ابيسه
أنا ببدأ معاكم التنظيف الشهري وطبعا الأفضل المطبخ .....
وعندي طلب لما تبون تنظفون المطبخ ممكن تحطون المنظفات اللي تستخدمونها ...طريقة التنظيف ...

&&دلوعةعبودي&&
أنا المطبخ ما يكفيني يوم واحــــــــــــــد ... وشايله همه وووووووووووايــــــــــــــــــــــــــــد :(
فأبي أخلص منه وأفتك ...

بالنسبة لأمس خلصت باقي الشغل من كنس المطبخ لغسل الصحون ورتبت الملابس في الدولاب

بالنسبة لليوم إن شاء الله ببدا بـــ :
* ترتيب البيت ومسح الغبار
* تنظيف الحمامات
* غسل الصحون ومسح الفرن
* غسل الثياب وترتيبها في الدولاب
* مسح أرضية المطبخ

السلام عليكم ...كيف صباحكم
ان اليوم سويت مايلي
1. بعد صلاة الفجر عملت الافطار
2. غسلت الاواني ورتبتها
3. اكملت الفرن
4. مسحت الثلاجه وصارت نظيفه توها مغسوله
5. مسحت جزء من المكتبة تبع الصاله وسأكملها ان شاء الله اليوم
6. غسلت دورة المياه اكرمكم الله
7. جلست على الكمبيوتر اكتب لكم يومياتي
8. سأذهب الى النوم بعد تحديد ماذا سأتناول في الغداء وقد تحدد مشكله اعاني منها

مشكوووووووووورة جزاج الله خير

خواتي ما شاء الله عليكم همة

حاولت أسوي معاكم

بس أنا مش من النوع الكسول لا

أنا زوجي موجود في البيت 24 ساعة يعني باختصار أجلس أنظف ولا أجلس معاه

يوم أبدأ شغل يقولي اتركي كل شي واجلسي معاية

ويتراكم عليه الشغل

لو تعرفون أنا عندي غرفة وصالة وكرمتوا حمام فيه الغسالة الأتوماتيك

وبعد أمام الحمام غرفة للملابس ونفس الخزانة مخلية فيها قسم مطبخ تحضيري صغير حقي

يعني أسوي حليب بنتي الجلي والشاي والأشاء البسيطة وهي غرفة صغييييرة جدة يعني تحتاسين فيها مع الثلاجة

المشكلة هيه إن حبل الغسيل بعيييييد عن الصالة يعني مشوار واتم بنتي تصيح إذا غبت عنها ثواني

أما المطبخ الرئيسي فحدث ولا حرج كلمة بعيد شوية لأنه نحن في بيتين والمطبخ في البيت الثاني

يعني وقت الغدا نضرب مشوار عشان نتغدا مع العايلة.. والعشا والريوق كذلك

وإذا حبيت أسوي كيكة بهانس ثانية لازم أسوي بالكميات عشان تكفي الكل وهذا ياخذ مني وقت وجهد

لأنه بناتهم المتزوجات يدقون تلفون إنتوا شو مسوين طرشولنا من اللي سويتوه

بس هن ما يطرشن شي عشان جيه أنا مليت من هذي المسألة فصرت أتعايز أسوي شي لأنه كله بيخلص قبل ما زوجي ياكل لقمة

فصرت أخشله في حرارة في الكبت وإذا جا ودة ياكل معاهم يعني الأكل ما يكفي إلهم مرة ثانية

الحين أنا ودي أخلص شغل البيت كله الصبح بس هوه اييب الجرايد ويفرشهن في الصالة ملابسة على الكراسي في الصالة

الغترة كذالك يعني أنا عييت من التنظيف وبنتي ما شاء الله عليها الألعاب هيه وعماتها ينشرونها في كل الصالة مع إنها صغيرة فتدخل الألعاب تحت الكرسي

دائما قسمس مكركب ما أعرف شو أسوي

جتني النشاط اليوم من بديت أشتغل صاحت حضرتها نهائي ما تبا تشوفني ماسكة شي ثاني غيرها

هيه عمرها 9 شهور والحمدالله أنا حامل بالثاني يعني تعب في تعب

خواتي أحتاج الفزعة ساعدوني

خواتي نسيت أقولكم إنه خوات زوجي دايما عندي في أي وقت يعني الظهر أو الساعة 11 في الليل ودايما يقولولي بيتج مش نظيف مش مرتب وأنا تعبت من كثر التنظيف أحس إني أشتغل بس ما شي فايدة غلا يخترب ويتكركب