مساكم الله بالخير

حبايبي لقيت طريقة لتنظيف الحمام روووووووووعة

واخذتها من الارشيف هنا

بس لما جربتها خلت الحمام يلمع

اول شي تحطين بارضية الحمام مويه

بعديت تخلطين ثلاث ارباع كوب كلوركس مع كوبين ماء

وترشينهم على ارضية الحمام

وتدعكين بالفرشة او المكنسة الطويلة اريح لظهرك

بعدين تخلينه نصف ساعة

بعد كذا تغسلين الكلوركس بكمية ماء وفيرة

وتمسحين الارض

بعدها تجيبين هاربك اللي مخصص لتنظيف المرحاض

وتصبين منه على الرضية ثم توزعينه بالمكنسة وتخلينه نصف ساعة

بعد النصف ساعة نظفي الحمام بالماء

واستمتعي باللمعان

هلا فيك ياقلبي

من خلال ماقريت وسمعت وشاهدت والا من العجز مانفذت :42:

البصل تقدرين تفرمينه وتحطينه باكياس بلاستيك او علب بلاستيك صغيرة على قدر حاجتك بالفريزر

او ممكن تفرمينه وتحمسينه بكميه تكفيك لاسبوع وتحطينه بالثلاجة

الطماطم نفس الشي تقدرين تقطعينه صغير وتحطينه بالفريزر للطبخات اللي تحتاج طماطم

او ممكن تقطعينه ثم تطبخينه مع شوي ملح وبهارات بعدين تحطينه بالخلاط وبرضوه تحطينه بالفريزر
بعلب على قدر حاجتك وفيه ناس يحطونه بقوالب الثلج

وحدة من معارفي يوميا يطبخون مرق فتحتاج دايم للطماطم المطبوخ تقول اطبخه واحطه بالثلاجة

تقدرين تقلين شرايح الباذنجان علشان المصقعة وتحطينه بالفريزر

ايضا تقدرين تبشرين الجزر وتحطينه بعلب علشان تستخدمينه للحشوات

ايش كمان؟؟؟

ايوه تقدرين تسوين حشوة لحم او دجاج وتحطينها بالفريزر لوقت الحاجة

وهذي طريقة وحدة من صديقاتي

تقول ازين الحشوة اللحم واحطها بالفريزر
ولما احتاج عشاء سريع

اسلق مكرونة اسباغيتي واطلع اللحمة واخليها تذوب على النار بعدين احط معها شوي طماطم مطحون
وبقدونس

ثم اضيف اللحم على المكرونة واحط عليها جبنة وادخلها الفرن شوي

او ممكن بدل الجبن تخفقين بيض حسب مقاس صينيتك وتحطينه على المكرونة وتدخلينها الفرن

انا صراحة ماجربت فكرة البيض

اتمنى تكون افكاري فادتك

واذا تذكرت شي راح اضيفه

ممكن انظم لشلة الحريم السنوعااات الشاطرات القمامييييييييييير الحلوات النظيفات ال ..........ال........... يووووووووه تعبت كل ذا مدح

المهم احاول اكتب يوميات الكرف معاكم
بايو

اخت سحايب الحب
ودي استفسر عن المكنسه الطويله للحمام اللي قلتي انها تريح الظهر كيف شكلها وهل هي خاصه للحمام؟

السلام عليكم سنووووووووعات .....كيفكووووووون ان شاء الله منيحين
ام الكتاكيت حياااااك الله ياااااااااقلبوووووووو ومااااااااااااااعد اغش توبه
وياااحريم عندي مشكله الا وهي ان سراميك الحمام ابيض وفيه تكلسات على الحواف وماني عارفه كيف ازيلها شكلها كذا يفضح وانا تعبت منها ولاتقولولي فلاش اصلا ماعمل فيها كذا الا الفلاش اتأكلت حواف السراميك وصار اي شئ يعلق فيها
ياليت الي عندها حل تقولي