جميل .. أتابعك ..

عصفورة : توقعت سؤالاً كسؤالك .. وأعتقد أن هذا هو المفيد في القصة .. الا اذا حملتها حمرة الورد أهدافاً أخرى ببراعتها ..

ننتظر المزيد .. :26:

خلصو الاولاد الفطور وقرب موعد دوا جدتهم ..اخدتهم ونزلنا عند ام جوزي ..نسلم عليها ونعطيها الدوا..(اليوم دوري في بيتها)

_ السلام عليكم يا خالتي ..صباح الخير.

_وعليكم السلام ورحمة الله ..صباح النور ياعمري ..تعالو تعالو.

راح علي سلم على جدته اما احمد قعد يزن وماسك توبي ..

_ياولدي روح سلم على جدة.

_ احمد يا حبيبي انت ليش لاصق كدا في امك خليها تاخد نفَس . ياهادي يادليل يارب.

قعدنا ندردش انا وستي وفطرتْ واخدتْ الدوا ..وفي نص الهرجة دق الباب.

_شوفي ياربيعة يابنتي شكلهم البنات رجعو من المدرسة .

قلت في نفسي ..والله ما اظنهم البنات لسة بدري على موعدهم..سألت:_مين؟

_انتي هنا موقلتي عندك شغل.

_ايوة هو هدا شغلي ياهوازن ايش في؟

_ ولا شي ابغى اسأل ام جوزك اذا تبغى تنزل تتونس معانا .

_طيب ادخلي .

_في شي؟

_لا شي ولا مشوي ..اتفضلي بس.

ما ادري ايش بها دي الادمية اليوم.. يارب استر ..اللهم اكفنيها بما شئت.

بصراحة مالي نفس اقعد معاها لاتروح تديني كلمتين في جنبي تخليني اصوخ طول اليوم ..

_انا رايحة اسوي شاهي.

_ لا ياربيعة تعالي ابغاك تقعدي معانا .

_ ان شاء الله اجيب الشاهي واجي..

رحت غرقت في المطبخ الين مارجعو البنات من المدرسة ..ولما سمعت هوازن الفوضى
والاصوات قامت استأزنت.

_ مع السلامة يا ربيعة .. مع السلامة ياخالة.

_مع السلامة.

تيمة اظن ان الاسئلة سوف تتوارد ..:21:

جات سلفتي الاخيرة بعد ماندرت هوازن ..سلفتي دي سبحان الله انا وهي

مانتفق ..ومدري ليش تختار يومي وتجي فيه ..

_ السلام عليكم .

_وعليكم السلام يا حنان .

_كيف حالكم؟

_الحمد لله بخير كيف حالك انتي ؟ وكيف حال النونو؟

_ الحمد لله النونو طيب .
_ خالتي في ؟

_ ايوة في ..

_ طيب الحمد لله ابغاها في موضوع مهم.

دخلت حنان الحامل في اخر الشهور على ام جوزي مبسوطة وشكلها طايرة

من الفرح ..دخلت معاها على نياتي وياريتني مادخلت.

_ كيف حالك ياخالتي فتو؟

_ الحمد لله ..يامَنة كيف حالك انتي ؟ وكيف النونو؟

_ ابشرك يا خالتي ..دوبنا راجعين من عند الدكتورة وقالت لنا انه ولد

ونبغى نسميه علي على اسم عمي الله يرحمو.

قالت اخر كلمتين وطلت فيّ بنظرة الله يعلم بيها .. طيب مو انا ولدي اسمو

علي والا لازم من الغلاسة ..وكمان جوزها الله يصلحه ليش اختار دا الاسم .

_ طيب يابنتي حسن مسمي علي .. الله يحفظو.

_ لابس ياخالتي حسن مو مسمي الكبير ..وطلال قال لازم الكبير عشان

يشيل اسم الوالد مزبوط.


حسبي الله ونعم الوكيل ..يعني غلاسة على مستوى وتقليب في الماضي

الدفين.مرت علي ذكريات ولادة احمد زي الزفت قد ايش اتنكدنا ايامها

..الله يسامحك يا حسن ماكان سميناه علي وخلصنا ..شكلو عشان كدا الولد حالتو حالة.

_ ايوة يامَنة يابنتي..بس خلاص اليي سار سار .. وهما الله يسامحهم ماسمو الاول علي لكن سمو التاني .

الله يكافيكي ياحنان .. مو سمينا علي وفضيناها سيرة ..منك لله ياشيخة.

كان نفسي اقول الكلا دا في وجهها لكن تذكرت عمرو خالد وكلامو

واستهديت بالله وقمت من الغرفة .

شكلي راح اقعد طول اليوم في المطبخ .. من كتر خبطان الدم اليي ساير

اليوم ..متى يجي حسن ونتغدى ونفضها سيرة .
.....................................

وما قالولهم يسموا البنت زينب ؟؟

قال ايه ( يشيل اسم الوالد مزبوط.)

تهاويل .. ( اندمجت في اللهجة )

بس رهيبة هوازن .. قاعدة زي الملوينة في العمارة .. زكرتني بشخصية كرتونية تلف حولين نفسها في بكس بني شوو