مســــــــــــــــــــــــائكم ورد فاح عطره مع هالغربه ,,!
انا بجيب لكم المختصر المفيد ياصبايا والله اننا مع هالغربه تعذبنا حيل انا اطبق هالبرنامج يوميا والله يابنات انى مرتاحه صدق تعب بس راحه غير طبيعيه خاصه ان بيوتنا هنا صغار مو زي البلادنا ثلاث طوابق اقل شي من غير درج وديوانيه وبيت شعر ومسبح ووووو
هنا كلها غرفتين وصاله وواجد علينا :35:
بباء اقول لكم كم نقطه واتمنى الفائده فقط ادعوا لى توصلنى بعثتى بأقرب وقت والله قلقانه مابي غير الدعاء الى تستفيد من نظامي#
تبين بيتك احلى بيت وزوجك ما يفارقك تعالي اقولك السر
( راح نبداء بس لازم تقولين من البداية وداعـــــــاً للكسل)
1- لماتصحين صلاه الفجر قلنا الفجر مو الساعه 7 بعد ماتخلصين الصلاه وانتي على سجادتك
وتقولين الاذكار ترفعين ايدينك وتقولين ( اللهم اني استودعتك قلب زوجي ولسانه وبصره وفرجه في ودائعك فاحفظهالي يامن لا تضيع ودائعه ) 3 مرات تعرفون هنا بنات الحرام واجد
2- وانتي تجهزين الفطورحاولي انك تستغفرين وتكررين سبحان الله والحمد لله ولااله الا الله والله اكبر
3- جهزتي فطورك وصحيتي زوجك وفطرتيه ولبستيه ودعيه عند الباب مثلا الله معك الله يرعاك الله يوفقك ترجع لي بالسلامه
بالنسبه للفطور تقدين تجهزينه قبل بليله مثلا البيض اسلقيه وحطيه في الثلاجه ما يخرب ترا
القهوه اغليها قبل بيوم بدون اضافات وغطي فتحه البريق بقصدير وحطيها في الثلاجه
ولما تجي تستخدميهاسخنيها وحطي في الدله الاضافات هيل زعفران 000 الخ
4- بعد مايروح زوجك لاتنامين تعالي اهتمي شوي بنفسك وبيتك حطي زيت على شعرك وخلطه على كامل جسمك مكونه من كريم جلسوليد كريم سودو
لوجهك خلطه مكونه من 2 م ك دقيق ماء ورد م ك عصير ليمونه اخلطيها لين تصير متماسكه وحطيها على وجهك = بياض صفاء حيويه اشراقه
شفايفك حطى من عسل = شفايف ورديه
5- خصصي لك ملابس خاصه وفضفاضه للشغل وللخلطات
ابدي نظفي البيت وخلي الكنس ااااااااااخر شي نظفي ورتبي وامسحي الغبار بعدين لما تكنسي افتحي المكنسه وحطي فيها من عطر المفارش انا جبته معى من السعوديه عشان لما تكنسين تطلع ريحه العطر في البيت بعد ماتكنسين نجي نمسح المشمع اخلطي كلوركس صابون فيري الليمون
وكبيها في البيت والحمامات وامسحي وشوفي الدلع تشوفين اللمعه
بالنسبه للمطبخ نفس الخلطه في بخاخ وبخي على الفرن والدروج والطاوله والثلاجه والمجلى كل شي يلق يلق
الحمام نفس الحكايه على المرايه المغاسل البانيو كل شي انا اغسل البانيو بالكلوركس كل اسبوع والله اشوف قرف خاصه انهم يسبحون الكلاب والقطط في البانيو
بالنسبه للغسيل مره في الاسبوع غسيل ملابس ومره في الاسبوع كوي فقط
نجي للمطبخ حطي مع الصابون حق الصحون شوي خل واغسلي شوفي كيف صحونك تنظف وريحه الزفر تروح
وللمجاري المسدوده شوي من بيكنج صودا كبيها في المجاري وتنفتح باذن الله وللحنفيات المصديه افركيها بخل وملح ليمون وبيكنج صوداء
ولما تجين تجهزين الغداء سكري باب المطبخ عشان الريحه ما تطلع وبالنسبه للخضار اول ما تشتريها غسليها وحطيها في علب بلاستك الجزر قشريه وشوفي كيف ما يسود البصل افرميه وكيسيه وحطيه في الفريزر الطماط اطحنيه مع شوي ثوم وكيسيه وحطيه في الفريزر النعناع قطعيه وحطيه في علبه بلاستك وفي الثلاجه على طول وما يسود ابد على فكره هذي طريقه جدتي اول تطحن الطماط والبصل وترتاح من الحمسه والقرف
بالنسبه لزيت القلي لاتكبينه بالمجاري ترا تنسد لكن كبيه في كيس وطلعيه في الزباله وانتو بكرامه
ولا تنسون طول ما انتي تشتغلين على طول استغفر الله واتوب اليه استغفرالله واتوب اليه كرريها
بالنسبه للاباريق والقدور افركيها بملح الليمون وبيكنج صوداء تطلع تلق
خلصنا من المطبخ
الحين على وشك يستوي الغداء تروحين تتحممين وتفركين جسمك
وتغسلين شعرك وتحطين خلطه بدل البلسم جنان والله تصيرين كنك فلبينيه من نعومه شعرك انا سويتها وصار شعري لاااااصق على وجهي وتستخدمينها بعد الشامبو وشعرك نظيف تحطين 4 م ك حمام زيت انا جبت معى (بانويل )م ص زيت 2 م ك عسل =نعومه لمعه دلع دلع لاتقولون تلبدالشعر لا جربوا وشوفوا طبعا للشعر الجاف
بالنسبه للرجلين اذا جيتي تنظفينهاماراح اقولك حطيها بماء حار ومدري وش لا احسن طريقه ومجربه للعرقوب او مدري وش اسمه انك تفركينها بفازلين بعدين تجيبين حجر وتفركين رجلينك بدون ما تنقعينها بماء افركي افكري لين تنعم وبعدين غسليها
بعد ما تخلصين حمام افركي جسمك بعدين اشطفيه بماء وبلسم مو شور جل لا خذي بلسم شعر ريحته حلوه واغسلي به جسمك
بعد ما تطلعين وتلبسين وتجهزين لزوجك
طبعا تستقبلينه عند الباب وانتي مبتسمه وترحبين وتهلين وبعد الغداءمسااااااااااااااااج للزوج حطيه من ظمن جدولك اليومي مساج للجسم وماء حار للرجلين لازم
واذا جا ينام لاتخلينه يروح ينام لحاله مهما كان السبب روحي نوميه عوديه انك تنومينه
في الويك اند او وقت اجازه زوجك لا تشتغلين ابد حاولي تخلصين شغلك قبل بايام وفضي نفسك له مساج كامل حمام مغربي بدكير منكير تنظيف بشره اذا تعرفين بعدين تحممينه وتجهزين له بيجامه وعصير بارد صدقوني بيحطك فوق راسه لا تقولون مابيعطيني وجه مستحيل ... سويها وجربي وانتي لاتنسين تخصصين لك يوم حماممغربي ونظافه كامل طبعا اسبوعيا بس وزوجك مداوم مش وهو عندك لان الرجال ما يحب الحرمه تنشغل عنه
وقت فراغك اقري لك سوره من القران واستفيدي من الوقت
يابنات ترا مع الترتيب والنظام في كل شي صدقوني بترتاحون والله بترتاحون
انا عن نفسي بيتي صغير وعندى بنوته
بالنسبه للترتيب يوميا لكن مسح البيت كل يومين والغسيل والكوي قلنا مره بالاسبوع
بالنسبه لوقت الدوره تخصصين لك ملابس للدوره تكون ترينقات بناطيل وتي شيرتات قطنيه بيجامات في الليل تلبسينها بس في الدوره وبعد ما تخلصين ترفعينها في درج مخصص لوقت الدوره اما الايام العاديه البسي ملابس سهره شورتات بناطيل تنانير قصيره واستمتعي واسعدي زوجك حتى لو ماكان يجلس في البيت مع الوقت بيشوفك وبيجلس معك لو انتي غيرتي من نفسك لا تجون تتبكبكون وتتباكون وتشتكون من رجالكم ترا الرجال يحب الحرمه الجميله ما تشوفونهم يبحلقون عيونهم في التلفزيون لانه مالقى اللي تعطيه جوه في البيت والله احنا احلى منهم القرده والخنازير هيفاء واليساء لكن اهملنا انفسنا
نجي للعطور هذي خلطه يوميه للبيت يعني تحطين منها وانتي في بيتك يوميا بدل ما تخلصين عطرك الغالي وانتي ماعندك احد نجيب علبه من جل مابعد الاستحمام من بيبي جونسون ونخلط معه توله من عطرك المفضل وحطي منها على جسمك وهو رطب
مزيل عرق - كريم جلسوليد بودره اطفال شوي مسك ابيض =ريحه حلوه وبياض
ولا تنسون طول الوقت نكرر استغفر الله واتوب اليه
نجي لوقت النوم المسك الابيض رررررررائع حطيه بعلبه صغيره مع ماء ورد وكل مااخذتى شور امسحي بقطنه المنطقه الحساسه تلقين الريحه تفوح فوح رائعه وحتى ملابسك الداخليه تطلع ريحتها مسك وبتلاحظين انه علااج مع الوقت
للاشخاص اللي يفزون او يفزعون وقت النوم رشوا على السرير وعلى اجسامكم لان سبحان الله الجن والشياطين ما يحبون المسك وصدقيني بتنامين بدون ما تفزين او تفزعين وكانك طايحه من مكان مرتفع
اي شخص يصدع من ريحه المسك هو شخص مسحور او فيه مس واسالوا المشايخ وتتاكدون من صحه كلامي
ولا تنسون اذكار النوم
ومع النظام والترتيب صدقيني بيكون عندك وقت للصلاه في الليل
مقتطفات 00
عندك بودره معطره ما تبينها كبيها على الوكيت وبعدين اكنسي شوفي الريحه كيف
ما تبين تحطين كريم اساس دايم استخدمي يودره الاطفال امسحي على وجهك شوي منها مرطب = شفت فلبينيه تسويها وتبيض بعد
لا ترمين الجرايد المكومه عندك حطيها بطشت وكبي عليها ماء كلونيا ريفدور او معطرك المفارش او مسك ابيض وانتظري لين تنشف وحطيها بالدولاب ورتبي فوقها الملابس تلقين ريحه الدولاب حلوه
عندك شمع وما تبينه يذوب بسرعه حطيه في الفريزر
عندك قطع صابون لوكس اوغيره لا ترمينها ابشريها وحطيها بتل ووزعيها على الملابس الشتويه في كراتين او شنطة السفر اذا بتسافرون
ريحه رجول زوجك مو حلوه وتفقع الراس انقعيها بماء حاروشوي بيكنج صوداء
متضايقه من ريحه العرق او ريحه الافرازات او ريحه ريقك او فمك اشربي دائما عصير برتقال مضاف اليه ماء ورد وعسل وبتلاحظين على طول الريحه كيف
واخر شي
لا تسمعون اغاني ترا الاغاني تقطع الرزق
منقول بتصرف
الإشراف
كتاب مسكر @ktab_mskr
محررة ماسية
ِِِيوميات زوجة سنعه ضمنت واستملكت قلب زوجها (يمنع نقل المواضيع بدون ذكر كلمة منقول)
115
14K
هذا الموضوع مغلق.
@اميرة الغيد@
•
ربي يجزاك الجنة ويقر عينيك بزوجك كلامك درر نفعني ربي والمسلمات به
AMURRA :
احس اني قرات الموضوع بمنتدي تاني منذ فتره ليست قصيره عموما مشكورهاحس اني قرات الموضوع بمنتدي تاني منذ فتره ليست قصيره عموما مشكوره
الله يسمع منك يالغلا
يارب ياقمر الله يسمع منك مرسي عالمرور
هلا وغلا اولا مرسي على المرور ثانيا فعلا الموضوع منقول بس انا اطببق بحذافيره من اول يوم زواج عشان كذا انا نشرته لكم وحذفت الى مايناسبنا واضفت الى يناسبنا كنساء متغربات
يارب ياقمر الله يسمع منك مرسي عالمرور
هلا وغلا اولا مرسي على المرور ثانيا فعلا الموضوع منقول بس انا اطببق بحذافيره من اول يوم زواج عشان كذا انا نشرته لكم وحذفت الى مايناسبنا واضفت الى يناسبنا كنساء متغربات
الصفحة الأخيرة