يوميات سينابون مع المحاولات والصولات والجولات للحمل.....

السلام عليكم ورحمة الله وبركاته..
كيفكم حبيباتي انشاء الله بخير .......
طبعا الي يتابع مشواري مع المحاولات للحمل عارف عني كل شي بس بوضح للي ما
يعرف( واحده على بالها مهمه) المهم انا لي سنتين وانا تاركه حبوب منع الحمل
الله لا يبارك فيها وعندي طفل عمر ولدي 6 سنوات لما كشفت الدكتوره اول مره قالت لي على منشطات وصرفت لي ابر واخذتها وبعد فتره صار لي نزيف شديد مره ورحت لمستشفي احسن من الاول وقالت لي الدكتوره عندك لحميه وتليف ولازم عمليه. :icon33: وعملت العمليه والحمد لله ولا صار بعدها حمل والي معي وتركو المانع كلهم حملو ما شاء الله :( وانا باقي وذبحتني الدكتوره بهالتحا ليل ولا فيه فايده .
واغير الدكتوره وتقولي لازم نعمل كي عندك قرحه وقلت اوكيه وبعد شهر من الانتظار والامل ما حصل شي وبعد كم من موعد قالت نعمل لك اشعة صبغه على الشهر الجاي
قلت اوكيه وطبعا انتم عارفين الحاله النفسيه من الخوف من الاشعه واعمل بحث وتقصي عن هل اشعه وقلت اتوكل على الله واعملها يمكن فيه امل وبعد الدوره رحت لها وعملت لي الاشعه وقا لت اول مره الانابيب مسدوده ممكن نظطر لعمل عملية منظار وفتح بطن يا اللـــــــــــــــــــــــه تعبت مره نفسيا وعملت لي في نفس الاسبوع
اشعه مره ثانيه وقالت في امل بسيط ان الماده دخلت بشكل بسييييط في احد الانابيب
وصرفت لي منشط (كلوميد) واخذته لمدة 3 شهور وتعبت منه وسمنت وتركته وكان عندي التهابات صارت تجيني قبل الدوره ب10 ايام وطفشت مررررره ويمكن عشان الصبغه الله اعلم .
وجلست شهر بدون اي شي وكان التبويض عندي تمام لاكن ما يحصل حمل...
وارسلت لي واحده من الحوااات الله يجزاها خير عنوان مراخه واكلم الحرمه وقالت اذا خلصت الدوره على طول اتصلي فيني وانا اجيكي وطبعا على طول كلمت الحرمه في اول هذا الشهر وجات مرختني لمدة 3 ايام وربطت على بطني وقالت عندك الرحم مايل علي اليسار وعشان كذا ما يحصل حمل ومع التمريخ تقول انها رجعته لطبيعته
واللــــــــه اعلم وقالت انشا الله اني احمل هذا الشهر ..
والله يابنات ان نفسيتي زي الزفت وكمان الي كانو معايه ولدو الله يخلي لهم ولا احسدهم لاكن..زوجي احسه ما عاد مهتم بايام التبويض وانا تعبت ...
ورحت قبل يومين لدكتوره مدحوها كثير في مستشفى بخش ولما كشفت علي قالت
عندك التهابات شديده في عنق الرحم وبطانة الرحم سميكه ..
والله العظيم تحطمت وكان بيغمى علي ولاكن الحمد لله على كل حال...
واعطتني تحاميل ودافستون اخذه الاسبوع الجاي وعلى الله..
وانا اسفه جدا على الاطاله ولاكن انتم اخواتي وافضفض لكم
وامانه اي واحده تقراموضوعي ان تدعي لي باالذريه الصالحه ييييييييييييارب.
وعلى فكره صايره اقرا سورة البقره والاذكار واذا قدرت صليت اخر الليل .