السلام عليكم ورحمة الله وبركاتة..

ماشاء الله تبارك الله
الله يحفظكن من العين صدق موضوع يبعث على الهمه ويفتح النفس .
تصدقون أول مره اشوف الموضوع وعجبني قلت معاهم معاهم ...

أنا وأعوذ بالله من أنا مع القومة بدري والله شئ شئ ليش لأن النهار طويل ومافيه إزعاجات مثل وقت زيارات أو مكالمات >>>>هذه تجنني تكلمك وحده تضيع عليك ربع ساعة وتتكاسلين عن شغلك..وكمان مش وقت طبخ ونفخ >>>>هذا ياخذ وقت يعني من 8إلى 10وقت كافي للتنظيف السريع وليس العميق مع طبعاً غسيل الملابس او الكوي ..
صلي الضحى بعدها وأقرئي ورد يومي من القرآن وصدقوني يابنات لما تعطي من وقتك حيز للعبادة والتقرب من الله سوف يبارك لك في وقتك وعملك غير إنشراح صدرك...

جدولي ببيتي ماعندي أطفال فيجلس البيت يومين ثلاثة مايحتاج تنظيف طبعاً إلا المطبخ والحمامات أما الكنس والسراميك والغسيل كل ثلاثة ايام والكوي يوم واحد في السبوع وكل ماكان بيتك بسيط وأنيق افضل من كثرة الأثاث اللي يهد الحيل في التنظيف والتلميع...

بنااات ياليت اللي عنده علاج لحشرة العثة هي حشرة تجي في الخشب عندي غرفة ماتوصلها الشمس وجدت الحشرة على الكنب (هذا الكنب شراه زوجي من زميلة ويقول جديدد)ومؤذية من جد صرت ماأجلس عليها كنستها وغسلتها عند شركة تنظيف ولافاد معي شئ طلعتها للسطوح وبشوف يمكن تقتلها الشمس بس إذا فيه دوا لها يقتلها قولوا لي بليييييييييييز المشكلة أول مرة اشوفها دايم اسمع فيها الله يعين بس ...


ندااااء لكيكة العائلة وينك ياعسل ماعاد شفناك في الملف وحشتيناااااا...


دلوعة عبودي ياليت تصورين لنا المنتج...

دلوعة عبودي سويت بحث للمنظف اللي قلتي عليه ومالقيت إلا هذا ...

بناااااااااااااات والله مستحية منكم الكل ينظف بيته الا انا بعدني ما تغيرت ..:icon33:


اصلا ما عندي وقت .. الصبح اروح المدرسة وانا الحين ثانوية عامة ولازم اشد حيلي ..

واشيل ولدي وياي الحضانة .. ( لاحظوا ان هني زوجي يروح الدوام بدون ريوق لان الباص مالي ايي بعد ما يطلع وانا من الكسل الزايد ارقد وما اقوم الا يوم ابى اتجهز للطلعة) .. وعلى فكرة زوجي يحب يتريق ف البيت بس انا الله يهديني :(
المهم ارجع من المدرسة الساعة 2 وربع اصلي الظهر وارقد ولدي واجهز الغدى ..

طبعا اكون مستعيلة وتعبانة وانا اجهز الغدى ف الله لا يوريكم شو يصير بالمطبخ .. ولا حرب .!!
يرجع زوجي ونتغدى وتعروف الواحد بعد الغدى كيف ايكون اثقيل .. عاد شو لو كان توه ياي من المدرسة.. لا وشاله ولدي وياي . يعني خلاص اكون بعد العصر منتهية..!!بعد المغرب ارتب ع الطاير واحط غسلة ف الغسالة ..
وعندي فترة امتحانات وتسليم تقارير .. ويا الله الحق .. وبعد العشا نتعشى واكمل مذاكرة ونرقد ..
هذا جدولي طول الاسبوع هذا شو رايكم ؟؟

( ما في مسح .. ما في خم .. ما في كوي ..ما في ما في .., وعلى فكرة الملابس اللي قلت اني احهم بالغسالة ثاني يوم اتذكر واحطهم بالنشافة< عشان اكون صريحة وياكم ..)

والله خلااااااااااااااااااااااااااااااااااااااااااااااااص كرهت روحي دوووم مضايجة والسبب البيت متلعوز..وريلي بعد كم مرة ايقولي اياها بصريح العبارة ... ويعرض انه يساعدني فالمطبخ او الغرف .. بس انا ما اخليه .. والله احس انه ماخذ عني فكرة اني مب نظيفة ولا مرتبة ..
والله احسه هو مهتم اكثر .. اذا استخدم شي من الصحون يروح يغسله على طول عشان ما تتراكم المواعين ..

بنااااااااااااااااات انا خلا ابى اتغير والله خلااااااااااااااااااااااااااااااص مب عيشه هاي..
هذا وانا ساكنة فملحق كله على بعضه شبر وعندي ولد واحد وحالتي متلعفسة .. عاد كيف لا زادوا العيال وكبر البيت ان شاء الله ؟؟

وانا من النوع اللي ما احب الشغالات ولا ابى اييبهن..وزوجي اخس بعد ..

بنات اعولي بلييييز والله اني في حالة ما يعلمها الا ربي ...

وادعولي الله يوفقني بالامتحانات واييب نسبة فوق ال 95

وان شاء الله بحاول ابدى ترتيب غرفة الملابس يوم الجمعة .. كاول خطوة نحو التغير .. :)

كل الشكر لصاحبة الموضوع والعضوات المميزات واللي صارن سنعااااات وعقبالنا ..هع

مساء الخيرات ..

ابيسه ...

ما شاء الله عليك .. احس انك اكثر وحدة منظمة .. انا مع الشغل الا اشتغله لكني احس مو ملحقة على الفوضى .. هذا غير ان اولادي البنت والولد الا في المدرسة ما يكونوا في البيت الا فترة بسيطة .. الصبح في المدارس والعصر 3 ساعات دروس تقوية ..

الامورة الحلوة ..

انا قبل ولادتي اتفقت مع شغالة بالساعة وكنت اساعدها في الشغل بس للشهر السابع .. وبعدها اعتمدت على نفسي .. مع اني ما كنت اشتغل مثل شغلي قبل ..

وسط عالم حواء ..

الحمد لله على السلامة .. وتتربى البنت في عزك وعز ابوها ..

والله حاس فيك .. لان هالاحساس مثل الا كان عندي .. بس انا الحمد لله والدة طبيعي بس ظهري كان فيه شد .. حتى ابني ما كنت اقدر احمله ..وبس حسيته اشوي تحسن على طول بديت شغلي في التنظيف العميق ..

دلوعة عبودي ..

ما دام انك افتشلتي عجل راوينا شاطرتك .. من بكرة نبي نشوف الشغل على اصول ..وعلى فكرة انا مثلك احب اشتري المنظفات واذا انظف انظف بضمير

مووون..

حياك معانا .. واتفق معاك في كلامك .. في هاالوقت بالذات تحسين بنشاط وحيوية .. وحتى على مستوى العالم هالوقت هو وقت الانتاج ..

والنسبة للحشرة ما اعرفها

واما المنظف ... فاعتقد هذا الا بالصورة هو متعدد الاستخدام ..

ياااااااااا فرحتيييييييييي

اولادي خلصوا نوم وابتدت عندهم السهرة ..

الله يكون بالعون ..

احبه ..

خلي زوجك يساعدك ما دام هو الا عارض المساعدة .. ترى بعدين تحتاجينه وحتى لو طلبتي منه المساعدة ما بيساعدك لانك عودتيه ..

الله يكون بعونك ..

-*-*-*-*-

نسيت اكتب شغلي الا سويته اليوم ..رحت آكل كورن فليكس لان بنتي تبي ريوق .. الظاهر تفكر انها الصبح... وتسألني ماما الحين عسر ( عصر)

المهم ..

غسلت الثياب وكانوا واااااااااااجد .. اخذوا مني تقريبا اربع ساعات واشوي

رتبت غرف اولادي .. ورتب الالعاب ( سبب الفوضى في البيت كله) .. وغسلت المواعين ..