يوميات جارتي الرمضانيه.............

جارتي الغاليه انسانه طيبه وخدومه وصبوره لابعد الحدود جتني ضيفه عندي لنتجاذب اطراف الحديث ونشكي على بعض همومنا ونسلي بعض ... ماهي الا دقائق حتى رايت بريق دمعه من عينيها ..
طبعا جارتي قلت اشفيييييييك؟؟؟؟
الا والمتهم هو طبعا الزوج ..
تسرد لي القصه على لسانها ... تقول واحنا نفطر ومبسوطين والحمد لله وبعد الفطور وانا اجمع الفطور وارتب البيت وانا كل همي اجهز جو لحبيبي حتى يرتاح وتحلى الجلسه اكثر واكثر ... الا هو جاي بعد ماغسل وهو يمسح ايديه ويقول بطلع اتقهوى مع الشباب !! انا انفطر قلبي بس مع ذلك قلبتها مزحه وجلست اقلد بكاء الاطفال واقول واااء حرام عليك ويطاوعك قلبك تتركني لوحدي ؟؟؟ وانا امازحه تماما !!
هو قلبها قضيه سيطره ؟؟ ليش مدري ؟ وقام يقول انت تسيطرين على طلعتي وخرجتي لو اني معودك اطلع كل يوم كان احسن لو اني من اول ما اقولك واطلع وبس كان احسن !!!
انا من هول الفاجعه قلت خلاص خلاص روح !!
برضو مستمره الاسطوانه وليش كل ماطلعت تسوين كذا وكذا ؟؟ انا قلت كل غرضي يوم قلت لاتطلع انو تجلس معي لااكثر ولا اقل !! قال يعني تحبسيني ؟؟ قلت لا .. رد مقاطعا : انا ماعمري منعتك اي مكان تبين تروحين !! قلت له لو انا الحين عندي مكان اروح له ماكان قلت لك اجلس بس انا انسانه وعندي احساس وابي احد اسولف واجلس معه !!
المهم بعد الشيل والحط طلع وانا كبرت الوساده ونمت بعد ماكنت مامله انو راح نجلس مع بعض ونسولف
المهم بعد مارجع تاسف وانا تاسفت وكل واحد عرف غلطه ووعد الثاني ما يعيده ...بس...
الاخ جلس يتفرج على مسلس الله لايعيد هالمسلسلات ... والا تجي وحده شرانيه مع زوجها وتتحكم فيه والمشكله انا كارهتها موت من اول حلقه وانقهر من تصرفاتها ... الا ويقول لي انت زي هذي !!
تعرفون انا تقفلت الدنيا بوجهي .. يعني كل اللي كنت اسوي له راح هدر ماطمر فيه ولا شي من طيبتي وصبري ؟؟ جلست وانا اقول لنفسي يعني ليش اتعب نفسي اذا قال عني كذا وانا مسويه له كل شي ؟ خليني اكون من جد شرانيه عشان يكون اتهامه لي حقيقي على الاقل ماحس بالظلم اللي انا حاسه فيه الحين !! كل اللي رديت عليه بعد كلامه هذا هو شكرا لك يازوجي العزيز !!
اتمنى ان لاتحرموني من ارائكم وحلولكم لهذه الحلقه اقصد المشكله وشكرا