كيفكم أخواتي
حبيت آشارك بس للأسف ماعندي كاميرا في هالوقت الحالي...
كنت آتمنى آحصل كاميرا من ..(( هدية المتواجدون الآن في المنتدى ))..بس ماكان لي حظ فيها ..ههه
المهم ندخل بالموضوع
بنتي (( ثمان سنوات )) الله يحفظها تنتظر رمضان بفارق الصبر
لانها السنة الي فاتت ما قدرت تصوم كل ايام الشهر الفضيل
وكان تنافس بينها وبين أخوها على إلي يصوم الشهر كله
الحمد لله الله بلغنا هذا الشهر الفضيل
وصارت تصحى كل يوم للسحور
تتشهى كل ليلة شئ..مرة بيض...ومرة ساندويتش مع جبن بالشواية...ومرة ومرة ومرة
وأحسن مرة أكلت سحور كان قشطة بالعسل:26:
الحمد لله صامت كل يوم وإن شاء الله تداول على صيام الشهر كله
بس تقريبا كل يوم لما تصير الساعة 4 ونص تقريبا تبتدي الحنة...جوعانة ساعة كم يأذن
أحاول آصبرها حتى تكمل صومها...لأنها كثير ندمانة السنة الي فاتت على الأيام الي فطرت فيها
وتعالو شوفها عند الفطور..تتشهى كل شئ
رز مع دجاج ..ثريد...سلطة
وبالأخير ماتاكل إلا القلييل من الفطور...
وتستانس لما تشوفني طابخة لها خلية النحل
آسويهم دوائر صغار مررة...ومن غير سمسم أو أي شئ مجرد محشو بجبن كيري
هذي قصة بنتي كل يوم
إن شاء الله تنول رضاكم:26:
