يوميات صيفيه مع اطفالي

السلام عليكم ورحمه الله وبركاته
بعد اذن اختي وحبيبتي اقصى المدينه وبعد اذن المشرفه الغاليه مزايا حابه افتح هذا الملف ليكون يومياتنا للبرنامج الصيفي اللي كتبناه في الملف السابق للبرامج الصيفيه بحيث يكون الملف الاول للبرنامج وهذا الملف لليوميات انا اليوم بدا برنا مجي الصيفي بعد صلا ه العصر وبدا بكتابه ابني قطعه من الكتاب على الكمبيوتر وحسبت له الوقت والقطعه كانت عباره عن 10سطر وكتبه في 25 دقيقه وكانت بدايه ممتازه وبعدين انتقلنا للحصه الرياضييه:7_5_122: :7_5_131:والترفيهيه وكانت عن عباره سله حطيناها في الزاويه وقمنا نرمي الكور وكانت عشر كور واللي يجيب اقل عدد من الكور هو اللي يقوم ويجمع الكور ويجيبها جنبنا ونكمل العب وطبعا من اكثر واحد يخسر ويقوم يجمع انا . ابني كان مره مبسوط من العبه حتى بنتي الصغيره قامت تشار ك معانا وتروح عند السله واحنا نلعب وفجاءه
طططططططططططططططططاخ
جت الكوره على راسها ومدت بوزهاوهي تقول اااوه :oومتنا عليه من الضحك طبعا ماعورتها لانها كانت بلاستيك بعدين جت جلست جنبي وشافت ورقه وقالت ماما بلم بلم تقصد قلم وعطيتها واحناكملنا لعب بعدين خلصت اللعبه واستغرقت ساعه معانا وبعدين انا اخذت الصغيره ورحت نمت لاني جالسه بدري تعرفون اطبق جدول ابله مزايا يعطيها العافيه وبعدين قمت من النوم وجا وقت الترويش ودخل ابني تروش بعدين اخته بعدين انا وجا وقت صلاه المغرب وصلينا وبعد الصلاه جا وقت تعليم الانجليزي فتحت الموقع على النت وبد ابني ياخذ اول درس وهي الحروف والاعداد والاشكال والاوان في هذا الوقت جبت الكتيبات الصغيره وجلست اردد مع بنتي الاشكال . وبعدين قمنا صلين العشا ورجع يكمل الى الساعه تسع وجا وقت العشا تعشى وبعدين جا وقت التلفزيون وجلس يطالع التلفزيون الى الساعه 11 وبعد شوي راح ادخلهم ينامون:40: على فكره
ابني جمع اليوم20 نقطه وماوقف ولا مره في زوايا العقاب اما بنوتي الصغيره وقفت 3 مرات لانها تعبثت بالتلفون مرتين وداست على اخوها وهو يطالع التلفزيون اتمنى اني ماطولت عليكم انتظر تفاعلكم معاي وانادي اختي اقصى المدينه تجي تشاركني يومياتها هنا معاي ولكم جزيل الشكر الى الملتقى غدا مع يوميات جديده :icon35: