أنا صار لي سنتين وثمانية شهور متزوجة وماصار عندي عيال بس مرة حملت واجهضت ومن بعدها ما حملت بس الحين موعد الدورة عندي وماجتني ادعولي يابنات أكون حامل أحس بآلام الدورة وماينزل شىء سويت سونار بس الدكتورة قالت مافي شىء في الرحم وبطانة الرحم سميكة انتظري بعد عشرة أيام إذا الحمل صار متأخر والحين اخذ الديسفيستون عشان اتاكد اذا في ولا لا عشان الدورة مو منتظمة عندي أدعو لي يابنات

اما انا الحمدلله على كل حال صحيح ربي مارزقني بس احسن حال من البنات اللي بعمري
وعندهم درزن جهال ورا بعض الله يخليهم لها واحد يمرض والثاني يدش المستشفى والثالث رضيع
والرابع بالروضه والخامس بالمدرسه والام حالتها حاله والزوج تعبان ماينام طول الليل ويروح لدوامه وهو ماله خلق والحمدلله
صحيح اني اموت بالجهال وخصوصا اني بشقه بروحي وضيقه واقول لو عندي طفل كان لعبت معاه
واشتريله الألعاب والملابس اللي اموت فيها بس هم اقول لنفسي الحمدلله حالي يمكن احسن من حال اللي عندها عيال
بس ما اقول غير الله يرزقنا يارب ويرحمنا برحمته
اما العلاج يمكن اشتريلي عسل لي ولزوجي وان شاء الله نستمر عليه ان الله قدرنا
والله يعطيك العافيه اختي ام سته على الموضوع
والله يرزقني واياكم بالذريه الصالحه

اما أنااااااااا لي 4 سنوات وحملت مررره وأجهضت وبعدهاااااااا ماصار شي,وزوجي سليم ,وأتمنى بطفل يغير من حياتي شوي مليت والله ((أستغفر الله))
,بعدين كل يوم افكر متى أحمل ولو حملت بسوي كذا وكذا ولا ني معلمه أحد على طول ((خذت درس من المره الأولى لأني علمت الناس بأكملهم إني حامل من اول يوم من التحليل أو ثاني يوم نسيت والله,بس ندمت**قدر الله ماشاء فعل**وأفكـــر داايم الله يرزقناااا))))..
,المهم أن ناويه إذا جتني الدوره الشهر هذا أوقف العلاج تعبت جسديا ونفسيا من الأبـــر والحركات هذي ..
بإذن الله الواحد الحد إنهااا ماتجي إلا بعد 9أشهــــــــر((قولو أمييييييين)))...الله يرزقني ويرزق كل محرومه...
الله يجبر بخواطرنااااا ويرحمنا برحمته قولو امييييييين....

أسفه على الأطاله...

انا صارلي اربع سنوات في البداية فحصنا مافينا شي وقبل سنة عدنا الفحص وطلع عند زوجي دوالي بس والله اكتب لكم وعيوني مليانة دموع اتحسر على عمرى اللي راح وتجريح الناس لي واللحمد لله انتظر زوجي يسوى العملية ادعولي يابنات ماعندي احد اشكيلة همي الاانتم وزوجت اخو زوجي يحبي لها حاسه فينى لان حالها زي حالي والله كريم ...

عزيزاتي

(عسى ان تكرهوا شيئا وهو خيرلكم وعسى ان تحبوا شيئا وهو شر لكم والله يعلم وانتم لاتعلمون)


يابنات صحيح الله قال (زينة الحياة) ولكن قال بعدها ( الباقيات الصالحات خيرعند ربك ثوابا)

الله سبحانه اعلم منكم صحيح انتم تتمنون ولكن يمكن لويجيكم اللي تتمنون يكون شر عليكم

فلمااااااااذا الحزن والالم

تذكروا ان مافي احد مرتااااااح في هذه الدنيا لا اللي عنده اولاد او اللي ما عندها
كلهم في الهواسوا
ولااللي عنده مال واللي ماعنده

تذكروا نعمة الصحه والعافيه
تذكروا الاشيااء الجميله في حياتكم اضحكوا استانسو اخرجومع ازواجكم في كل مكان
بدون هم وغم الاطفال
حاولوا انكم تتذكروان الراحه النفسيه ليست في الاطفال او المال او اي شي غير العمل الصااااااالح والله هو اللي يسبب السعاده للجميع

عشان كذه اغلب الناس عندهم هموم وغموم مع كثرة الاموال والاطفال لانها بدون عمل صالح

ويا كثر الازواج اللي عندهم الاولاد والبنات وهم في مشاكلهم والله اعرف واحد تزوج على زوجته المكافحه وهي عندها درزن اولاد وبنات
واحد افترق مع زوجته بعد ما خلفوا الاولاد والبنات

واخيرا انتم في نعمه تحسدكم عليها اغلب النساااء المنجبات واللي جربوا العيال وهمهم وغمهم
وتذكروا ان الله تعالى قال ان الاطفال احيانا يكونو فتنه وعدوا للوالدين

واخيرا تذكروا اسعادتكم في راحتكم النفسيه وراحتكم النفسيه ليست في المال والبنون
انما في العمل الصالح
والله ذكر انه من يعمل عملا صالحا من ذكر او انثى وهو مؤمن لنحيينه حياة طيبه ولنجزينهم اجرهم با احسن الذي كانوا يعملون 0
فالله تكفل انه من يعمل الصالح هو الذي يعيش في حياة طيبه وسعاده
وهذه اكبر دليل ان الناس قلبوا الايه
واخذو بزخرف الحياة والجري ورااء الاموال والبناء والاطفال وتركوا الاعمااال التي هي كما ذكر الله تعالى الخير والاحسن ثوابا
فلذا
اتركوا عنكم الهم والحزن وتذكروا ان الازواج اللي عندهم الاطفال في مشاكل وهموم با امراضهم ودراستهم ومستقبلهم يعني مافي احد مرتاااح
وعيشوا حياتكم لان الله تعالى وهو الاحق والاعلم منكم (والله يعلم وانتم لاتعلمون)

اسئل الله العظيم ان يكتب لكل وحده منكم الخير والصلاح لها في الدنيا والاخره



0