النصايح :
1 - الالتزام بالرجيم .
2- الرياضه وطبعا اهم شي مع الرجيم رياضه مشي او اي نوع رياضه زي ماتحبوا وفي البداية ابدأو بخمس دقايق وبعدين كل يوم زيدوا المده الين ماتوصلوا لساعه او نص ساعه على الاقل والله نصيحة عشان الترهلات لو عملتوا رجيم بدون رياضه راح تسير عندكم ترهلات .
3- ممكن شرب الليمون او الجريب فروت او الانانس فرش وبدون سكر يساعد على حرق الدهون .
4- ياريت كل وحده في المجموعه تدخل يوميا او كل يومين تكتب يومياتها .
5- نهاية كل اسبوع كل وحده لازم تكتب كم نزلت خلال الأسبوع او زي ماتحبوا ممكن الاتبغى تكتب وزنها في البداية وتخبرنا كم نقصت اخر المسابقة .
6- الابتعاد عن المشروبات الغازيه فتره الرجيم نهائيا وايضا الابتعاد عن الحلويات والشكولاتات والفاست فوود .
7- عدم التخبيص .
8- شرب الماء بكثره فتره الرجيم .
9- ممكن تشربوا كاسة ماء دافىء مع ملعقة عسل مع نص ليمونه على الريق اول ماتصحوا مفيده في انقاص الوزن وحرق الدهون في الجسم .
10- ممكن شرب الشاي الاخضر او الشاي العادي او النسكافه بدون سكر او حليب .
11- الابتعاد عن السكر والمحليات .
12- الجبن والحليب يجب ان تكون خاليه او قليلة الدسم افضل .
13- الابتعاد عن الرز والمكرونات والعيش (الخبز) .
14- نصيحة اخيره ومن تجربة شخصية عدم الاكل في الليل يعني كلوا طول اليوم اكل الرجيم و وقفوا الاكل بدري على الساعه 6 او 7 والله راح تنزل اوزانكم بسرعة .
15- استخدام الفيتامينات مع الرجيم لصحة افضل ولعدم تساقط الشعر مستقبلا.
:26::26: :27:
النصايح :
1 - الالتزام بالرجيم .
2- الرياضه وطبعا اهم شي مع الرجيم رياضه مشي او اي نوع رياضه...
ام عليوة الف مبروك ياعسل على الكيلوين وان شاءالله الاسبوع الجاي تنزلي اكتر واكتر:26:
الحساوية ان شاءالله يارب الاسبوع الجاي تنقصي اكتر ويتحرك وزنك :26:
sahar1 حياك الله وان شاءالله تستفيدي من المسابقة :26:
um sa3oodi الف مبروك حبيبتي على الكيلو واربعمائة جرام وعقبال ماتنزلي اكتر يارب وتسيري احلى رشيقة انتي وكل البنات يارب:26:
هلا فلة حبيبتي صباح الفل ياعسل انا والله طبعا عندي لسع ليل مانمت جالسه اكتب النتايج عشان اسلمها في اقرب وقت انتي ايش اخبار ياعسل :26:
amal gh مبروك الوزن الجديد بس حبيبتي شروط المسابقة انه كل واحد يفضل في مجموعته الين ماتنتهي الماسبقة وبعدين لمن تبدأ مسابقة جديده تتغير المجموعات وتروحي للمجموعة الاولى:26:
وردات الأمل الف مبروك ياعسل على الكيلو وتسلميلي يارب على سؤالك عني وان شاءالله يارب كلكم ماتشوفوا شر ابدا :26: يالله شدي حيلك في الاسبوع الجديد عشان نتايج احسن .
ام رناد - رتاج الف مبروك النزول وماشاءالله عليك وعلى ارادتك يارب تستمري كده وطبعا مستحيل اخرج اي وحده من المسابقة لأن كلنا اخوات لازم نكون مع بعض يد وحده ونشجع بعض قد مانقدر ويارب يحقق امانينا جميعا وينولنا الرشاقة قريب:26: