مرحبا..
أعرفكم بنفسي وباختصار..
عمري 32 سنه..
شهادتي بكالوريس انجليزي>>>والكوبه
طويله .. كنت في يوم من الأيام نحيفه.. بس البزران والنفاس سوو فيني العمايل..
متفائلة لدرجه الهباله.. احب الحياه والوناسه .. وياعيني على السواليف!!
روماااااااااااااانسيه لدرجه الغباء!! ايه الغياء .. وياويل اللي تضحك
الرومانسيه غبيه!!..الا اذا كان زوجها رومانس.. وهذي طفره جينيه..والا رجال يقدر الرومانسيه..
غبيه لأني احسب انه بالحب والتفاؤل اقد اغير زوجي.. وأخفف شوي من مزاجيته..
غبيه لأني كنت واثقه من حالي.. وحاسه انه انا دبلوماسيه.. وحبوبه وياحظ اللي بياخذني لأنه بيعيش معاي احلااااام وأحلاااام..بس مب الرجال كذا..
المهم انا ما ابي اصج روسكم بي وبرجلي.. لأنه ماينفع الحكي.. وكل وحده ونصيبه...
انا ابي اسولف..صح عندي اهل اهل اسولف معهم بس.. مب دايم فاضين..
وعندي صديقات... زهقو من كثر بربرتيJ
عاد قلت ما لي الا انتم..
قمت صلحت لي حليب دافي .. وفتحت الكمبيوتر..
بما اني غير موظفه.. لأني ما فيه مكان يستاهل اني اروح له... المدارس يامال الفقر ما تعطي الا 1000 والا 2000وبصراحه ما تكفي غير الكرف ولعنة الجدف اللي يستعبدونك بهالقروش حسبي الله عليهم
والحكومي يبي فيتامين وانا ما عندي.. وبنوك ما يناسبني دوامها ابد ابد ابد غير اني فاهيه بالقروش..يعني انواع الأغلاط بالحسابات!! والمستشفى اختلاط...
يعني ابل شهادتي واتقهوى منها احسن!!!!والا اقرى عليه واحطه يقوارير!!؟؟ تصدقون اصرف .. والله استفيد منه اكثر!!
عاد انا بعد تفكير وتمحيص حبيت اني اشتغل لحسابي.. يعيني ليه اشتغل للناس... يعني اكرف لهم واتعب وبالأخير هم ياخذون القروش وانا اخذ طفسه>>>>لغير الناطقين بالقصماني.. طفسه يعني شي ما يسوى
لاتقولون مدرسه خصوصي يرحم والديكم.. اكره التدريس اكره اكره اكره اكره اكره اكره اكره اكره شي بالعالم
لأنه حرقة دم واعصاب خاصه الإنجليزي ماده مكروهه وغثيثه والبنات ما يحبونه..
وانا ما احب ادرس ولا لي خلق على التدريس..يعني لأ..لأ...لأ
اللي بعده .. وش اشتغل؟؟؟
ممصممه؟؟ والله انا عندي ذوق .. انا اللي مصممه فستان عرسي وبالمناسبه ترى ودي ابيعه اللي تبيه تعلمن..
وعندي خيال واسع... بس برضو انا ما اعرف اخيط.. وما عندي خياطه..ولا اعرف خياط خياطه زين؟؟
يعني بربسه..وش اسوي اتجهت للشئ اللي مره احبه..
المكياج..
بحثت عن مكان اقدر اخذ منه المكياج صدق.. يعني اذا انا باشتغل لأزم اكون محترفه... وعشان اصير محترفه لازمن ادرس.. صح؟؟؟
المهم اني دورت ولازلت ادور ولا لقيت.. اللي غالين واللي ماعندهم سالفه واللي بعيدين... يعني رجعنا الى دائره البطاله...
ولا زلت زهقانه.. واكره الرياضه.. واحب الشوكولاته!! وعجزت انحف!!
وابي اسوي بيتي وادكوره والعيشه صعبه.. وشهاتي نقمه كل ما شفتها ودي اشققها لأنها ما فادتني!!
والقاكم بكرا ان شاء الله ويمكن بعد بكرا اذا المشرفات ما قشعو موضوعي وقالو طسي مامن موضوعك فايده!!
واقص لكم قصة ضرسي جعل اللي قلعته ايده للكسر يارب مب دكتوره هذي سباك..
الحين اباروح اكل حبتي بانادول واخمد جعل الله يكتب لي الخيره..
تصبحون على خير..
نهى عمري @nh_aamry
عضوة فعالة
يلزم عليك تسجيل الدخول أولًا لكتابة تعليق.
ليمونة 27
•
هههههههههههههه والله دمك خفيف ياليت تكتبنا يومياتك والطفش عندي وعندك خير يمكن انا الوحيده الي بعلق على موضعك لاني ملي شغل وفاضيه وماعندي الا النت وانا في انتظارك
GHALA404
•
ياحلوه بما انك انقلش ليش ماتسوين لك بزنس بالنت مثلا تسوين البحوث ,, تترجمين خبرك بنات الجامعه يدورون احد يترجم لهم ,,وكل شي بحقه ,,وتشغلين نفسك ,, والصفحه A4 ب12 ريال وهات يامكااسب .
وضميني معك مو زهقانه الا طاقني الطفش ولاعلى فكره حنا زميلات تخصص ,,<<والكوبه ,,
تدرين وش ودي اشتغل ودي اشتغل لبيسه زي انت اجمل ومع جويل احلى اسوي مع غلا احلى والفلف هالاسواق وناااسه ,,
متى بس يسمحون للمراه بالقياده مايلاقيني المحروس الا بالصمان اجربع <<< الله من الككذب تخاف من القطوره وتجربع بعد
وضميني معك مو زهقانه الا طاقني الطفش ولاعلى فكره حنا زميلات تخصص ,,<<والكوبه ,,
تدرين وش ودي اشتغل ودي اشتغل لبيسه زي انت اجمل ومع جويل احلى اسوي مع غلا احلى والفلف هالاسواق وناااسه ,,
متى بس يسمحون للمراه بالقياده مايلاقيني المحروس الا بالصمان اجربع <<< الله من الككذب تخاف من القطوره وتجربع بعد
الصفحة الأخيرة