بكرامه من الى حتى الغساله




هذا ماتوصلت له الآن ولانني تعب وقفت
وفوق هذا عندي ولدي ربي يحفظه بس يصيح
اشتغلت مثل النمله شوي شوي

باقي لي المخزن+الصاله والاسياب+غسل الملابس

واخذت قلم وكتبت كل نواقص البيت من الهامات الى المهمات
ولان راتب زوجي ماشاء الله مكفينا لكننا مو زي اللي يضبط ويقتصد
مسرفين في اشياء ماله طعمه وبسرعه تطير منا الفلوس ونفلس
وياشينها حتى نفسي مااهتميت ولاشريت خلطات ولاشيء
كلها يقول اصبري شوي
فقررت اعمل جدول وميزانيه وطلبت من زوجي بان نتقيد بها على القليله شهرين
واذا لم تضبط نغيرها لانه غير مقتنع بفكرتي-->ربي يهديه
==>>وانا باذن الله واثقه بانها ستضبط
وقسمت راتب زوجي الى 5مجموعات
1-للمصاريف البيت من طعام
2-مصرف يقضي به حاجياته من بنزين وحليب لولدي وللجيبه

3-للطواري ماناخذ منه الا للحاجه الضروريه الضروريه==>>اخذت الفكره من ام فايز
4-للفواتير((الماء والجولات والكهرب))نجمعه ولانصرف منه شيء
5-لي ==>>اشتري به نواقص البيت الهامه والمهمه واغراض ناقصتني
من غير اسراف

عبائر حبيبتي نتشرف إنك تنظمين لنا.........بس بصراحه قصتك تكسر الخاطر عموما وسعي صدرك .....إن شاء الله بتغيرين حياتك وتصيرين أحلى سنعه....

أنا اليوم أخذه إجااازه لان العائله مجتمعين......لنا عوده قريبا بإذن الله.....

السلام عليكم
الله يعطيكم العافيه الصراحه افتونا